Mwigiriza 5:2 - Kifuliiru

² Ikyanya umundu agweti agagerania ku magoorwa mingi-mingi, ali mu loota ibirooto bya kundi-kundi. Kiri noꞌmuhwija, ikyanya agweti agavuujuka-vuujuka, ali mu ba agweti agayikululira umwama.

Mwigiriza 5:2 Referans Kwoze

Mataayo 6:7

«Neꞌkyanya mugakizi huuna Rurema, mutakizi lomboojera. Kwokwo, kwaꞌbapagaani bagweti bagaagira. Si batoniri kwo Rurema agabayuvwa hiꞌgulu lyaꞌmagambo gaabo mingi-mingi.

Migani 10:19

Ngiisi úli mu tyabiriza ululimi, ali mu yami yifunda mu byaha. Haliko, iri wangahangirira akanwa kaawe, lyoki uli mu ba mwitegeereza.

Hisaaya 55:9

Nga kwiꞌgulu liri hala bweneene neꞌkihugo, kwo na kwokwo ubulyo bwani, neꞌmitono yani, bisumbiri ibyeꞌmwinyu.

Mataayo 6:9

Mwehe, mukwiriiri mukizi huuna Rurema kwokuno: “E Daata úli mwiꞌgulu! Iziina lyawe, likizi haabwa ulushaagwa.

Mwigiriza 5:7

Mu kihugo kyawe, iri wangabona abakeni bagweti bagafinwa kwo, banabe bali mu yimwa ukuli kwabo, utasoomerwe! Si ngiisi mutwali alyagagi mwiꞌdako lyoꞌgundi úmúhimiri. Yabo bombi nabo, bali mwiꞌdako lyoꞌmutwali mukulu.

Ndondeko 18:27

Hiburahimu anashubi deta: «Ndi lukungu, na ndi munyota-kiiko. Kundu kwokwo, nayihangaana ukuganuuza Nahamwitu.

Yakobo 3:2

Tweshi tuli mu huba ku njira nyingi-nyingi. Kundu kwokwo, iri umundu angaba atali mu huba ku byo ali mu deta, uyo, iri atungiini lwoshi! Anabe akoli shobwiri ukuyihangirira ku magala gaage gooshi.

Mwigiriza 5:3

Iri wangatangira Rurema umuhango, utatindirize ukugukwiza. Iri wangatindaga nga muhwija, utagamúsimiisa. Ku yukwo, ikyanya ugweti ugamútangira umuhango, ugukwizagye.

Migani 20:25

Buli buhanya, ikyanya umundu ali mu yami deta: «Ngatanga kindu kirebe imwa Rurema», na ha nyuma anashubi yishuhiza.

Ndondeko 28:20

Uyo Yakobo, anabiika indahiro, analagaania Rurema kwokuno: «E Rurema, kwoku ngola mu luno lugeezi. Aaho! Tukizi yamanwa. Ukizi ndanga, unakizi mbeereza byo ngaalya, unakizi na nyambika.

Zaburi 115:3

E balya, si Rurema witu atuuziri mwiꞌgulu, anali mu gira nga ngiisi kwo aloziizi!

Ndondeko 18:32

Mu kuheza, Hiburahimu anadeta: «E Nahamwitu, nakuyinginga bweneene, utayagalwe. Ngola ngaadeta lindi liguma naaho. Ngeeka mwangaboneka abandu ikumi ábakwaniini. Aahago! Kuti kwo wangagira?» Nahano, ti: «Mu yako kaaya, iri mwangaboneka abandu ikumi ábakwaniini, ndangaki kashereeza.»

Ndondeko 18:30

Hiburahimu anamúyinginga, ti: «E Nahamwitu, utayagalwe. Namu shubi deta. Ngeeka mwangaboneka abandu makumi gashatu ábakwaniini.» Nahano, ti: «Mu yako kaaya, iri mwangaboneka abandu makumi gashatu ábakwaniini, ndangaki kashereeza.»

Batwi beꞌmaaja 11:30

Iyo munda, Yefuta anayami biikira yo Nahano indahiro kwokuno: «Ku kasiisa, iri wangabiika Abahamooni mu maboko gaani,

Mariko 6:23

Heroode anashubiza, mu kushiikiza, ti: «Nakitwa! Ngiisi byoshi byo ugambuuna, ngakuheereza byo, kundu kwangahisa ku luhande lwoꞌbwami bwani.»

Ndondeko 28:22

Yiri ibuye lyo nashinga yaha nga nguliro, ligaaba nyumba yawe. Na ku bindu byoshi byo ugangashaanira, ngakizi kutangira kweꞌkihande kiguma kiꞌkumi.»

Balaawi 5:4

«Hali neꞌkyanya angahwijikala, mu kubiika indahiro kwo agaagira igambo lirebe. Iyo ndahiro, yangalola kwiꞌgambo liija, kandi iri libi. Yiryo igambo, kundu agayiji liyibagira, haliko agaki hanwa hiꞌgulu lyalyo.

Mwigiriza 10:12

Umwitegeereza, amagambo gaage, gali mu ba gasimisiizi. Si umuhwija, yehe, amagambo gaage gali mu múshereeza naaho.

Mwigiriza 10:13

Ku ndondeko, umuhwija ali mu kizi deta naaho amagambo goꞌbuhwija. Si buzinda, anayiji sireha, anakizi vuujuka mu bitali nga byo.