Ndondeko 10:29 - Kifuliiru

²⁹ na Hofiiri, na Havila, na Yobaabu. Yabo booshi, bâli bagala Yokitaani.

Ndondeko 10:29 Referans Kwoze

1 Baami 9:28

Banabalamira mu kihugo kyeꞌHofiiri, banalyosa yeꞌtooni ikumi na zina zeꞌnooro, banazileetera mwami Sulumaani.

Hisaaya 13:12

Balya bandu, ngabaniihya kwo, babulike nga nooro muguuhya. Ee! Bagabulikaga nga nooro yeꞌHofiiri.

Zaburi 45:9

Ibyambalwa byawe biri noꞌmuhongolo mwija gwaꞌmalaasi na gweꞌhuudi, na gwoꞌmudalasiini. Ubwatiiri mu nyumba ílimbisiibwi naꞌmahembe geꞌnjovu. Banali mu kushambaaza neꞌnyimbo íziri mu lasibwa mu binubi.

Hayubu 28:16

Bitagaaziga kwo babugule ku nooro zeꞌHofiiri, kandi iri ku mabuye geꞌhonikisi, kandi iri geꞌsafiiri.

Hayubu 22:24

Utakizi ki hemukira ibindu byeꞌkishingo, si inooro zeꞌHofiiri, ukizi zikabulira mu lwiji.

1 Kutondobola 9:13

Yabo bagingi ábâli galukiiri i Yerusaleemu, bâli kihumbi na magana galinda na makumi galindatu. Booshi bâli bimangizi beꞌmbaga zaabo, banâli bikalage. Bâli haabirwi umukolwa gwoꞌkukizi kola mu nyumba ya Rurema.

1 Kutondobola 9:10

Mu bagingi ábâli tuuziri i Yerusaleemu, mwâli Yedaya, na Yoyaribu, na Yakiini.

1 Baami 22:48

Ku yikyo kyanya, ndaaye mwami úwâli mu kihugo kyeꞌHedoomu. Si mwami weꞌBuyuda, ye wâli kizi tuma yoꞌmwimangizi.

1 Samweri 15:7

Haaho, ulya Sahuli anatondeera ukulwisa Abahamareki, anabahima, ukutondeerera i Havila, halinde ukuhisa i Shuuri, uluhande lweꞌsheere lweꞌkihugo kyeꞌMiisiri.

Ndondeko 25:18

Beene Hishimaheeri, bâli tuuziri ha kati keꞌHavila neꞌShuuri. Yako kaaya keꞌShuuri, kali hoofi neꞌMiisiri, uluhande lweꞌHasuriya. Yabo booshi, bâli yihandwiri ku beene wabo, beene Hiburahimu.

Ndondeko 2:11

Ulwiji lwa mbere luli mu buuzibwa Pishooni. Lwo luzungulusiri mu kihugo kyoshi kyeꞌHavila. Yikyo kihugo, kiri mweꞌnooro.

Ndondeko 10:28

na Hobaali, na Habimaheeri, na Sheeba,

Ndondeko 10:30

Ikihugo kyabo, kyâli tonderiiri i Mesha, uluhande lweꞌSefara, halinde ukuhisa mu migazi yeꞌsheere.

1 Kutondobola 1:23

na Hofiiri, na Havila, na Yobaabu. Yabo booshi, bâli bagala Yokitaani.