Ndondeko 1:3 - Kifuliiru

³ Rurema anakyula: «Umulengeerwe gube ho.» Kwokwo, umulengeerwe gwanayami ba ho.

Ndondeko 1:3 Referans Kwoze

2 Bakorindo 4:6

Rurema akadeta: «Umulengeerwe, gutanguule mu kihulu!» Ye na yoyo ye katanguula mu mitima yitu. Kwokwo, tukoli yiji hiꞌgulu lyoꞌbulangashane bwage, kwo buli ku malanga ga Kirisito.

Yohana 1:5

Ee! Bwo âli riiri mulengeerwe, anakizi tanguula mu kihulu. Neꞌkihulu, kitanâye múhime.

Hisaaya 45:7

Nie kalema umulengeerwe neꞌkihulu. Nie mu gira umundu abe muhiirwa, kandi muhanya. Birya byoshi, nie mu bigira, bwo nie Nahano.

Hisaaya 60:19

Mwiꞌzuuba, mutagaki ba niꞌgoorwa mbwiꞌzuuba likizi mùtanguulira. Kiri na mu bushigi, mutagaki molekerwa noꞌmwezi. Mukuba, ubulangashane bwa Rurema Nahamwinyu, bwo bugakizi mùtanguulira mwo imyaka neꞌmyakuula!

1 Yohana 1:5

Indumwa yo tukayuvwa imwage, yo na niinyu tugweti tugamùmenyeesa, kwo Rurema ye mulengeerwe. Ndaanakyo kihulu íkimúli mwo.

Bahefeso 5:8

Yaho keera, mwâli ki riiri bandu beꞌkihulu. Haliko buno, mukolaga bandu boꞌmulengeerwe mu kati ka Nahano. Ku yukwo, mutuulage nga bandu boꞌmulengeerwe.

Yohana 1:9

Uyo mulengeerwe nirizina, akayija mu kihugo, anatanguulira abandu booshi.

Yohana 3:19

«Na íbigaatuma abandu bagaahanwa, bwoꞌmulengeerwe gukayija mu kihugo, halikago batanagusiima. Ikihulu, kyanaba kyo bagakizi siima, bweꞌmikolezi yabo yâli riiri mibi.

Zaburi 33:6

Nahano akabumba igulu, mu kudeta naaho. Kirya kyanya akalibumba, anabumba na íbiriri kwo byoshi.

Zaburi 148:5

Yibyo byoshi bikizi huuza iziina lya Nahano. Mukuba, akakyula, byanayami ba ho.

Zaburi 97:11

Ngiisi ábakwaniini, umulengeerwe guli mu kizi batanguulira. Bwo bagweti bagaagira íbikwaniini, bayamiri bashambiiri.

Zaburi 33:9

Mukuba, akakyula kweꞌkihugo kibe ho, kyanayami ba ho. Yukwo kukyula kwage, kwanatuma kikoli sikamiri.

1 Yohana 2:8

Kundu kwokwo, ulubaaja lwo namùyandikira hano, lulyagagi luhyahya. Noꞌkuli kwalwo, tuli mu kubonera mu kati ka Kirisito, kiri na mu kati kiinyu kwakundi. Mukuba, ikihulu kikola mu mala. Noꞌmulengeerwe gwoꞌkuli, gukoli tangwiri.

Bahefeso 5:14

Na byoshi, ikyanya biri mu ba bikola mu mulengeerwe, iri nabyo gukolaga mulengeerwe. Kyo kitumiri bidesirwi kwokuno: «We gwejiiri mu bafwiri, uvyukage, unabazuuke mwo! Kwokwo, lyo Kirisito agakutanguulira.»

Zaburi 104:2

E Nahano, umulengeerwe gukusokaniini nga kyambalwa, unagweti ugayajuula igulu ngiꞌheema.

Hayubu 38:19

«Umulengeerwe, hayi hamwagwo? Neꞌkihulu nakyo, kituuziri hayi?

1 Timoteyo 6:16

Yehe naaho ye yamiri ho, anatuuziri mu mulengeerwe gwo tutangayegeera. Ndaaye mundu úzindi múbona. Ndaanaye úshobwiri ukumúbona. Akizi yama ali mu haabwa ulushaagwa noꞌbukalage imyaka neꞌmyakuula! Bikizi ba kwokwo!

Zaburi 118:27

Nahano ye Rurema! Anagweti agatutanguulira. Kwokwo, muyabiire amatavi, munakizi genda ku kisegengo, halinde ha katanda koꞌkutangira kwaꞌmatuulo.

Hayubu 36:30

Rurema ali mu tabika imilavyo imúsokanane, halinde ikizi laviza kiri na mu tulingi tweꞌnyaaja.

Yohana 11:43

Yesu, mbu ayusagye ukudeta kwokwo, anayiberekaania kwiꞌzu lihamu, ti: «E Laazaro, hulukaga!»

Mataayo 8:3

Ulya munamubembe, Yesu anagolola ukuboko mu kumúhuma kwo, anamúbwira: «Ndoziizi! Ubaagage mugumaana!» Lyeryo, gulya mubembe, shululu!

Ndondeko 2:4

Igulu neꞌkihugo, ikyanya bikalemwa, kwoku kwo bikaba. Ikyanya Nahano Rurema akabirema,