Mwigiriza 2:5 - Kifuliiru

⁵ Nanayibyalira imbuto zoꞌtwaso útubuhayiri. Yizo ndalo, zâli kizi simiisa amasu bweneene. Nanazibyala kiri na mweꞌmilala mingi-mingi yeꞌbiti byeꞌbitumbwe.

Mwigiriza 2:5 Referans Kwoze

Yeremiya 39:4

Mwami Zedekiya, mbu abonage kwokwo, anapuumuka. Abasirikaani baage nabo, banagira mbu batibite. Iri hakaba bukola bushigi, banahulukaana ku lwivi úluli ha kati keꞌndalo ya mwami, banasebereza halinde mu ndekeera yoꞌlwiji Yorodaani.

Lwimbo Lwija 6:2

«Ulya mukundwa wani akamanukira iweꞌrya ndalo yage, iwa migungira yoꞌbwasi bwoꞌmuhongolo. Âli loziizi ukugendi haragirira, noꞌkuyimbula iyungiyungi.

Lwimbo Lwija 4:12

E shasha yani, uli weꞌmwani. Uli nga ndalo yani ya nienyene. Unali we shyoko yani, unali kirigo kyani íkibishamiri.

Nehemiya 2:8

«Nangalooza naꞌgandi maruba goꞌkutwalira Hasafu, umulaazi woꞌlubako lwa mwami, gira ambeereze ibiti. Yibyo biti, nangakizi bikoleesa mu kulingaania inyiivi zoꞌluzitiro, hoofi neꞌnyumba ya Rurema, kiri neꞌnyumba yo ngatuula mwo. Na nyubakulule neꞌnzitiro zaꞌkaaya.» Ikyanya nꞌgahuuna yago maruba, mwami anagambeereza. Mukuba, Rurema âli kizi ngashaanira.

Lwimbo Lwija 4:13

Ishibwe zaawe, iri ndalo yaꞌmakomamanga. Ibitumbwe byayo, binuniriiri bweneene ukuhima amalaasi geꞌhina na geꞌnarido.

Lwimbo Lwija 4:16

«E mbuusi yeꞌmbembe, uhuusagye! Na naawe, e mbuusi yeꞌkisaka! Uyiji huusa hiꞌgulu lyeꞌndalo yani. Muhuumure kwiꞌgulu ngaꞌmalaasi. Na naawe e mukundwa wani! Uyingirage mu ndalo yawe, unalye ku bitumbwe byamwo, kwo biri binunu-binunu.»

Lwimbo Lwija 5:1

«E shasha yani, uli weꞌmwani. Keera nayingira mu ndalo yani. Ngweti ngayimbula imanemane, kuguma noꞌbwasi úbuli mu huumura. Na ngweti ngamiima ibibambala byoꞌbuuki, na nywe idivaayi, kuguma naꞌmata.» «E biira baani, mugire mulye. Ee! Mukizi nywa, halinde mulaluke urukundo.»