Mwigiriza 2:16 - Kifuliiru

¹⁶ Si umwitegeereza, noꞌmuhwija, ndaaye úgabakengeera. Mu siku ízigayija, yabo bombi bâye be bayibagiirwi. Nga kwoꞌmuhwija agaafwa, kwo noꞌmwitegeereza naye agaafwa.

Mwigiriza 2:16 Referans Kwoze

Mwigiriza 1:11

Abandu booshi, kundu bâli tuuziri ho yaho keera, si batakiri mu kengeerwa. Kiri naꞌmagambo ágâye ki yije, nago ha nyuma, ndaaye úwâye ki gakengeere.

Mwigiriza 9:5

Ikyanya abandu bakiri ho, bayiji kwo bagaafwa. Haliko ábakoli fwiri boohe, ndaabyo baki yiji. Batanganaki hembwa. Si bali mu yibagirwa ngana-ngana!

Zaburi 88:12

Si urukundo lwawe, lutali mu detwa mu shinda! Ubwemeera bwawe, butali mu ganuulwa mu kuzimu.

Kulyoka 1:8

Yaho i Miisiri, iri hakalenga imyaka mingi, ugundi mwami anayima, atanâli yiji umwazi gwa Yusefu.

Baheburaniya 9:27

Bishungisirwi kwo ngiisi mundu ali mu ba wa kufwa liguma naaho. Ha nyuma, Rurema anamútwire ulubaaja.

Malaki 3:16

Haaho, ngiisi ábâli ki simbahiri Nahano, banaganuuzania, anakizi bayuvwiriza. Kwokwo, banayandikaga amaziina ga ábamúyiji, na ábamúsimbahiri. Yago maziina, banagatondobola mu kitaabo imbere lyage.

Mwigiriza 6:8

Kwokwo, umwitegeereza atalyagagi naꞌkamaro ukuhima umuhwija. Mukuba, kiri noꞌmukeni, ndaabyo ali mu yunguka mu kuyitonda imbere lyaꞌbaabo.

Mwigiriza 2:14

Mukuba, umwitegeereza, ahiiti amasu mwiꞌtwe lyage. Si umuhwija yehe, ali mu kizi mamaata naaho mu kihulu. Kundu kwokwo, yabo bombi, nanayiji bona kwo bagahekera mwomwo mu lufu.

Zaburi 103:16

Ikyanya imbuusi iri mu huusa, akaaso kanayami yehuuka. Kiri na ho kashuba, hatanaki kengeerwe.

Zaburi 49:10

Ndaanaye mundu úwangagenderera ukulama imyaka neꞌmyakuula. Si booshi bali ba kufwa naaho.

2 Samweri 3:33

Mwami anakizi lirira Habineeri, kwokuno: «E daata Habineeri, kituma kiki wayitwa nga munyazi?

Kulyoka 1:6

Iri hakatama, uyo Yusefu anafwa. Beene wabo booshi ba mu yikyo kibusi, nabo banafwa.

Mwigiriza 2:15

Ha nyuma, nanashubi yitoneesa kwokuno: «Kiziga ngiisi íbigagwata umuhwija, kiri na naani byo bigangwata. Aaho! Mu kukizi ba mwitegeereza, kutagi kwo ngendukiirwi?» Nanayitoneesa mu mutima gwani kwokuno: «Si bino nabyo, biryagagi bya busha-busha!»

Mwigiriza 7:2

Buli bwija umundu agendi lirira mu mabiihe, ho angagenda mu nyumba yoꞌbushambaale. Mukuba tweshi, hali ulusiku lwo tugaafwa kwo. Yulwo lusiku, abandu bakwiriiri bakizi lukengeera, bátazi fwa.

Mwigiriza 8:10

Na kandi, nanabona ngiisi kwo bagweti bagaziika abandu babi ku lushaagwa. Ee! Yabo babi, bâli komiiri ukukizi yihandalika mu nyumba ya Rurema. Na kundu bâli kizi girira amabi gaabo mu kaaya, si haaho ho banâli gweti bagakizi huuzibwa. Aaho! Yibyo nabyo, si biryagagi bya busha-busha ngana.

Mwigiriza 9:15

Na mu yako kaaya, mwâli riiri umukeni muguma mwitegeereza. Uyo mukeni, ku bwitegeereze bwage analonga ukukiza yako kaaya kaabo. Haliko ha nyuma, abandu booshi banamúyibagira.

Migani 14:8

Ngiisi ábali noꞌbwitegeereze, bali mu yisaliza ku bigaki yija. Si abahwija boohe, bali mu kizi tebana naaho.