Ndondeko 18:21 - Kifuliiru

²¹ Na buno, ngola ngamanukira yo, gira ngendi yibonera iri yaga malira gakulikiriini neꞌmikolezi yabo. Kwokwo, lyo ngalonga ukumenya bwija.»

Ndondeko 18:21 Referans Kwoze

Kulyoka 3:8

«Kwokwo, ngolaga ngabalyosa mu maboko gaꞌBamiisiri, na mu kihugo kyabo, halinde na mbatwale mu kihugo kiija. Kirya kindi kihugo, kiri kihamu, kinayeziri mwaꞌmata noꞌbuuki. Si buno, kikiri mwaꞌBakaanani, naꞌBahiti, naꞌBahamoori, naꞌBapereesi, naꞌBahivi, naꞌBayebuusi.

Ndondeko 11:5

Yako kaaya, ikyanya yabo bandu bâli kizi kayubaka, kuguma noꞌlwingo, Nahano anamanuka, gira ayiji bilola.

Sefaniya 1:12

Yikyo kyanya, ngakoleesa itara, mu kulooza ábabishamiri mu Yerusaleemu. Neꞌkyanya ngagwana ábagweti bagayifunda mu mabi, ngabahana ngana-ngana. Si bagweti bagayitoneesa kwokuno: “Nahano yehe, ndaabyo angatugirira, kiba kiija kandi iri kibi!”

Mika 1:3

Nahano agweti agashonooka ukulyoka imwage mwiꞌgulu, halinde ku marango, gira akizi gagenda kwo.

Yeremiya 17:10

«Kundu kwokwo, niehe Nahano, imitima yaꞌbandu, ndi mu giloleekeza. Kiri neꞌnzaliro zoꞌmundu, ndi mu zigahiriza, ninamúhembe ukukulikirana na ngiisi kwo akakola.

Yoshwa 22:22

«Nahano, ye Rurema úli hiꞌgulu lya íbiri mu yikumbwa byoshi. Anali ye yiji íbyatuma twagira kwoku. Kiri naꞌBahisiraheeri, nabo bagabimenya. Iri twangaba twakeneka Nahano mu buhuni, mwangatuminika zeene.

Bukengeeze 8:2

«Mukengeerage ngiisi kwo Nahano, Rurema winyu, akahisa imyaka makumi gana, agweti agamùrongoora mwiꞌshamba. Akalooza kwo mube batuudu. Anamùgeza, halinde alonge ukumenya íbiri mu mitima yinyu, iri mugasimbaha imaaja zaage, kandi iri nanga.

Kulyoka 33:5

Na íbitumiri bakagira kwokwo, bwo Nahano âli mali gwanwa abwira Musa, ti: «Yabo Bahisiraheeri, ubabwire kwo bali mindagabika, banali banduuvwa. Neꞌri twangagendanwa, hali ikyanya nangayami baminika kinaliguma. Ku yukwo, ngiisi byo muyirimbisiizi mwo, mubihogole. Ha nyuma, lyo ngaamenya ngiisi kwo ngamùgirira.»

Ndondeko 11:7

Aaho! Mugirage tumanuke, gira tugendi shobania indeto yabo, halinde batakizi ki yuvwanwa.»

Baheburaniya 4:13

Mu byoshi íbiryagagi ho, ndaakyo íki bishamiri mu masu ga Rurema. Si byoshi biri mu ba ku bweranyange imbere lyage! Aganaki tubuuza hiꞌgulu lyabyo.

1 Batesaloniki 4:16

Ku yikyo kyanya, hâye yiberekaanie izu lyoꞌkuhamuliza! Noꞌmuganda mukulu anateerere umulaga. Neꞌkibuga kya Rurema kinadihirizibwe. Haaho Nahano yenyene agashonooka ukulyoka mwiꞌgulu. Na ngiisi ábakafwa mu kati kaage, banazuuke. Boohe, banabe bo bagatangi lengezibwa.

2 Bakorindo 11:11

Kituma kikagi? Ka mbu bwo nimùshombiri? Nanga! Si Rurema yenyene ayiji kwo nimùkuuziri!

Yohana 6:38

«Na íbikatuma nꞌgalyoka mwiꞌgulu, kutali mbu lyo nyiji gira ubulooze bwani. Si nꞌgayija hano, ukugira ubulooze bwa daata. Mukuba, ye kanduma.

Luka 16:15

Yesu anababwira: «Mwehe, mugweti mugayigira imbere lyaꞌbandu nga mwe mukwaniini. Kundu kwokwo, Rurema ayiji-yiji íbiri mu mitima yinyu. Ee! Ngiisi byaꞌbandu bali mu huuza, byebyo byo Rurema ali mu negura!»

Yeremiya 17:1

Nahano adetaga kwokuno: «Abayuda, ibyaha byabo, bitangahotolwa. Yibyo byaha, keera bikahokoororwa mu mitima yabo naꞌkalamu keꞌkyuma. Bikoli yandisirwi kiri na ku tugongo twoꞌtutanda two bali mu tangira imizimu kwaꞌmatuulo.

Zaburi 90:8

Ibyaha biitu, kundu byangabishamiri, si wehe ubibwini byoshi-byoshi, keera wabibiika ku bweranyange imbere lyawe.

Hayubu 34:22

Kiri neꞌkihulu, kundu kyangabiiri kya namudidi, kitangabisha banangora-mabi mu masu gaage.

Bukengeeze 13:3

Yago magambo gaage, iri gangakoleka nga ngiisi kwo akagwanwa adeta, hali ikyanya angakengeera amùbwira: “Aaho! Tukulikirage imigisi, tunakizi giyikumba.” (Si iyo migisi munabe mutagiyiji.)

Ndondeko 18:17

Nahano anayisaliza, ti: «Ka mbishe Hiburahimu byo njungisiri?

Zaburi 14:2

Nahano, kwo ali mwiꞌgulu, agweti agalangiiza abandu booshi, gira alonge ukumenya iri hangaba hali umundu mwenge, kandi iri úgweti úgamúlooza.

Ndondeko 6:12

Na bwo bâli koli bihuusiri, kyanatuma ngiisi mundu agakizi yifunda mu bikoleere nga kwo âli loziizi.

Yona 1:2

«Yimuka duba, ugende mu kaaya kahamu keꞌNinaawi, unababwiririre kwo bakola bagaahanwa. Mukuba, bakoli bihuusiri bweneene!»