Mikolezi 19:25 - Kifuliiru

²⁵ Lusiku luguma, Demeteryo anakuumania abaabo banaluganda, kuguma naꞌbandi bakozi ábâli kizi gira mwene yugwo mukolwa, anababwira: «E bashosi, muyiji bwija kwo mu yugu mukolwa, mwo tuli mu yungukira bwija.

Mikolezi 19:25 Referans Kwoze

Mikolezi 16:19

Banahamwabo boꞌyo munyere, iri bakabonaga kwo bataki hiiti ubulyo bwoꞌkukizi longa mweꞌfwaranga, ehee! Banayami birigisha Pahulu na Siira, banabakululira haꞌbatwali bâli kizi twa imaaja.

Bwigule 18:3

Abaami ba mu mahanga gooshi keera bakakashuleha. Yubwo bushule bwako bwanalalusa abandu beꞌyo munda hooshi nga maavu geꞌngangu. Abadandaza ba mu yago mahanga gooshi, keera bakagala ku kanyabungaka keꞌbindu ko kâli kizi yisimiisa mwo.»

2 Peturu 2:3

Na bwo bali bazizi beꞌbindu, bagakizi yibangira ibibeesha, mbu lyo bakizi mùlyalyania mwo. Ukulyokera keera, Rurema âli kizi balindiriza ikihano. Na buno, akolaga ibiringiini ukubaminika.

Hosheya 4:8

Ikyanya abandu baani bali mu tanga amatuulo goꞌkukogwa ibyaha byabo, abagingi banabuli longa byo bagaalya. Kyo kinatumiri baloziizi kwaꞌbandu bingi bakizi yifunda mu byaha.

Mikolezi 19:24

Mwâli riiri mutuzi muguma weꞌharija, iziina lyage Demeteryo, úwâli kizi tula imigisi íshushiini neꞌmbeero zoꞌmuzimu gwabo Haritemi. Anâli kizi tundira abaabo banaluganda imikolwa mingi.

Mikolezi 19:26

Haliko buno, keera mwayuvwa, keera mwanabona ngiisi kwo Pahulu agweti agatirika abandu bingi ba hano i Hefeso, kuguma naꞌbandu ba mu mbande zooshi za mu poroveesi yeꞌHaziya. Agweti agababwira kweꞌmigisi itakwiriiri ukuyikumbwa, mbu bwo iri mu girwa naaho naꞌmaboko gaꞌbandu.