Ndondeko 26:22 - Kifuliiru

²² Hisake anashubi lyoka yaho, anagendi humba ikindi kirigo. Si kyohe, batanaki kihambirira. Yikyo kirigo, anakiyinika iziina Rehobooti, (kuli kudeta: ndaraara). Anadeta: «Nahano leero atuheereza ino ndaraara, hanali ho twamu gangaaza.»

Ndondeko 26:22 Referans Kwoze

Kulyoka 1:7

Kundu kwokwo, Abahisiraheeri banagenderera ukukizi buta, banaluguuka bweneene, halinde banakwira hooshi mu kihugo kyeꞌMiisiri.

Ndondeko 17:6

Kwokwo, ngakuheereza ibuta, mwiꞌkondo lyawe, munalyoke imilala mingi, kiri naꞌbaami.

Zaburi 118:5

Ikyanya nâli kola mu makuba, nꞌgatakira Nahano, ananyuvwa, ananjwekuula.

Ndondeko 41:52

Mugala wage wa kabiri, anamúyinika iziina Hifurahimu, ti: «Rurema keera ambeereza ibuta mu kihugo kyo nalibuukira mwo.»

Zaburi 18:19

Yewe! Kundu nâli kolaga mu malibu, haliko banandeera. Kundu kwokwo, Nahano ananjuutira,

Zaburi 4:1

Imwoꞌmwimangizi waꞌbimbi. Izaburi ya Dahudi. Luli mu yimbwa neꞌnanga zeꞌmirya.

Ndondeko 28:3

«Rurema woꞌbushobozi bwoshi, akizi kugashaanira. Ubute yisho, ubute nyoko! Uyushuukage, halinde ube shokuluza waꞌbandu beꞌmilala mingi.

Ndondeko 26:21

Ha nyuma, yabo bakozi ba Hisake banagendi humba ikindi kirigo. Nakyo kwakundi, banashubi kihambirira. Hisake anakiyinika iziina Sitina, (kuli kudeta: bushombani).

Hisaaya 54:2

Ufinduulage iheema lyawe. Uyushuule imirondo yalyo, halinde iyajabuke. Utakolwe kwo wayihangirira. Si ulaahye imigozi yalyo. Neꞌmisumaari yalyo, ugisindagire.

Hisaaya 54:3

Buno, ukola ugatabika uluhande noꞌlundi. Abaana ba mu kibusi kyawe, bakolaga bagahyana utwaya tweꞌbinyamahanga. Na kundu utwaya twabo twâli sigiiragi mushaka, si bakola bagayiji tutuula mwo.

Zaburi 119:32

Ngavwaruka, gira ngizi kulikira imaaja zaawe. Mukuba, we mu zinzobanulira.