Nahumu 1:13 - Kifuliiru

¹³ Na kundu mwâli shwesirwi neꞌminyororo yabo, ngagitwisa, batanâye ki mùvindagaze.»

Nahumu 1:13 Referans Kwoze

Hisaaya 10:27

Kundu Abahasuriya bagweti bagamùlibuza, haliko yago malibu gagaki mala. Kundu bakamùbetuza imiteekerwa mizito, igalyosibwa. Abasirikaani beꞌHasuriya bagalyoka i Rimooni,

Hisaaya 9:4

Ibiraato byaꞌbasirikaani, kiri neꞌbyambalwa byabo íbiyijwiragi imiko, keera bikakabulirwa mu muliro, byanasingooka.

Yeremiya 2:20

«Ukulyokera kare, muyamiri muli mu huna imbere lyani. Kundu mwâli riiri bakozi baani, haliko mukanyihandula kwo. Mwâli riiri nga shuuli íri mu twisa imigozi. Mwanambwiraga, ti: “Twalahira, kwo tutagakizi kukolera!” Mwanakizi gwejeraga lugali nga mushule, ku ngiisi higangazi, na mwiꞌdako lya ngiisi biti íbidoohiri.

Hisaaya 14:25

Ikyanya Abahasuriya bagaaba bakola mu kihugo kyani, lyo ngaamala imisi yabo. Ngakizi bahinyata-hinyata ku mugazi gwani. Kundu bâli hesiizi abandu baani umuteekerwa muzito, haliko buno, ngagulyosa.

Zaburi 107:14

Yutwo tubangira twabo, anatuvuna, anabalyosa mu kihulu, na mu kahumbwe.

Yeremiya 5:5

Kwokwo, nꞌgatona kwo ngendi ganuuza abakulu baabo. Mukuba nꞌgatona mbu boohe, ku kasiisa bo bayiji Rurema Nahamwabo. Banayiji ngiisi byo asiimiri, na ngiisi íbikwaniini. Yehee! Kiziga yabo booshi nabo, balyagagi babi! Kundu bâli gweti ingoome na Nahano, halikago keera bakagihongola. Na kundu bâli nywaniini bo naye, si keera bakamúyitwisa kwo.

Balaawi 26:13

Nie Nahano Rurema winyu. Nie nꞌgamùlyosa mu kihugo kyeꞌMiisiri, gira mutaki be baja. Kundu bâli kizi mùyambika ibyuma mu magosi, haliko keera nꞌgabitwisa, mwanalonga ukukizi genda muganooka-nooka.