Ndondeko 1:24 - Kifuliiru

²⁴ Rurema anashubi kyula: «Ikihugo kiyijule mwo ngiisi mulala gweꞌbiremwa, binakizi butana, ngiisi mulala kwagwo-kwagwo. Haboneke ibitugwa, neꞌbizimu, na íbiri mu yibulula, kiri neꞌnyamiishwa.» Kwanaba kwo bigaaba.

Ndondeko 1:24 Referans Kwoze

Hayubu 40:15

«Uloleekeze irya nyamiishwa mbamu yeꞌnvubu. Si nie kagilema, nga kwo naawe nꞌgakulema. Iyo nvubu, iri mu liisa ibyasi nga ngaavu.

Ndondeko 6:20

Mu yibyo biremwa, mugaaba ngiisi mulala gwoꞌtunyuni, na gweꞌnyamiishwa, noꞌgwa íbiri mu yibulula. Yibyo byoshi, bigakuyijira bibiri-bibiri, ikishosi neꞌkikazi, gira ukabikize.

Ndondeko 8:19

Birya biremwa byoshi nabyo, byanahuluka mwo, mulala muguma-muguma. Inyamiishwa zooshi, noꞌtunyuni twoshi, neꞌbiremwa byoshi íbiri mu yibulula, na ngiisi kindu íkiri mu genda kwiꞌdaho.

Zaburi 148:10

Mukizi múhuuza na niinyu mwe nyamiishwa, neꞌbitugwa byoshi, kuguma neꞌbiremwa biniini, noꞌtunyuni.

Hayubu 39:5

«Aaho! Nyandi úliisiri bapunda ba mwiꞌshamba? Nyandagi úkabashwekuula imigozi yabo?

Ndondeko 7:14

Bakayingira mwo na ngiisi mulala gweꞌbitugwa, na gweꞌnyamiishwa, na gwoꞌtunyuni, na ngiisi mulala gweꞌbiremwa byoshi íbiri mu yibulula.

Zaburi 104:23

Haaho shesheezi, umundu naye anatondeere imikolwa yage, anakizi kola, halinde kabigingwe.

Zaburi 104:18

Utunywangi-nywangi tweꞌmigazi, tuli kweꞌbihebe byoꞌtusa. Na mu nyaala, mweꞌngwavu ziri mu tibitira.

Hayubu 39:19

«E Hayubu, ka we kaheereza ifwarasi imisi? Nanga maashi! Ka we kanagiyambika ubwoya bula-bula kwiꞌgosi?

Hayubu 39:9

«Imbogo itangayemeera ukukizi kukolera. Itanganayemeera ukukizi laala mwiꞌruli lyawe.

Hayubu 39:1

«Imbongo, ka uyiji ikyanya kyayo kyoꞌkubuta? Kandi iri inzobe, ka keera ukabona ngiisi kwo igweti igaabuta mu kishuka?

Ndondeko 1:23

Akabigingwe kanalenga, bwanakya shesheezi. Lwo lukaba lusiku lwa kataanu.

Ndondeko 2:19

Kwokwo, Nahano Rurema anayabiira uluvu, analema mwo ngiisi mulala gweꞌnyamiishwa, na gwoꞌtunyuni, útuli mu balala mu kyanyaanya. Anabileetera umushosi, gira alole ngiisi kwo agabiyinika amaziina. Yibyo biremwa byoshi, ngiisi maziina go akabiyinika, ganaba go maziina gaabyo.