Nahumu 2:8 - Kifuliiru

⁸ Abagoma banashaaza umugisi gwo bâli kizi yikumba, banagutwala i mahanga. Kyo kitumiri abaja-kazi bakoli gweti bagalira-lira nga mahumba. Banakizi yititimba-titimba ku bifuba, mu kuyerekana umwizingeerwe gwabo.

Nahumu 2:8 Referans Kwoze

Bwigule 17:15

Uyo muganda, anashubi mbwira: «Yizo nyiji zo wabona, zigweti zigagolombera hoꞌyo bulambe woꞌmukazi abwatiiri. Kwo ziri zooshi, ziryagagi kizimya-izuuba kyaꞌbandu ba mu mahanga gooshi, naꞌba mu bihugo byoshi, naꞌba mu ndeto zooshi!

Bwigule 17:1

Mu yabo baganda balinda ábâli riiri neꞌrya mitanga irinda, mwanayija umuganda muguma. Anayiji mbwira: «Yijaga, nguyereke ikihano kyoꞌlya bulambe woꞌmukazi, ulya úbwatiiri hiꞌgulu lyeꞌnyiiji nyingi.

Nahumu 3:17

Abalaazi baawe, kuguma naꞌbakulu, bakaluguuka ngaꞌmahaazi ágali mu yiguga ku kibambaazi ku kyanya kyeꞌmbeho. Haliko, ikyanya kyeꞌndara, ikyanya izuuba liri mu tunduuka, byoshi binayami guruka, gwi! Binayami yinywerereka. Ndaanaye úyiji ngiisi ho biri mu genda!

Yeremiya 51:30

Abasirikaani beꞌBabeeri batakiri mu lwa. Si bakoli sigiiri mu nyumba zaabo nzitire. Ubuhagarusi bwabo bwamala, banakolaga booba nga bakazi. Inyumba zaabo zikola mu singoolwa. Neꞌnyiivi zaꞌkaaya zikola mu hongolwa.

Yeremiya 50:16

Yabo Bababeeri, mubahangirire batashubi byala imbuto, batanayimbule. Mu balya basirikaani, ngiisi muguma agagwatwa neꞌkyoba, halinde anayami tibitira imwabo.

Yeremiya 46:5

«Aahago! Biki byo mbwini? Si abasirikaani beꞌMiisiri bakoli humiirwi! Keera bahimwa, banakolaga mu tibita. Kiri neꞌbikalage byabo, bikola mu puumuka, buzira kukebaanuka. Iri bali mu gira mbu balangiize ngiisi luhande, banateerwe neꞌkyoba.

Hisaaya 48:20

E balya, mulyokage i Babeeri. Mutibitage, mulyoke yo! Munakizi menyeesa umwazi mu kubanda akabuuli, awi yiyi yiyi! Mugumenyeese halinde heꞌkihugo kihekiiri. Mukizi deta: «Nahano keera akaguluula abandu baage, beene Yakobo.»

Hisaaya 47:13

Abandi, ikyanya bâli kizi kuhanuusa-hanuusa, wanayami luha! Aahago! Balya banabwenge beꞌndonde, babe bo bagakuyegeera, gira bakukize! Ee! Bagirage bakizi langiiza indonde, banakulagule íbigaakuba kwo mu ngiisi mwezi, banakufuuse mu kati kaabyo.

Hisaaya 13:14

Abandu booshi beꞌBabeeri, bagakizi tibita bwalaafwe. Bagatibita nga kasa, ku kyanya bakola mu kahiiva. Ukutibita kwabo, kunabe nga kweꞌbibuzi bizira mungere. Ngiisi mundu agaagira mbu atibitire mu beene wabo, ba mu kihugo kyabo.

Ndondeko 10:11

Neꞌri akalyoka yaho, anabungira mu poroveesi yeꞌHasuriya, anayubaka yaꞌkaaya keꞌNinaawi, naꞌkeꞌRehobooti-Hiri, naꞌkeꞌKaala,

Yeremiya 51:13

E Bababeeri! Ikihugo kiinyu kiyegiiri inyiiji nyingi-nyingi, keera mwanagala bweneene. Kundu kwokwo, ulwinyu keera lwahika. Leero, mukola mugaamala.

Yeremiya 47:3

Ifwarasi zigakizi girigimba. Naꞌmagaare giꞌzibo, ganalase amapine. Ababusi bagaabula ubulyo bwoꞌkutabaala abaana baabo, banayami tibita, buzira kushubi balola.

Nahumu 1:1

Ino ndumwa, iyerekiini amabone goꞌmuleevi Nahumu, wa mu kaaya keꞌHerikoshi, inadesiri hiꞌgulu lyaꞌkaaya keꞌNinaawi.

Hisaaya 38:14

Nâli gweti ngaalira nga kalembe-rembe, iri na ngongeera nga ngunde. Ngoli luhiri bweneene, mu kukonolera amasu mwiꞌgulu. E Nahamwitu! Keera nashundeera ma! We kongwa we, undabaalage!

Hisaaya 59:11

Tweshi tugweti tugalunduma nga dubu ízishalisiri, tunali mu gongeera nga ngunde. Kundu tulangaliiri kwo Rurema agakoleesa ibyoꞌkuli ha kati kiitu, shoobe! Na kundu tuki lindiiri kwo atukize, halikago anatuyisunga hala.