Ndondeko 2:22 - Kifuliiru

²² Lulya lubavu, Nahano Rurema analubumba mwoꞌmukazi. Neꞌkyanya akamúleeta imunda umushosi,

Ndondeko 2:22 Referans Kwoze

1 Timoteyo 2:13

Hadamu ye katee bumbwa, Heeva abulagi bumbwa.

Baheburaniya 13:4

Umundu, iri angaba ahisiizi umukazi, abandu booshi bakwaniini bamúheereze ulushaagwa. Na ngiisi mukazi keera úwahisibwa, kwo na kwokwo! Na boonyene, bakizi yitaluula imwa Nahano. Hatanagirage úgakizi sambana, kandi iri kuyeruzania. Mukuba, mwene yabo, Rurema agaki bahaniiriza.

Migani 19:14

Umundu ali mu hyana inyumba, noꞌbundi bugale imwaꞌbabusi baage. Si umukazi mwitegeereza yehe, ali mu lyoka imwa Nahano.

Migani 18:22

Ngiisi úwalonga umukazi, iri alonga ikindu kiija. Ku njira ya mukaage, Nahano ali mu múgashaanira.

Ndondeko 2:19

Kwokwo, Nahano Rurema anayabiira uluvu, analema mwo ngiisi mulala gweꞌnyamiishwa, na gwoꞌtunyuni, útuli mu balala mu kyanyaanya. Anabileetera umushosi, gira alole ngiisi kwo agabiyinika amaziina. Yibyo biremwa byoshi, ngiisi maziina go akabiyinika, ganaba go maziina gaabyo.

Zaburi 127:1

Ulwimbo lwa Sulumaani. Luli mu yimbwa na ábali mu zamuukira i Yerusaleemu. Nahano, iri angaba atali ye mu yubaka inyumba, abuubasi bagaaba bayiluhiza ubusha. Nahano, iri angaba atali ye mu langa akaaya, abalaliizi baako bagaaba balaliiri ubusha.