Mwigiriza 11:5 - Kifuliiru

⁵ Kundu imbuusi iri mu huusa-huusa, utangamenya injira yayo. Kiri noꞌmwana úkiri mu nda ya nyina, utayiji ngiisi kwo ali mu kula. Kwo na kwokwo, utangasobanukirwa neꞌmikolezi ya Rurema, utanganamenya ngiisi kwo akabumba byoshi íbiri ho.

Mwigiriza 11:5 Referans Kwoze

Yohana 3:8

Kiri neꞌmbuusi, iri mu huukiza-huukiza ngiisi ho iloziizi. Na kundu wangayuvwa ulushuumo lwayo, haliko utangamenya ho iri mu lyoka, kandi iri ho iri mu genda. Kwokwo, kwo biri, ikyanya umundu ali mu butwa noꞌMutima Mweru.»

Zaburi 92:5

E Nahano, ngiisi byo ugweti ugaakola, binjambaziizi, kyo kitumiri ngakizi yimba ku bushambaale.

Mwigiriza 8:17

Nanabona kwo byoshi byo Rurema âli mali kola mu kihugo, ndaaye úwangabisobanukirwa. Umundu, kundu angafiitirwa bweneene gira abimenye, atangabihikiira! Ndaaye úwangasobanukirwa. Kiri noꞌmwitegeereza yenyene, kundu angayidetera kwo abiyiji, ku kasiisa atangabimenya.

Barumi 11:33

Ubugale bwa Rurema, noꞌbwitegeereze bwage, noꞌbumenyi bwage, biryagagi bya kahebuuza! Ikyanya ali mu twa imaaja, ndaaye úwangasobanukirwa na ngiisi kwo agweti agaazitwa. Neꞌnjira zo ali mu lenga mwo, ndaaye úwangazimenya!

Hisaaya 40:28

Ka mutazi yuvwa? Ka mutazi sobanukirwa? Nahano, ye Rurema weꞌmyaka neꞌmyakuula! Ye kabumba byoshi íbiri mu mahanga gooshi. Atâye luhe, atanâye yolohe. Ndaanaye úwangasobanukirwa noꞌbwenge bwage.

Zaburi 104:24

E Nahano, ngiisi byo uli mu gira, biri katundu. Ibiremwa byawe byoshi, ukabibumba ku bwitegeereze. Na buno, bikoli yijwiri mu kihugo.

Mwigiriza 7:24

Aaho! Nyandagi úwangasobanukirwa lwoshi? Si ubwitegeereze, buli mu tubeera hala ngana!

Zaburi 40:5

Ahiriirwi ngiisi úbiisiri Nahano kwoꞌmulangaaliro. Uyo mundu atagweti agaalola ku banabwikangaate, balya ábali mu yifunda mu byeꞌmizimu.

Hayubu 38:4

«Ikyanya nꞌgabiika indaliro zeꞌkihugo, wâli hayi? Iri wangaba usobanukiirwi, unjuvye.

Hayubu 37:23

Rurema woꞌbushobozi bwoshi, tutangamenya ngiisi kwo ali. Ali kikalage bweneene, anali woꞌkuli. Atanali mu shobania imaaja, mu kutuhana ku njira ítali nga yo.

Hayubu 5:9

Ye mu kola ibya kahebuuza, binali kandaharuurwa.

Mwigiriza 1:6

Imbuusi, nayo, iri mu huusa ukulyoka ikisaka, mu kulola imbembe. Iri mu genda igazunguluka-zunguluka, mu kushubi kizi galukira ngiisi ho ikatondeerera.

Mwigiriza 1:13

Nâli fitiirwi bweneene kwo nyige ngiisi íbiri mu koleka mu kihugo. Haliko yibyo nabyo, guli muluho muhamu. Emwe! Rurema akatuzidohera ngana.

Mwigiriza 3:10

Si umukolwa gwo Rurema akaheereza abandu, keera nabona kwo guzidohiri ngana.

Mwigiriza 3:11

Nanashubi bonaga kwo Rurema abiisiri amagambo geꞌmyakuula mu mitima yitu. Kundu kwokwo, mu byoshi byo tugweti tugaagira, ndaaye úli mu sobanukirwa ngiisi kwo akabitondeera, na ngiisi kwo akabiyusa.

Mwigiriza 11:4

Umundu, iri angakizi lola ku mbuusi, ndaayo imbuto agabyala. Na kwakundi, ngiisi úgweti úgakizi henekera ibibungu, ndaabyo agayimbula.