Mwigiriza 1:8 - Kifuliiru

⁸ E balya, yago magambo gooshi, gagweti gagatuluhya, halinde tutaki loziizi ukudeta hiꞌgulu lyago. Amasu gali mu ba gayifwijiri ukulangiiza-langiiza. Amatwiri nago gali mu yifwija ukuyuvwa-yuvwa.

Mwigiriza 1:8 Referans Kwoze

Migani 27:20

Nakuzimu neꞌnakwere, batali mu yiguta. Kiri naꞌmasu gaꞌbandu, nago, gatali mu haaga.

Mataayo 11:28

«Muyijage imwani mweshi, mwe mukoli zidohiirwi, munakoli luhiri! Naani ngamùluhuula.

Mwigiriza 4:8

Hâli umundu úwâli tuuziri yenyene. Atâli hiiti mwene wabo, atanâli busiri. Kundu kwokwo, âli kizi koleereza bweneene. Ulya mundu âli kizi yiloogeza ibindu, halinde bibe katundu. Neꞌri hakazinda, anakizi yibuuza kwokuno: «Ikyanya ngweti ngayitubanula mwene yuku, biryagagi hiꞌgulu lya nyandi? Emwe! Kituma kiki ngweti ngayibuliisa ubushambaale?» Aaho! Yibyo nabyo, si biryagagi bya busha-busha! Bigweti bigaavuna umutima.

Mataayo 5:6

Bahiriirwi, ábali noꞌmwena neꞌnyoota ku bikwaniini imbere lya Rurema! Boohe, Rurema agaki bayigusa.

Mwigiriza 2:26

Iri umundu angasimiisa Rurema, Rurema ali mu múheereza ubwitegeereze, noꞌbumenyi, noꞌbushambaale. Si umunabyaha yehe, Rurema ali mu múheereza naaho umukolwa gwoꞌkukizi kuumania ibindu bingi, anabisingule. Halikago ha nyuma, anayiji bisikiiriza ugundi úgweti úgakizi simiisa Rurema. Aaho! Yibyo nabyo, si biryagagi bya busha-busha! Biri nga kulooza ukugwata imbuusi.

Mwigiriza 2:11

Kundu kwokwo, ikyanya nꞌgasalira ku byoshi byo nâli kizi yitubanula kwo, yoo! Nanabona kwo byoshi biri bya busha-busha. Kuli mu ba naaho, nga kulooza ukugwata imbuusi. Kiziga mu kihugo, ndaakyo kyoꞌmundu angaki longa mwo.

Zaburi 63:5

Ikyanya ngiri noꞌmuuka, ngakizi kuyivuga, na ngizi golola amaboko hiꞌgulu, mu kuhuuna kwiꞌziina lyawe.

Mwigiriza 1:7

Inyiiji zooshi, nazo, zigweti zigakizi hingira mu nyaaja. Kundu kwokwo, yizo nyaaja zitali mu yijulira. Yago miiji gali mu shubi galukira iwa nyiiji, ganashubi hingira iwa nyaaja.

Hagayi 1:9

«Mwehe, kundu mukalangaalira umwimbu mwingi, haliko mwanayiji yimbula muniini naaho. Gulya muniini, ikyanya mukagutaahana, nꞌgayami guyehuulira hala. «Nie Nahano woꞌbushobozi bwoshi, namùbuuza kwokuno: “Kituma kiki byaba kwokwo? Yuvwagwi! Inyumba yani iki shasiri. Kundu kwokwo, ngiisi muguma winyu agweti agahahalira iyeꞌmwage naaho.

Mwigiriza 6:7

Abandu bagweti bagakoleereza, gira balonge byo bagaalya. Kundu kwokwo, batali mu yiguta.