Mwigiriza 3:4 - Kifuliiru

⁴ Hali ikyanya kyoꞌkulira, na kyoꞌkushubi sheka. Hali ikyanya kyoꞌmwizingeerwe, na kyoꞌkushubi kina.

Mwigiriza 3:4 Referans Kwoze

Barumi 12:15

Ikyanya abandu bali mu shambaala, munakizi shambaalira kuguma! Neꞌkyanya bali mu lira, munakizi lirira kuguma.

Yakobo 4:9

Mujengeerwe, iri munalira ku kimombo! Amasheka giinyu, gahinduke malira. Noꞌmushambaalo gwinyu, guhinduke muhuni.

Zaburi 30:5

Mwe bandu ba Nahano, mukizi múyimbira. Mukizi huuza iziina lyage, bwo liri lyeru.

Kulyoka 15:20

Lyeryo, umuleevi Miryamu, mwali wa Harooni, anayabiira iminjegere. Abaabo bakazi, nabo banamúgombera neꞌgindi, banatondeera ukukina.

2 Bakorindo 7:10

Ikyanya abandu bali mu jengeerwa mu kati ka Rurema, lyo bali mu twikira ku mabi gaabo, banakizibwe. Kwokwo, hatanaki sigale na byo bangaki yishuhiza kwo. Haliko, umwizingeerwe gweꞌkihugo, nanga! Si gwohe guli mu leeterana ulufu!

Luka 1:58

Abatuulani baage, na beene wabo, banayuvwa ngiisi kwo Nahano akamúbonera ulukogo, banayiji shambaalira kuguma!

Mataayo 11:17

“Si tukamùlakiza umuteera-teera, mutanakina! Neꞌkyanya tukamùyimbira ulwimbo lwaꞌmaganya, mutanalira.”

Mataayo 9:15

Yesu anabashuvya: «Kutagi kwo ábakalaalikwa bangajengeerwa, banaki ririinwi na nahamwabo woꞌbuhya? Haliko, mu siku ízigayija, nahano woꞌbuhya agalyosibwa mu kati kaabo. Mu yizo siku lyoki, bagayishalisa!»

2 Samweri 6:16

Yako Kajumba, ikyanya kakaba kakola mu yingiraga mu Kaaya ka Dahudi, ulya Mikaali munyere Sahuli, analingulira mu kaazo. Neꞌri akabona ngiisi kwo Dahudi agweti agatamba imbere lya Nahano, anamúnegura mu mutima gwage.

Ndondeko 21:6

Saara anadeta: «Rurema anjambaaza ngana. Na ngiisi úgayuvwa yugu mwazi, naye tugashambaalira kuguma.

Zaburi 30:11

E Nahano, unyuvwirize, unambonere ulukogo. Undabaale, maashi!»

Mwigiriza 3:5

Hali ikyanya kyoꞌkushaabula amabwe, na kyoꞌkushubi gakuumania. Hali ikyanya kyoꞌkuhooberana, na kyoꞌkuleka ukuhooberana.

Mwigiriza 7:14

Ikyanya uli mu genduukirwa, ukizi shambaala. Neꞌkyanya ukolaga mu longa amakuba, ukengeere yaga magambo gombi: Yibyo byombi, Rurema ye mu tuheereza byo. Ndaanaye úyiji íbigaki múkoleka kwo.

Hisaaya 40:1

Rurema winyu adetaga: «Mukizi holeeza abandu baani. Ee! Mukizi baholeeza.

Hisaaya 40:2

Yabo bandu beꞌYerusaleemu, mubamenyeese bwija-bwija, kwoꞌbuja bwabo keera bwamala, keera banakogwa ibyaha byabo. Ee! Ibyaha byabo byoshi-byoshi, keera Nahano akabahaniiriza hiꞌgulu lyabyo ubugira kabiri.»