Mwigiriza 4:1 - Kifuliiru

¹ Ha nyuma, nanabona ngiisi kwaꞌbakeni bagweti bagalibuzibwa mu kihugo. Nanabona kweꞌkyanya bagweti bagaalira, ndaaye mundu woꞌkubaholeeza. Si ábagweti bagabalibuza, bo bakoli hiiti ubushobozi bweneene. Ee! Byebyo byo bitumiri yabo bakeni babuziri woꞌkubaholeeza.

Mwigiriza 4:1 Referans Kwoze

Mwigiriza 3:16

Nanabona irindi igambo mu kihugo. Kundu abandu bakwiriiri bakulikire íbikwaniini, si amabi naaho go bagweti bagaagira. Na ho bangatuula mu kuli, si bakoli bihuusiri.

Mwigiriza 5:8

Ee! Ubugale bweꞌkihugo, buli mu liibwa naꞌbandu booshi. Kiri na mwami yenyene, alangaliiri kwo naye agalonga kwiꞌyo mimbu.

Hisaaya 5:7

Iyo ndalo yeꞌmizabibu, gulyagagi mulala gwaꞌBahisiraheeri. Neꞌmizabibu miija, bali bandu beꞌBuyuda. Nahano woꞌbushobozi bwoshi ye mwene yo, anâli gikuuziri bweneene. Yabo bandu, Nahano âli loziizi kwo bakulikirage imaaja zaage, banatuule ku njira íkwaniini. Si bâli kizi yamiza-yamiza naaho, mu kukomeresania, iri banakizi yitana.

Yakobo 5:4

Yuvwagwi ngiisi kwaꞌbakozi biinyu bagweti bagayamiza! Keera bakakola mu ndalo ziinyu, mutanabahemba. Neꞌkyanya bali mu mùyimbulira imimbu, nabo ukuyamiza kwabo keera kwayuvwikana mu matwiri ga Nahano woꞌbushobozi bwoshi!

Mataayo 26:56

Haliko, byakoleka kwoku, gira lyo byoshi bikoleka, nga ngiisi kwaꞌbaleevi bâli mali gwanwa babiyandika.» Yesu, mbu adete kwokwo, balya bigirizibwa baage booshi, banapuumuka, banayami músiga.

Malaki 3:5

Nahano woꞌbushobozi bwoshi, adetaga kwokuno: «Ha nyuma, ngayiji mùhana. Ngayami yiji lega abanamaleere, naꞌbashule, naꞌbanabinyoma, na ábagweti bagagunga imbembo yaꞌbakozi, na ábali mu kizi libuza banamufwiri neꞌfuuvi, na ábali mu nyima ibinyamahanga ukuli kwabyo, na ngiisi ábatali mu ndwaza.

Kimombo 1:9

Kundu ibitalaalwe byage byâli kizi múkululira umwama, si atâli kizi gutwaza. Kyanatuma agayiyulubaza bweneene. Kwokwo, ikyanya akayihongoleka haashi, ndaaye úkayiji múholeeza. Akolaga mu yinginga Nahano, ti: «E Nahano, langiiza ngiisi kwo nalonga ubuhanya! Si abagoma keera bambima!»

Kimombo 1:2

Emwe! Yerusaleemu ali mu laala ubushigi bwoshi, agweti agabululuka, halinde amatama gaage gakola mu hinga kweꞌmigenge. Mu bakundwa baage, ndaaye úwangamúholeeza. Kiri naꞌbiira baage booshi, bakoli múheziizi ingoto, banakoli ba bagoma baage.

Hisaaya 51:23

Yulwo rusoozo, ngolaga ngaluheereza ngiisi ábagweti bagamùlibuza. Si bâli kizi mùbwira: “Gwejeraga buubi, gira tukutandale kwo!” Wanabategaga umugongo, ibe nga njira yo bagafina-fina kwo.»

Zaburi 42:9

Mwiꞌzuuba, Nahano agweti aganyereka urukundo. Na bushigi, ndi mu longa ulwimbo lwoꞌkukizi múyivuga. Ye tumiri ndi mugumaana, kinatume ngakizi múhuuna.

Zaburi 42:3

Umutima gwani guli neꞌnyoota hiꞌgulu lya Rurema, úli mugumaana. Aaho! Tugagendi bonaana twe naye mangoki?

Hayubu 35:9

«Abandu, ikyanya bagweti bagalibuzibwa, bali mu lira ku kimombo, banali mu batabaaza abakulu, mu kugongeera bweneene.

Hisaaya 59:7

Muyeshuhiri ukugendi kola amabi. Munavwarusiri, kwo mugendi yita abandu bazira buhube. Inzaliro ziinyu ziri mu lola ku mabi naaho. Na ngiisi ho muli mu genda, muli mu yita haꞌbandu, munahasige mushaka.

Malaki 3:18

Haaho, lyo mugashubi bona ulubibi, úluli ha kati koꞌmundu úkwaniini, noꞌmundu mubi. Muganaki bona ulubibi ha kati koꞌmundu úgweti úgakolera Rurema, na útali mu twaza ukumúkolera.

Malaki 2:13

Halyagagi neꞌlindi igambo lyo mukoli gweti mugaagira, linali lyerino: Galya matuulo go mugweti mugatangira Nahano, ikyanya atali mu gayemeera, muli mu yami bululuka, iri munayijuza akatanda kaage kweꞌmigenge yinyu.

Mwigiriza 7:7

Kiri noꞌmwitegeereza, iri angalibuza umundu, iri ahinduka muhwija. Neꞌkyanya ayabiira ikitulire, kiri mu múshereeza.

Migani 28:3

Umutwali, ikyanya ali mu tindimaza abakeni, ali nga nvula ya fuuze, íri mu shereeza imbuto.

Zaburi 142:4

Ngiisi ho ndi mu lenga, abagoma bali mu gwanwa bambiikira heꞌmitego. Kundu kwokwo, ikyanya ngoli yihebwiri, wenyene uyiji injira yo ngwaniini ukufuuka mwo.

Zaburi 80:5

E Nahano, Rurema woꞌbushobozi bwoshi! Si twe bandu baawe! Si tugweti tugakutabaaza! Aaho! Ugaki yagalwa halinde mangoki?

Zaburi 69:20

Abagoma baani, wenyene uyiji ngiisi kwo bali mu ndeta, na ngiisi kwo ndi mu teezibwa ishoni. Bagweti baganyamiriza, iri banandyoza,

Hayubu 16:4

«Múkibe nga ngiisi kwo ngoli ba, naani nangashobwiri ukudeta gaago magambo giinyu. Nangashobwiri ukumùshokoora, iri nanjagania itwe.

Hayubu 6:29

E maashi! Mulekage ukutona kwo nagira ubuligo. Si ndaabwo nagira.

Batwi beꞌmaaja 4:3

Yabiini âli gweti amagaare giꞌzibo magana galimwenda, na byoshi bikagirwa mu byuma. Anâli mali hisa imyaka makumi gabiri, agweti agashundeeza Abahisiraheeri bweneene. Kyanatuma bagatakira Nahano kwo abatabaale.

Bukengeeze 28:48

Ku yukwo, Nahano agamùbiika mu maboko gaꞌbagoma, munakizi bakolera mu buja. Mugakizi shalika, iri munanyoterwa bweneene. Mugaabula ibyambalwa, munabe banakahuku. Nahano agamùtumira abatwali boꞌkumùvindagaza, halinde ku kyanya agamùsivya.

Bukengeeze 28:33

«Kundu muli mu himbuukira, mbu lyo mulonga imimbu, haliko ibinyamahanga byo mutayiji, bigamùkuusa yo. Bagakizi mùlibuza, noꞌkumùvindagaza.

Kulyoka 1:22

Iri hakazinda, uyo mwami anakyula, ti: «Abaheburaniya, ikyanya bagabutaga abaana boꞌbutabana, ndaakwo kundi. Muyami balasha mu lwiji Niire. Si abaana boꞌbunyere boohe, mukizi baleka.»

Kulyoka 1:16

«Ikyanya abakazi baꞌBaheburaniya bagakizi yiji buta, mukakizi loleekeza bwija umwana úwabutwa. Iri angaba ali wa bunyere, munamúleke. Halikago, iri angaba ali wa butabana, munayami múfumba umuuka.»

Migani 19:7

Umukeni ali mu neenwa na beene wabo. Kiri naꞌbiira baage bali mu mújanda. Na kundu angagenda abatibitiiri, iri anabatakira, batakiri mu boneka.

Mwigiriza 8:9

Ngiisi íbigweti bigakizi koleka mu kihugo, nanayitoneesa bweneene hiꞌgulu lyabyo. Nanabona kwaꞌbandu baguma bahiiti ubushobozi bwoꞌkukizi libuza abaabo.

Yeremiya 16:7

Ndaanaye úgaleeta ibyokulya, kandi iri urusoozo lweꞌdivaayi, mbu aholeeze ábakola mu lirira abafwiri, kandi iri nyina, kandi iri yishe.

Kimombo 1:16

Bwo keera nꞌgalonga yago malibu gooshi, ngweti ngaliruuka. Imigenge ikola mu mbunguluka mwo. Ndaaye úwangamboleeza, ndaanaye úwangambeereza ikise. Bwaꞌbagoma bakoli tuhimiri, abaana baani bataki hiiti umulangaaliro.»

Hayubu 9:24

Neꞌkyanya ikihugo kiri mu biikwa mu maboko ga banangora-mabi, Rurema ali mu ziba amasu gaꞌbatwi beꞌmaaja. Aaho! Ákibe atali ye mu gira kwokwo, iri nyandagi gundi úli mu kugira?

Zaburi 69:21

noꞌkukizi nduka. Keera navunika umutima, na ngoli shengusiri. Ngweti ngalooza umundu woꞌkumboleeza, si ndaaye úli ho, kiri noꞌmuguma!

Zaburi 142:5

Ngweti ngalooza woꞌkuyiji ndabaala, haliko, ndaaye úndwaziizi. Ndaanaye úli mu mbahala, ndaanaho nangatibitira.

Migani 29:2

Ábakwaniini, ikyanya batwaziri, abandu bali mu ba bashambiiri. Si ikyanya banangora-mabi bo bali mu ba batwaziri, abandu bali mu gongeera.

Kimombo 1:17

Emwe! Kundu abandu beꞌYerusaleemu bagweti bagagolola amaboko, mu kutabaazania, halikago, ndaaye úkiri mu batabaala. Nahano keera akabwira abatuulani baꞌBahisiraheeri kwo babayihindulire, babaagage bagoma baabo. Yayewe! Akaaya keꞌYerusaleemu, kakola nga myanda mu masu gaabo.

Hamoosi 3:9

Ino ndumwa, ugimenyeese mu batuuziri mu butwali bweꞌHashidoodi, na mu bweꞌMiisiri: «Mukuumanage ku migazi ízungulusiri i Samariya, gira muyibonere ngiisi kwaꞌbandu bali mu kamburugu kingi, na ngiisi kwo bagweti bagalibuzania.»

Hamoosi 3:10

Nahano adetaga kwokuno: «Abandu baani, bataki yiji ngiisi kwo bangagira íbikwaniini! Inyumba zaabo ngomu, si ziyijwiragi mweꞌbindu byo bakanyaga!»