Ndondeko 18:30 - Kifuliiru

³⁰ Hiburahimu anamúyinginga, ti: «E Nahamwitu, utayagalwe. Namu shubi deta. Ngeeka mwangaboneka abandu makumi gashatu ábakwaniini.» Nahano, ti: «Mu yako kaaya, iri mwangaboneka abandu makumi gashatu ábakwaniini, ndangaki kashereeza.»

Ndondeko 18:30 Referans Kwoze

Hisaaya 6:5

Iri nꞌgabona kwokwo, nanadeta: «Ala nie! Si leero ngola ngashereera! Si akanwa kaani kayulubiiri. Naꞌbandu bo tutuliinwi, nabo utunwa twabo tuyulubiiri. Kundu kwokwo, keera nayibonera Umwami. Ye na Nahano woꞌbushobozi bwoshi!»

Zaburi 89:7

E Nahano, yaho mu kyanyaanya, nyandi úwangakuyegeera? Mu bindi byoshi íbiri mu yikumbwa, si ndaakyo íkikushushiri!

Zaburi 10:17

E Nahano, yabo banamagoorwa, ukoli yuvwiti ngiisi kwo baloziizi. Kwokwo, ikyanya bali mu lira, ukizi bayuvwiriza, unabatabaale.

Zaburi 9:12

Nahano atwaziri i Sayuni. Kwokwo, mukizi múyimbira inyimbo zoꞌbwivuge. Na ngiisi byo âli gweti agaagira, mukizi bimenyeesa mu mahanga.

Hayubu 40:4

«Si ndi mundu ngana! Aaho! Kuti kwo ngakushuvya? Kwoku, ngola ngaaziba akanwa noꞌkuboko.

Batwi beꞌmaaja 6:39

Gidyoni anashubi bwira Rurema kwokuno: «Nakuyinginga bweneene, utandakarire. Umbanguule, njubi deta lindi liguma. Namu shubi kugeza ku njira ya lwolu luhu. Leero yulu luhu, ngwane haashi halobiri. Si ku bwoya, na ngwane kuyumiri.»

Ndondeko 44:18

Yuda anayegeera Yusefu, anamúbwira: «E nahamwitu, ungejeerere bweneene. Nakuyinginga, we kongwa, umbanguulage, nguganuuze ku magambo magerwa. Kundu we kola nga Faraho yenyene, haliko utambone ubuligo.

Ndondeko 18:29

Hiburahimu, ti: «Ngeeka mwangaboneka abandu makumi gana.» Nahano naye, ti: «Hiꞌgulu lya yabo bandu makumi gana ábakwaniini, ndangaki kashereeza.»

Ndondeko 18:31

Hiburahimu anashubi deta: «Ngiri mu yihangaana ukuganuuza Nahamwitu. Ngeeka mwangaboneka abandu makumi gabiri ábakwaniini?» Nahano, ti: «Mu yako kaaya, iri mwangaboneka abandu makumi gabiri ábakwaniini, ndangaki kashereeza.»