Mika 7:6 - Kifuliiru

⁶ Si umwana mutabana akoli gweti agagayiriza yishe. Noꞌmunyere akola mu yihindulira nyina. Noꞌmwali-kazi naye, akola mu yihindulira navyala. Abagoma boꞌmundu bagaaba baabalya ba mu mbaga yage.

Mika 7:6 Referans Kwoze

Luka 12:53

Umushosi agayihandula ku mugala wage. Noꞌyo mugala wage, naye anayihandule ku yishe. Umukazi agayihandula ku munyere wage. Noꞌyo munyere, anayihandule ku nyina. Umukazi agayihandula ku mwali-kazi. Noꞌyo mwali-kazi, anayihandule ku navyala.»

Mataayo 10:21

«Ku yikyo kyanya, umundu agayitiisa mwene wabo. Na yishe woꞌmwana, anayitiise umwana wage. Abaana nabo, bagayihindulira ababusi baabo, banabayitiise.

Zaburi 41:9

Bagweti bagakizi deta: «Si keera ubulwazi bwamúkayira bweneene! Ngiisi ho alambamiri, atâye ki havyuke.»

Hezekyeri 22:7

Abandu baawe bashombiri bayishe na banyina. Ibinyamahanga íbikutuuziri mwo, biri mu kizi libuzibwa. Kiri na banamufwiri neꞌfuuvi, bali mu kizi hubirwa.

Yohana 13:18

«Ikyanya ndi mu deta yaga magambo, gatali hiꞌgulu liinyu mweshi. Nyiji bwija ngiisi bo nꞌgatoola. Si lirya igambo likwiriiri likoleke, íriyandisirwi mu Mandiko Meeru kwokuno: “Ulya ye twashangiira umukate, keera anyihindulira.”

Migani 30:11

«Hali ábali mu daaka bayishe, batanali mu tanga kongwa imwa banyina.

Luka 21:16

«Ku yikyo kyanya, mugasongerwa naꞌbabusi biinyu, kiri na beene winyu, naꞌbandu beꞌmbaga ziinyu, naꞌbiira biinyu. Baguma biinyu, bagayitwa!

Mataayo 26:23

Anabashuvya: «Ngiisi ye twatwegeza kuguma, ye gandanga mu bagoma.

Hobadiya 1:7

Abaami bo mushuba mu kizi tabaalanwa keera bamùhinduka, banamùyimula mu kihugo, kinali kyeꞌmwinyu. Bagweti bagamùhenduula, iri banamùvindagaza. Kundu mushuba mu lyanwa akaholo naꞌkaduutu, si keera bakamùtega imitego, mutanamenya.

Yeremiya 20:10

Nyuvwiti ngiisi kwaꞌbandu bingi bakola mu hwehwetezania, mbu: «Ngiisi luhande, hakola ikihuumula naaho! Aahago! Tugendi lega Yeremiya imwaꞌbakulu biitu!» Kiri naꞌbiira baani ba vyuka-ngwejere, bagweti bagaloleera, babone ngiisi kwo nangatibukira haashi. Bali mu nyigambira, ti: «Tugirage tumútebe, halinde tumúgwase. Kwokwo, lyo twangamùyihoola!»

Yeremiya 12:6

Si na beene winyu, kiri naꞌbeꞌmbaga yawe, bali mu kutanga mu bagoma, banali mu kuyamiriza, ti yuhuu! Balya bandu, kundu bagweti bagakulyeryega, hatagire ye ugayemeera!»

Migani 30:17

Ikyanya umundu ali mu shekeereza yishe, anagayirize na nyina, mu kulahira kwo atagamúsimbaha, uyo mundu, amasu gaage gagajobolwa na banamujongo. Ee! Banyunda, bagayiji múlya.

2 Samweri 16:11

Mwami Dahudi anashubi bwira uyo Habishaayi kuguma naꞌbakozi baage: «Mugala wani yenyene, ye kola mu mbiiva. Aahago! Balya beene Binyamiini, ka itali yo haahe? Mumúleke anjekeereze, bwo Nahano ye wamútuma.

Ndondeko 49:4

Kundu kwokwo, ulyagagi nga migezi mikayu íri mu golomba. Si mu kushonera ku ngingo yani na muguma mu bakanie, ukambonia ishoni. Ku yukwo, utagaki kulira abiinyu.

Hisaaya 9:19

Yabo bandu, kundu bali mu manyulana imbande zooshi, si baki shalisiri. Ubuzinda, bagakizi lya kiri neꞌnyama zaꞌbaana baabo.

Yeremiya 9:4

Ngiisi mundu agweti agaateba uwabo. Ndaanaye úli mu deta ukuli. Abayuda keera bakayikomeereza ukukizi beesha. Na mu kukizi gira ibyaha, keera bayiluhya.

Hisaaya 3:5

Abandu bagakizi libuzania, halinde ngiisi mundu anakizi hagana noꞌmutuulani wage. Imisore, igakizi shundeeza abashaaja, noꞌtufwa-busha, tugakizi shundeeza abanalushaagwa.