Nahumu 3:16 - Kifuliiru

¹⁶ Mu mwawe, abadandaza keera bakaluguuka, banakoli ba bingi ukuhima indonde. Ehee! Yabo bagatee lya byoshi íbiri mu kihugo, bakabuli nyerera nga nzige íziri mu balala.

Nahumu 3:16 Referans Kwoze

Yeremiya 33:22

Yabo bandu ba mu kibusi kyoꞌmukozi wani Dahudi, na yabo beene Laawi, ngabaluza nga ndonde kwiꞌgulu, na ngoꞌmushenyu kwiꞌbuga, halinde banabe kandaharuurwa.»

Nehemiya 9:23

Wanabaluza, halinde banaba nga ndonde kwiꞌgulu, wanabayingiza mu kihugo kyeꞌKaanani. Yikyo kihugo, kinali kyekirya wâli mali bwira bashokuluza baabo kwo bagendi kihyana.

Ndondeko 22:17

kwo ngakugashaanira bweneene. Ngakizi luza abaana baawe, babaagage katundu nga ndonde kwiꞌgulu, na nga mushenyu úguli ku nyaaja. Yabo bandu ba mwiꞌkondo lyawe, bagagaaza utwaya twaꞌbagoma baabo.

Ndondeko 15:5

Rurema anahulukiza Hiburamu ha mbuga, anamúbwira: «Legamira kwiꞌgulu. Uharuure indonde íziri kwo, iri wangahasha. Kwoku kwaꞌbandu beꞌkibusi kyawe bagaaba kandaharuurwa.»

Zaburi 105:34

Rurema anashubi kyula, inzige nyingi zanayiji bateera. Zirya nzige, zâli kandaharuurwa.

Hisaaya 23:8

Aahago! Yukwo kushereezibwa kwinyu, nyandagi úkakushungika? Abadandaza baawe, si bâli bagangambale nga baluzi, banâli kizi gingikwa hooshi mu kihugo!

Yuheeri 1:4

Ngiisi mbuto ízikasigwa neꞌmigunga, zanaliibwa neꞌnzige. Na ízikasigwa neꞌnzige, zanaliibwa na banamahingiri. Na ízikasigwa na banamahingiri, zanaliibwa naꞌmahaazi.