Mikolezi 7:51 - Kifuliiru

⁵¹ Setefaano anagenderera noꞌkudeta: «Si muli mindagabika! Imitima yinyu, kiri naꞌmatwiri giinyu, biri nga bya kipagaani. Muyamiri muli mu gahaasa-haasa ku byoꞌMutima Mweru, nga kwo bashokuluza biinyu nabo bâli kizi gira!

Mikolezi 7:51 Referans Kwoze

Bukengeeze 10:16

«Ku yukwo, muyiyeruusagye, mutanakizi ki haasa-haasa.

Balaawi 26:41

Hali ikyanya bagasobanukirwa na íbikatuma nꞌgabayihindulira, na mbahise i mahanga mu kihugo kyaꞌbagoma baabo. Banabe bakoli yibiisiri haashi imbere lyani, banayemeere kwo bakambubira.

Bahefeso 4:30

Mutanakizi ki jengeeza Umutima Mweru gwa Rurema. Mukuba, gwohe, yo ngwati yoꞌkuyerekana kwo mwâye ki guluulwe ku lusiku lweꞌmberuuka.

Yeremiya 4:4

Ee maashi! Nga kwo mutengwirwi mu magala giinyu, mutenguulwe na mu mitima yinyu, halinde mukizi kolera Nahano naaho. Buzira kwokwo, ibyaha biinyu bigayasa uburaakari bwage nga muliro, ndaanaye úgaahasha ukubuhoohya!»

Hisaaya 63:10

Kundu kwokwo, balya Bahisiraheeri banakizi huna imbere lyage, halinde banajengeeza Umutima gwage Mweru. Kwokwo, Nahano anabahinduka, anaba mugoma wabo, anakizi balwisa.

Kulyoka 33:5

Na íbitumiri bakagira kwokwo, bwo Nahano âli mali gwanwa abwira Musa, ti: «Yabo Bahisiraheeri, ubabwire kwo bali mindagabika, banali banduuvwa. Neꞌri twangagendanwa, hali ikyanya nangayami baminika kinaliguma. Ku yukwo, ngiisi byo muyirimbisiizi mwo, mubihogole. Ha nyuma, lyo ngaamenya ngiisi kwo ngamùgirira.»

Kulyoka 32:9

«Yaba bandu, mbayiji-yiji kwo bali mindagabika.

Bafiripi 3:3

Halikago, twehe, twe tutengwirwi ku njira yoꞌkuli. Mukuba, twe tuli mu yikumba Rurema ku njira yoꞌMutima gwage, iri tunashambaalira Yesu Kirisito. Si tutakiri mu yegamira ibya magala.

Kulyoka 33:3

Mugendi yingira mu kihugo, kwo kiyeziri mwaꞌmata noꞌbuuki. Kundu kwokwo, niehe tutagagendanwa, bwo muli mindagabika. Iri twangagendanwa, hali ikyanya nangakengeera namùminikira mu njira.»

Mikolezi 6:10

haliko anakizi bayumuusa, anakizi deta ku bwitegeereze na ku bushobozi bwoꞌMutima Mweru.

Yeremiya 6:10

Nanashuvya: «Nyandagi ye nangakengula, halinde ananyuvwe? Si yaba bandu booshi balyagagi babitwitwi! Ikyanya ndi mu bakengula, batali mu nyuvwa. Si igambo lyawe, bali mu lijambuura, batanalitwaziizi.

Zaburi 78:8

Batanabe balangi, nga bashokuluza baabo. Mukuba, boohe bâli kizi huna. Imitima yabo itâli tungiini imbere lya Rurema, batanâli kizi ba bemeera imbere lyage.

Bakolosaayi 2:11

Mu kati ka Kirisito, mwo mukatenguulwa. Si kutakagirwa ku maboko gaꞌbandu. Ee! Mukatenguulwa na Kirisito yenyene mu kushaazibwa amifwije giinyu mabi.

Barumi 2:25

Iri wangakizi simbaha Imaaja za Rurema, lyoki ukutenguulwa kwawe, kugaaba naꞌkamaro. Haliko, iri wangakizi zihubira, ugaaba ngoꞌmundu útakatenguulwa.

Mikolezi 7:39

«Kundu bikaba kwokwo, bashokuluza biitu banalahira mbu batagamúsimbaha, banayifwija mu mitima yabo mbu bagalukire i Miisiri.

Mikolezi 7:27

«Halikago, uyo úwâli gweti úgakomeeresa uwabo, anasindikira Musa, ti: “Nyandi úkakubiika kwo ube mutwali witu, unabe mutwi weꞌmaaja ziitu?

Mikolezi 7:9

«Yabo bashokuluza biitu, bakagwatwa noꞌluugi bweneene hiꞌgulu lya mwene wabo wa Yusefu! Kyanatuma bagamúguliisa, agendi ba muja mu mahanga geꞌMiisiri. Kundu kwokwo, Rurema bâli yamiinwi,

Hezekyeri 44:9

Aaho! Niehe, nie Nahano Rurema. Buno, nakyula: Ikinyamahanga kizira kutenguulwa, kitananzimbahiri, kitaye ki shubi yingira ahandu haani heeru. Kundu angaba amùtuuziri mwo.

Hezekyeri 44:7

Mukuba, ikyanya muli muyiji ndangira amatuulo goꞌmushyano, neꞌbinyule, noꞌmuko, muli mu yulubaza inyumba yani. Muli mu hanguula kwaꞌbandu bazira kutenguulwa bayingire ahandu haani heeru, batananzimbahiri. E bandu baani! Si hiꞌgulu lya yibyo bihigo biinyu, keera mwahongolaga ikihango kyo tukanywana!

Nehemiya 9:30

«Wanahisa imyaka mingi, ugweti ugabayigenderera. Wanakizi batumira abaleevi baawe, gira bakizi bahanuula ku njira yoꞌmutima gwawe. Kundu kwokwo, batanakizi kutwaza, kiri neꞌhiniini. Kyanatuma ugashubi babiika mu maboko geꞌbinyamahanga.

Bukengeeze 31:27

«Nyiji bwija kwo balyagagi mindagabika, banayamiri bali bahuni. Iri bangakizi huna ku kyanya ngiri ha kati kiinyu, ka itali yo haahe kwo bagakizi huna imbere lya Nahano, ku kyanya ngoli fwiri.

Hezekyeri 2:4

Banali mindagabika, batanzimbahiri. «Ku yukwo, nakutuma imwabo, gira ukizi gendi babwira ngiisi kwo ngakubwira, iri unadeta kwokuno: “Kwokwo, kwo Rurema Nahamwitu adesiri.”

Yeremiya 17:23

Si boohe, batakanyuvwa, batananzimbaha. Bâli riiri mindagabika. Na kundu nâli kizi bahana, batanandwaza.”

Hisaaya 48:4

Kundu kwokwo, nâli mùyiji-yiji kwo muli mindagabika. Amagosi giinyu, gatigaliiri nga kyuma. Naꞌmatwe giinyu, gali makomu nga mulinga.

Zaburi 75:5

Keera nꞌgabwira abanabwihemye kwokuno: “Muleke ukuyikangaata.” Nanabwira na banangora-mabi: “Mutakizi yiheemya.

Nehemiya 9:16

«Balya bashokuluza biitu, banaba mindagabika, banayumuusa imitima yabo, batanakizi ki kulikira imaaja zaawe.

2 Kutondobola 30:8

Mutakolwe mbu muyumye imitima, nga kwo bâli kizi gira. «Si mwehe mukizi simbaha Nahano Rurema winyu. Munayijage ha nyumba yage Ndaluule. Mukuba, keera akagiyeruusa, halinde imyaka neꞌmyakuula. Aaho! Mumúyikumbire ho, gira uburaakari bwage bumúshaage mwo.

Bukengeeze 30:6

«Nahano, Rurema winyu agayeruusa imitima yinyu, kiri neꞌmitima yeꞌbibusi biinyu, munakizi múkunda ku mitima yinyu yoshi, na ku nzaliro ziinyu zooshi, halinde munalonge ukulama.

Bukengeeze 9:13

«Nahano anashubi mbwira: “Yaba bandu, nababona naaho, kwo bali mindagabika.

Bukengeeze 9:6

Ngiisi byo mugaamenya byo byebi: Yiki kihugo kiija, iri Nahano agamùheereza kyo, mukihyane, kutali mbu bwo mwe mukwaniini. Si muli mindagabika!

Kulyoka 34:9

anadeta: «E Nahano, iri nangaba keera nalonga ulukogo imbere lyawe, nakuyinginga, uyije tugendanwe. Kundu yabo bandu balyagagi banduuvwa, haliko ukoge ubuligo bwabo, kiri neꞌbyaha byabo. Unatuyakiirage nga bandu baawe.»

Mikolezi 7:35

«Yoyo Musa, ye bashokuluza biitu bakalahira mu kumúbwira: “Nyandagi úkakubiika kwo ube mutwali witu, unabe mutwi weꞌmaaja ziitu?” Kundu kwokwo, Rurema yenyene ye kamútuma, gira abe ye mutwali wabo, abe na Lukiza wabo, ukukulikirana na ngiisi kwoꞌlya muganda akagwanwa amúbwira mu kishungu-shungu.

Muharuuro 27:14

Si mwembi mukahuna imbere lyani, yaho i Meriba-Kadeeshi, mwiꞌshamba lyeꞌSiini. Mukuba, ikyanya Abahisiraheeri bakandongooza, mbwaꞌmagoloovi ndaago, mwembi mwanalahira ukubayereka ubulangashane bwani.»

2 Baami 17:14

Kundu Rurema akabakengula kwokwo, batanamútwaza, bwo bâli riiri mindagabika nga bashokuluza baabo. Mukuba, nabo batâli yemiiri Rurema Nahamwabo.