Nahumu 2:1 - Kifuliiru

¹ E Bayuda! Langiizi ku migazi! Si hali mu yija indumwa ígweti igaleeta imyazi miija yoꞌmutuula! Aaho! Mugirage isiku ngulu! Na ngiisi byo mukalagaania Rurema, mubikwizagye. Banangora-mabi, batâye ki teere ikihugo kiinyu. Mukuba, ngabashereeza lwoshi-lwoshi!

Nahumu 2:1 Referans Kwoze

2 Kutondobola 25:8

Na kundu wabona kwo mugagendanwa, munabe muli mu lwa buzira kyoba, halikago, Rurema agakuyabiriisa ngana. Mukuba, yehe ahiiti ubushobozi bwoꞌkutabaala umundu, kiri na bwoꞌkumúyabiriisa.»

Yeremiya 50:23

Ubwa mbere, Abababeeri bâli gweti bagahooja-hooja amahanga gooshi. Halikago buno, nabo keera bahirikwa, banatwika. Mu bihugo byoshi, i Babeeri yo ikoli sherebiiri bweneene.

Hisaaya 14:6

Ulya mwami weꞌBabeeri âli kizi kubula abandu ingoni. Âli kizi bakomeeresa ku buraakari bweneene.

Yeremiya 25:9

ngahamagala ibinyamahanga íbiri imbembe, kiri noꞌmukozi wani Nebukandeneza, mwami weꞌBabeeri. Yabo booshi, ngabaleeta bayiji teera kino kihugo kyeꞌBuyuda, kuguma naꞌbatuulaga baamwo, kiri na ábatuuziri ha butambi liinyu. Mweshi kuguma, ngamùzimiiza. Neꞌbihugo biinyu, binasigale mushaka, halinde imyaka neꞌmyakuula. Kwokwo, abandu bagashenguka hiꞌgulu liinyu, banakizi mùnegura.

Zaburi 50:14

Si byo ndoziizi, kwo mukizi yiji deta kongwa imwani. Na ngiisi byo mukandagaania, mukizi bindangira. Si nie Rurema úli hiꞌgulu lya byoshi!

Zaburi 65:2

E Rurema, ukwaniini ukizi yivugwa mu kaaya keꞌSayuni. Ee! Ngiisi byo tukakulagaania, tugabigira.

Hisaaya 29:7

Yibyo binyamahanga, ikyanya bigayiji teera i Yerusaleemu, booshi bagayami zimiira ngana, nga birooto. Mu kulooza ukuteera i Yerusaleemu, bagaaba bagisokaniini. Kundu kwokwo, bagazimiira ngana ngaꞌmabone ga mu bushigi.

Hisaaya 29:8

Umunamwena, ikyanya ali mu loota ibirooto, ali mu bona kwo agweti agaalya. Si mu kusisimuka, anakanguke mu kuyuvwa kwo aki shalisiri. Kiri noꞌmundu únyotiirwi, ali mu loota kwo akola mu nywa amagoloovi. Si mu kusisimuka, anabe aki nyotiirwi. Kwo na kwokwo, ikyanya abagoma bagayiji teera umugazi Sayuni, bagaatona kwo bagamùhima, shoobe!

Hisaaya 52:7

Indumwa, ikyanya iri mu menyeesa imyazi miija mu migazi, bisimisiizi bweneene! Ee! Ali mu menyeesa kwo hagaaba umutuula, na kwaꞌbandu bagakizibwa. Ali mu bwira abandu beꞌYerusaleemu: «Rurema winyu, ye kola mwami!»