Mikolezi 5:9 - Kifuliiru

⁹ Peturu anamúbwira: «Hafe! Kituma kiki mwalagaana mwe na yibalo kwo mugeze Umutima Mweru gwa Nahano? Lolaga! Ábashubi ziika yibalo, baabo kandi bakola ha mulyango. Na naawe, bakola bagakutwala!»

Mikolezi 5:9 Referans Kwoze

1 Bakorindo 10:9

Tutanakizi ki gezagya Nahano, nga kwo baguma baabo bâli kizi gira, halinde banakomwa neꞌmijoka, banafwa.

Zaburi 78:56

Kundu Rurema ali hiꞌgulu lya byoshi, halikago banamúgeza. Batakasimbaha imaaja zaage, si bakahuna imbere lyage.

Barumi 3:19

Tuyiji kweꞌMaaja zidesiri imwa ábali mwiꞌdako lyazo, gira lyaꞌbandu booshi bakatwirwe ulubaaja imbere lya Rurema. Hataganaba umundu úgaaba niꞌgambo lyo agayifwongooza mwo imbere lyage.

Mikolezi 15:10

«Aahago! Kituma kiki mukiri mu geza Rurema, mu kubetuza Abakirisito yugu muteekerwa? Si twenyene gutuyabiiri! Kiri na bashokuluza biitu kwakundi, gukabayabira!

Luka 16:2

Uyo mugale, anamútumira, anamúbwira: “Ewe! Maki gano, go nguyuvwiti kwo? Unyerekage umuharuuro gweꞌbindu byani! Bitaki ziziri kwo ube mwimangizi wabyo!”

Mataayo 4:7

Yesu anamúshuvya: «Si mwomwo mu Mandiko Meeru, biri biyandike na kwokuno: “Utakizi geza Rurema Nahamwinyu!”»

Mika 7:3

Balyagagi beeshu mu kukola amabi naꞌmaboko gaabo. Abimangizi, naꞌbatwi beꞌmaaja, bali mu huuna ikitulire. Abagale, ngiisi byo baloziizi, kwo banali mu gira igambi lyoꞌkubilonga.

Migani 16:5

Abanabwikangaate, Nahano abashombiri. Ku kasiisa, ngiisi muguma wabo agaahanwa ngana.

Migani 11:21

Banangora-mabi, ukuhanwa, bagaahanwa nyene. Si ábakwaniini boohe, bagakizi genda mu butoge.

Zaburi 50:18

Ikyanya ugweti ugaabona umuzimba, uli mu yami múyibiika kwo. Unali mu komeerana naꞌbashule.

2 Baami 6:32

Uyo mwami anayami kyula kwo bagendi leeta Hirisha. Ku yikyo kyanya, Hirisha âli bwatiiri mu nyumba, kuguma naꞌbashaaja. Yizo ndumwa za mwami, ikyanya zitâli zaazi hika, Hirisha anabwira abashaaja kwokuno: «Lolagi! Ulya mwitani, keera atuma umundu mbu ayiji nzingula itwe. Ikyanya agaahika hano, mumúhangirire. Mutamúhanguule kwo ayingire. Nahamwabo yenyene, agayija amúshalagiiri.»

Muharuuro 14:22

ndaaye kiri noꞌmuguma wabo úgayingira mu kiriira kihugo. Yabo bandu, si keera bakabona ubulangashane bwani, na ngiisi kwo nâli kizi gira ibisoomeza mu Miisiri, kiri na mwiꞌshamba. Kundu kwokwo, bagenderiiri ukukizi ngayiriza, iri banangeza ubugira kingi.

Kulyoka 17:7

Yaho handu, Musa anahayinika iziina i Masa neꞌMeriba, (kuli kudeta: magezo neꞌmilongwe). Mukuba, yabo Bahisiraheeri bakahambanwa, banageza Nahano, ti: «Ka Nahano tuyamiinwi, kandi iri nanga?»

Kulyoka 17:2

kyanatuma bagashubi yidodombera Musa, ti: «Utuheereze amagoloovi.» Musa naye, ti: «Biki twafwana? Si mugweti mugaageza Nahano yenyene.»

Barumi 10:15

Na kutagi kwaꞌbandu bangagendi bamenyeesa yo, buzira kutumwa? Biri nga kwo biyandisirwi: «Buli bwija ngana ukubona ábali mu yija bagamenyeesa imyazi miija!»

Mikolezi 5:6

Hanayija imisore, yanayiji zingira ikirunda kyage mu mirondo. Yanakihulukana, yanagendi kiziika.

Ndondeko 20:13

Ikyanya Rurema akambwira kwo njaage imwitu, na ngendi tuula i mahanga, nanayinginga mukaanie kwo ngiisi ho tugakizi lenga hooshi, akizi nyereka kwo anguuziri, mu kukizi deta kwo ndi mushija wage.»