Ndondeko 24:35 - Kifuliiru

³⁵ Noꞌyo Hiburahimu, Rurema keera akamúgashaanira, anakola mugale bweneene. Keera Nahano akamúheereza inguuli zeꞌbibuzi, na zeꞌmbene, na zeꞌngaavu, kiri neꞌnguuli zeꞌngamiya, neꞌza bapunda. Na kwakundi, keera akalonga inooro nyingi, neꞌharija, kuguma naꞌbakozi, abashosi naꞌbakazi.

Ndondeko 24:35 Referans Kwoze

Ndondeko 24:1

Hiburahimu âli kola mushaaja bweneene. Na Nahano âli múgashaniiri bweneene, mu kati ka byoshi.

Ndondeko 13:2

Hiburamu âli kola neꞌbitugwa bingi bweneene, kiri neꞌnooro nyingi, neꞌharija. Âli kola mugale bweneene.

Migani 10:22

Ikyanya Nahano ali mu tugashaanira, tuli mu gala. Atanali mu yushuula ubugale bwitu kwaꞌmalibu.

Zaburi 107:38

Yabo bandu, Nahano anakizi bagashaanira ngana, halinde banaluguuka. Kiri neꞌbitugwa byabo, byanayolola.

Mataayo 6:33

«Mwehe, mukizi hahaliraga ubwami bwa Rurema, munakizi gira íbikwaniini imbere lyage, lyo mugayushuulirwa yibyo bindi byoshi.

Zaburi 18:35

Amaboko gaani, ayamiri ali mu gakomeereza mwiꞌzibo. Na kundu bakatula umuheto mu miringa, haliko amaboko gaani gali mu yami gufwora.

Ndondeko 25:11

Ikyanya Hiburahimu akaba keera afwa, Hisake anatuula ha butambi lyeꞌKirigo Lahayi-Rohi, Rurema anakizi múgashaanira.

Ndondeko 12:2

Ngakugira ubaagage mulala úguhimbiri, na ngizi kugashaanira. Iziina lyawe, ngakizi lilumbuusa. Hiꞌgulu lyawe, ngakizi gashaanira kiri naꞌbandi.

1 Timoteyo 4:8

Iri umundu angakizi hatiriza amagala gaage mbu lyo gafiika, angaba naꞌkamaro kagerwa naaho. Halikago, iri angakizi fiitirwa ku bya Rurema, lyo agakizi longa akamaro mu kati ka byoshi. Agaaba alonga umuhango ku bya hano mu kihugo, kiri na ku byâye yije kwakundi.

Zaburi 112:3

Imikolezi yabo miija, igakizi genderera, halinde imyaka neꞌmyakuula. Neꞌnyumba zaabo, zigakizi lundwa mwaꞌkanyabungaka keꞌbindu.

Hayubu 1:3

Uyo Hayubu âli mugale bweneene, weꞌbibuzi bihumbi birinda, neꞌngamiya bihumbi bishatu, neꞌngaavu kihumbi, naꞌmabuguma ga bapunda magana gataanu, naꞌbakozi bingi bweneene. Ye wâli mugangambale, ukuhima abandi booshi ba mu mbande zeꞌsheere.

Ndondeko 49:25

Rurema wa yisho, ye gakizi kutabaala. Ye Rurema woꞌbushobozi bwoshi, ye ganakizi kugashaanira. Kwokwo, ugakizi longa invula ukulyoka mwiꞌgulu. Noꞌtudota, tunakizi bira mu kuzimu. Ugakizi buta abaana bingi. Kiri neꞌbitugwa, binayolole.

Ndondeko 12:16

mwami weꞌMiisiri anagirira Hiburamu amiija hiꞌgulu lya mukaage. Anamúheereza ibibuzi, neꞌmbene, neꞌngaavu, na bapunda, inviizi naꞌmabuguma, neꞌngamiya, kiri naꞌbaja, naꞌbaja-kazi.

Migani 22:4

Ikyanya umundu ali mutuudu, anabe asimbahiri Nahano, biri mu múleetera ubugale, noꞌlushaagwa, noꞌbulamu.

Luka 12:45

«Haliko, tudetage ngoꞌyo mukozi angayigamba, ti: “Si Nahamwitu, keera atinda bweneene!” Ulya mukozi, anatondeere ukulimbagula abaabo bakozi, abashosi naꞌbakazi. Anakizi lya noꞌkunywa, halinde analaluke.

Ndondeko 12:3

Ngiisi ábagakizi kugashaanira, naani ngakizi bagashaanira. Haliko, ngiisi ábagakizi kudaaka, naani ngakizi badaaka. Hiꞌgulu lyawe, imilala yoshi mu kihugo igagashaanirwa.»

Ndondeko 25:5

Hiburahimu anasikiiriza Hisake ibindu byage byoshi, gira akabihyane.

Ndondeko 30:43

Iri hakatama, Yakobo anayiji ba mugale bweneene. Âli riiri neꞌnguuli zeꞌbibuzi, na zeꞌmbene, neꞌza bapunda, na zeꞌngamiya, kuguma naꞌbaja, kiri naꞌbaja-kazi.