Ndondeko 1:9 - Kifuliiru

⁹ Rurema anashubi kyula: «Amiiji ágali mwiꞌdako, gayigushe haguma, halinde haboneke áhayumiri.» Kwanaba kwo bigaaba.

Ndondeko 1:9 Referans Kwoze

2 Peturu 3:5

Kundu kwokwo, bali mu yiyibagiza kwo yaho keera Rurema akabumba igulu neꞌkihugo ku njira yoꞌkukyula kwo bibe ho. Ee! Akabilyosa mu miiji. Kuli ku njira yaꞌmiiji kwo akabibumba.

Yona 1:9

Yona, ti: «Niehe ndi Muheburaniya. Na ndi mu yikumba Nahano, Rurema wa mwiꞌgulu. Ye kabumba inyaaja, niꞌdaho.

Yeremiya 5:22

Nahano adetaga kwokuno: «Ku kasiisa, mukwaniini mukizi nzimbaha, munakizi juguma imbere lyani. Si nie nꞌgabiikira inyaaja umushenyu, lube lubibi lwayo! Yulwo lubibi, lunayamiri ho imyaka neꞌmyakuula. Neꞌnyaaja itangalutaluka. Kundu imidunda yangalupukula-pukula, itangalubalala. Na kundu yangakundula, itangalusooka.

Zaburi 95:5

Inyaaja ziri zeꞌmwage, bwo ye kazibumba. Kiri noꞌbulambo, akabubumba yenyene.

Mwigiriza 1:7

Inyiiji zooshi, nazo, zigweti zigakizi hingira mu nyaaja. Kundu kwokwo, yizo nyaaja zitali mu yijulira. Yago miiji gali mu shubi galukira iwa nyiiji, ganashubi hingira iwa nyaaja.

Zaburi 33:7

Kiri naꞌmiiji ga mu nyaaja, akagakuumaniza kuguma. Naꞌmiiji ágali i buziba, akagabiika mu bihinda.

Hayubu 26:10

«Ngiisi ho akahandula amiiji, anahabiika umuziizi, gira gukizi yerekana ulubibi ha kati koꞌmulengeerwe neꞌkihulu.

Bwigule 10:6

Anabiika indahiro kwiꞌziina lya Rurema úyamiri ho imyaka neꞌmyakuula, anali ye kabumba igulu neꞌkihugo, neꞌnyaaja, na íbibiri mwo byoshi. Ulya muganda anadeta: «Ikyanya kyoꞌkulindirira, keera kyamala!

Zaburi 104:3

Keera ukayubaka akaaya kaawe ku miiji mwiꞌgulu, unagweti ugasuula umulindi mu bibungu, nga úli mwiꞌgaari. Uli mu balala mwiꞌgulu, nga kwaꞌkanyuni kali mu balala neꞌbyubi.

Hayubu 26:7

Rurema ye kabiika ikyanyaanya, uluhande lweꞌmbembe, ananagania ikihugo áhatali kindu.

Ndondeko 1:8

Yikyo kyanyaanya, Rurema anakiyinika iziina Igulu. Akabigingwe kanalenga, bwanakya shesheezi. Lwo lukaba lusiku lwa kabiri.

Nehemiya 9:6

Wehe naaho, we Nahano. We kabumba igulu, na byoshi íbiri mwo. We kabumba neꞌndonde zooshi. We kabumba neꞌkihugo na byoshi íbiri mwo. We kabumba neꞌnyaaja, na ngiisi íbiri mwo. Yibyo byoshi, we tumiri biri bigumaana. Byoshi íbiri kwiꞌgulu, biyamiri bigweti bigakuyikumba.