Mwigiriza 3:6 - Kifuliiru

⁶ Hali ikyanya kyoꞌkushakula, na kyoꞌkuleka ukushakula. Hali ikyanya kyoꞌkusingula, na kyoꞌkushubi kabulira.

Mwigiriza 3:6 Referans Kwoze

Mikolezi 27:19

Neꞌri bukashubi kya, banashaaza naꞌmatanga mahamu gaꞌmashuba, kuguma neꞌnguliro yago. Ehee! Yibyo byoshi, banabitibulira mu nyaaja naꞌmaboko gaabo boonyene.

Mikolezi 27:38

Yabo booshi, iri bakaba keera bashaluuka, banakabulira ingano mu nyaaja, gira bashubi yanguhya amashuba.

Mataayo 19:29

«Umundu, iri angaba asiga inyumba hiꞌgulu lyani, kandi iri asiga beene wabo, kandi iri baali baage, kandi iri yishe, kandi iri nyina, kandi iri baana baage, kandi iri ndalo, uyo, ku ngiisi byo akasiga, agayakiira ubugira kali igana. Na ha nyuma, analonge ukulama imyaka neꞌmyakuula!

Mwigiriza 11:1

Ngiisi byo uhiiti, ukizi bikoleesa ku njira za kwingi-kwingi. Ha nyuma lyeꞌsiku nyingi, ugayiji genduukirwa.

Zaburi 112:9

Yabo bandu, bali mu kizi tabaala abakeni ku mutima úgushenguusiri, banayamiri bakulikiiri íbikwaniini, halinde imyaka neꞌmyakuula. Kinatume bagagingikwa bweneene.

2 Baami 5:26

Hirisha anamúbwira kwokuno: «Ka utayiji kwo mu mutima gwani tushubanwa, ku kyanya ulya mundu ashonooka mwiꞌgaare lyage, gira akulamuse? Kino kyanya, kitali kyoꞌkuyabiira iharija kandi iri ibyambalwa, kandi iri indalo, kandi iri mizabibu, kandi iri bibuzi neꞌngaavu, kandi iri baja naꞌbaja-kazi.

Yona 1:5

Abashooji baago, bâli koli yobohiri bweneene. Kyanatuma ngiisi muguma wabo agatondeera ukutakira ngiisi ye ali mu yikumba imwabo. Banalooza ukuyanguhya amashuba, kyanatuma bagavugumula imiteekerwa yoshi mu nyaaja. Si Yona yehe, âli koli manukiiri iꞌfwo mu mashuba. Anâli mali gwatwa niꞌro lyaꞌkahondo-hondo.

Hisaaya 2:20

Kundu abandu bâli mali tula imigisi mu harija, na mu nooro, haliko yulwo lusiku, iyo migisi igagendi kabulirwa áhali imbeba na banajoojo.

2 Baami 8:9

Uyo Hazaheeri anahamba ulutengu lwa ngiisi mimbu miija yeꞌDamasiki, analubetuza ingamiya makumi gana, analutwalira Hirisha. Neꞌri akahika ha mwa Hirisha, anamúbwira: «Umukozi wawe, mwami Beni-Hadaadi weꞌHaraamu, anduma imwawe, gira ngubuuze: “Yubu bulwazi, ka ngabukira, kandi iri nanga?”»

2 Baami 7:15

Yabo bandu banagendaga, banakulikira Abaharaamu halinde ku lwiji Yorodaani. Neꞌri bakabakulikira ngiisi kwo bapuumuka, banakizi bona ngiisi kwo bâli kizi siga bajahika imirondo neꞌbirugu byabo. Iri bakagalukira imunda mwami, banayiji múmenyeesa byoshi.

Ndondeko 31:18

Anayabiira ibitugwa byage byoshi, kuguma neꞌbindi byoshi byo akalonga i Mezopotamiya, anabitwala. Anashokola injira yoꞌkugalukira mu kihugo kyeꞌKaanani, imunda yishe Hisake.

Mwigiriza 3:5

Hali ikyanya kyoꞌkushaabula amabwe, na kyoꞌkushubi gakuumania. Hali ikyanya kyoꞌkuhooberana, na kyoꞌkuleka ukuhooberana.

Mwigiriza 3:7

Hali ikyanya kyoꞌkudaatula imirondo, na kyoꞌkushubi gihanga. Hali ikyanya kyoꞌkuhulika, na kyoꞌkushubi deta.