Mika 7:14 - Kifuliiru

¹⁴ E Nahano! Ukizi langa abandu baawe. Si biryagagi bibuzi byawe. Na bwo bikoli rambiri byonyene mu lubako, ukizi bilanga neꞌngoni yawe. Leka bikizi ragirira ubwasi, áhayeziri i Bashaani neꞌGiryadi nga kwo byâli kizi gira yaho keera.

Mika 7:14 Referans Kwoze

Mika 5:4

anakizi bileeta mwoꞌmutuula. Abahasuriya bagayiji teera ikihugo kiitu, banakizi libata ku nyumba ziitu mbamu. Kinatume tugabiika abatwali balinda, bakizi tulanga. Ee! Ibirongoozi munaana, byo bigaturongoora.

Hisaaya 49:10

Batanâye ki shalike, kandi iri kunyooterwa. Batanâye ki hiire neꞌdugumbo yiꞌzuuba, kandi iri neꞌmbuusi nduutu. Ndi mu bayuvwira indengeerwa. Kwokwo, nienyene ngakizi barongoora, na mbahise ha shyoko zaꞌmiiji.

Hamoosi 9:11

«Irya nyumba ya Dahudi, kundu ikayihongoleka haashi, halikago ku lulya lusiku, ngashubi giyubakulula. Iyo nyumba, kundu gushuba mushaka, ngashubi giyubaka kandi, inashubi longa ubulangashane, nga kwo yâli yamiri kare.

Hisaaya 40:11

Balya bandu baage, ali mu balanga, nga kwoꞌmungere ali mu langa ulukuuli lweꞌbibuzi. Ali mu kizi batengetera mu maboko gaage. Bali nga byanabuzi, bwo batuuziri hoofi-hoofi noꞌmutima gwage. Ngiisi ibibuzi íbikiri mu yoza, ali mu birongoora ku butuudu.

Hisaaya 37:24

Keera walungika abakozi baawe, gira ushekeereze Nahano, ti: “Amagaare gaani giꞌzibo, bwo galyagagi katundu, keera gakahika halinde ku marango geꞌLebanooni. Nanayami kuba ibiti byayo bila byeꞌmyerezi, kiri na byeꞌshindano kwo binonosiri. Keera nꞌgahika heꞌbiti bihekiiri, binali biti biija ngana-ngana!

Zaburi 100:3

Mumenye kwo Nahano ye Rurema. Ye katubumba, tunali beꞌmwage. Ee! Tuli bandu baage, tunali nga bibuzi bya mu ndagiriro yage.

Zaburi 95:7

Mukuba, ali Rurema witu, ye nali mu tuhahalira. Tuli bibuzi byage, anagweti agatulanga bwija. Bwangabiiri bwija, mukizi yuvwiriza izu lyage zeene.

Zaburi 28:9

E Nahano, kwokwo ukizagye abandu baawe. Bwo bali buhyane bwawe, ukizi bagashaanira. Ukizi ba mungere wabo, unakizi babegeta imyaka neꞌmyakuula.

Yohana 17:16

Mukuba, batali beꞌkihugo, nga kwo naani ndali wakyo.

Mataayo 2:6

“Na naawe, e Betereheemu, mu poroveesi yeꞌBuyahudi! Mu matwali gaayo gooshi, utali we toohiri, kiri neꞌhiniini. Ee! Mu mwawe mwo mugalyokaga umutwali, agaanaba ye mungere waꞌbandu baani, Abahisiraheeri.”»

Malaki 3:4

Yago matuulo, ikyanya abandu beꞌYerusaleemu, naꞌbeꞌBuyuda hooshi bagagatanga, lyo Nahano agaaba agayemiiri, nga kwo âli kizi gasiima yaho kare.

Sefaniya 3:13

Abahisiraheeri ábagaaba basigiiri, batagaki huba, batagaanaba banabibeesha, bataganaki henderezania. Si bagakizi longa ibyokulya, banagwejere. Ndaanaye mundu úgayiji bateera ikyoba.»

Kimombo 5:21

E Nahano! Utugalulirage imwawe, tushubi ba bandu baawe! Ushubi tushambaaza, nga kwo wâli kizi tushambaaza kare.

Hisaaya 65:10

Haaho, bagakizi ragirira ibitugwa byabo mu ndekeera yeꞌSharooni. Neꞌngaavu zaabo, zigakizi vyagira mu yeꞌHakoori. Yaho handu, hagasigala kihugo kya ngiisi ábaloziizi ukukizi ngulikira.

Hisaaya 35:2

Yutwo twaso tugayasa ku bwingi, iri tunayimba ku busiime, noꞌkubanda akabuuli. Lirya ishamba ligaaba likoli limbiri ngana-ngana, ngeꞌmigazi yeꞌLebanooni, na ngoꞌmugazi Karimeeri, neꞌndekeera yeꞌSharooni. Haahago, lyaꞌbandu booshi bagaabona ubulangashane bwa Nahano, banabone kwo Rurema ali wa kahebuuza.

Zaburi 143:5

Ngi kengiiri zirya siku za keera. Na ngweti ngayitoneesa ku byoshi byo wâli kizi gira.

Bukengeeze 33:28

«Ku yukwo, Abahisiraheeri batuuziri mu mutuula. Bagala Yakobo bali haabo-haabo. Ikihugo kyabo kiri mu mera mweꞌngano neꞌmizabibu, ukulengera ikimi íkiri mu hona kwiꞌgulu.

Muharuuro 23:9

Kwo nyimaaziri hano mu maala, kwiꞌrango, mbabwini. Ngweti ngabalangiriza hano ku mugazi. Balya bandu, bahandwirwi neꞌgindi milala, banatuuziri boonyene.

Kulyoka 33:16

Ee! Iri utangayemeera kwo tugendanwe, kutagi kwaꞌbandu bagaamenya kwo ngusimisiizi? Na kuti kwo bangamenya kwo tutali ngaꞌbandi bandu booshi ba mu mahanga?»

Kimombo 1:7

Yerusaleemu aki kengiiri ngiisi kwo âli jeberiiri mu bugale bwage. Haliko buno, akola mu yangaara mu mwizingeerwe. Ikyanya abandu bakagwatwa naꞌbagoma, ndaaye úkabatabaala. Yabo bagoma, iri bâli kizi babona, banabahonyoleze, mbu: «Honyo! Si akaaya kiinyu, ndaakiko!»

Balaawi 27:32

«Ku biloziri ingaavu, neꞌbibuzi, neꞌmbene, mukwaniini ukutaluula ikitugwa kiguma kwiꞌkumi, imwa Nahano.

Lwimbo Lwija 4:1

«E mukundwa wani, unonosiri ngana-ngana. Amalanga gaawe gabuyahiri bweneene. Amasu gaawe, bwo gasiisirwi mu lushungi lwawe, gashushiri ngaꞌmasu geꞌngunde. Umushaku gwawe, guhononosiri bwija, nga lukuuli lweꞌmbene, íziri mu lindimuka ku migazi yeꞌGiryadi.

Yeremiya 49:31

«Yabo bandu baki jeberiiri mu kati koꞌmutuula. Aaho! Yimukagi, tugendi bashereeza. Yabo bandu, batuuziri haabo-haabo. Akaaya kaabo, katahiiti inyiivi, kandi iri migaliro.

Hezekyeri 36:11

E migazi! Ngamùluza kwaꞌbandu, kiri neꞌbitugwa. Abandu baani, bagashubi mùtuula mwo, nga kwo byâli riiri yaho kare. Munakizi genduukirwa ukuhima kare. Kwokwo, lyo mugaamenya ku kasiisa, kwo nie Nahano.

Muharuuro 32:1

Beene Rubeni na beene Gaadi, bâli gweti ibitugwa bingi ngana-ngana. Iri bakabona kweꞌkihugo kyeꞌYazeeri na kyeꞌGiryadi bikwaniini ku bitugwa byabo,

Hisaaya 27:13

Ku yulwo lusiku, ikibuga kihamu kigadihirizibwa. Mu kati kaꞌBahisiraheeri, baguma bagaaba bagwasirwi imbohe mu kihugo kyeꞌHasuriya, na mu kyeꞌMiisiri. Balya booshi, bagagalulirwa i Yerusaleemu, gira bagendi yikumba Nahano ku mugazi gwage mutaluule.

Hobadiya 1:19

Abandu boꞌluhande lweꞌkisaka kyeꞌBuyuda, bagagendi gwata imigazi yeꞌHedoomu. Naꞌbandu ba ku higangazi bagagendi gwata ikihugo kyeꞌBufirisiti. Ee! Bagagendi gwata iporoveesi yeꞌHifurahimu, na yeꞌSamariya. Beene Binyamiini nabo, bagagendi gwata iporoveesi yeꞌGiryadi.

Zakariya 10:10

Kundu nꞌgabashaaza i Miisiri, neꞌHasuriya, ngabagalulira imwabo. Baganashubi tuula mu kihugo kyeꞌGiryadi na mu kyeꞌLebanooni, banaluguuke, halinde batanaki kwire mwo.

Zakariya 11:7

Kwokwo nanagendi ba mungere wa yibyo bibuzi byo yabo badandaza keera balingikania gira bigendi tongeerwa. Nanayabiiraga ingoni zibiri. Ngoni nguma, nanagihamagala Bugashaane. Neꞌgindi, Buguma. Kwokwo, nanagendi langa ibibuzi.