Ndondeko 1:7 - Kifuliiru

⁷ Kwokwo, kirya kyanyaanya kyanaba ho. Yago miiji gombi, kyanagahandula. Maguma ganasigala hiꞌgulu mu kyanyaanya. Naꞌgandi ganabeera mwiꞌdako lyakyo.

Ndondeko 1:7 Referans Kwoze

Zaburi 148:4

Mukizi múhuuza, mwe muli hiꞌgulu lya byoshi. Na niinyu, mwe miiji ágali kwiꞌgulu! Mukizi múhuuza.

Mataayo 8:27

Balya bigirizibwa, mbu babone kwokwo, banasoomerwa bweneene, banabuuzania: «Mundu muki uno? Si kiri neꞌkihuhuuta neꞌnyaaja bigweti bigamúsimbaha!»

Ndondeko 1:9

Rurema anashubi kyula: «Amiiji ágali mwiꞌdako, gayigushe haguma, halinde haboneke áhayumiri.» Kwanaba kwo bigaaba.

Hayubu 26:8

Ashwesiri amiiji mu bibungu, lyo biba bizito. Kundu kwokwo, yubwo buzito butali bwo butumiri biri mu bereka.

Ndondeko 1:15

Iyo mirengeerwe íri kwiꞌgulu, ikizi tanguulira ikihugo.» Kwanaba kwo bigaaba.

Mwigiriza 11:3

Ibibungu, iri byangayijula amiiji, iri invula igaatonya. Neꞌkiti kwakundi, iri kyangagwira uluhande lweꞌkisaka, kandi iri lweꞌmbembe, ngiisi ho kyagwira, ho na haaho kiri mu ba kilambamiri.

Ndondeko 1:24

Rurema anashubi kyula: «Ikihugo kiyijule mwo ngiisi mulala gweꞌbiremwa, binakizi butana, ngiisi mulala kwagwo-kwagwo. Haboneke ibitugwa, neꞌbizimu, na íbiri mu yibulula, kiri neꞌnyamiishwa.» Kwanaba kwo bigaaba.

Ndondeko 1:11

Rurema anashubi kyula: «Idaho limeze imbuto za ngiisi mulala. Imbuto nguma zikizi ba neꞌndete. Habe neꞌbiti byoꞌkutongeka kweꞌbitumbwe íbiri mweꞌndete, halinde zikizi meza ibindi.» Kwanaba kwo bigaaba.

Zaburi 104:10

Yumwo mu ndekeera, wanabiika mweꞌshyoko. Inyiiji zaazo, ziri mu kizi hinga mu misima.

Ndondeko 1:8

Yikyo kyanyaanya, Rurema anakiyinika iziina Igulu. Akabigingwe kanalenga, bwanakya shesheezi. Lwo lukaba lusiku lwa kabiri.

Zaburi 19:1

Imwoꞌmwimangizi waꞌbimbi. Izaburi ya Dahudi.

Zaburi 19:2

Igulu liri mu yerekana ubulangashane bwa Rurema. Ee! Mu kyanyaanya, mwo tuli mu bona byo akakola.

Zaburi 136:5

Ku bumenyi bwage, akabumba igulu. Urukundo lwage, luyamiri ho, halinde imyaka neꞌmyakuula.