Mika 7:10 - Kifuliiru

¹⁰ Yago gooshi, abagoma baani bagagabona, banateerwe neꞌshoni. Si bo bâli kizi deta, mbu: «Rurema Nahamwinyu, alyagagi hayi?» Kundu bakadeta kwokwo, ngaki bona ngiisi kwo bagaagwa. Banakizi libatwa-libatwa, nga bidaka bya mu njira.

Mika 7:10 Referans Kwoze

Zakariya 10:5

Ee ma! Bagaaba ndwani ngana-ngana mwiꞌzibo. Bagakizi genda bagakandagira abagoma baabo nga bidaka. Bwo bali kuguma na Nahano, ikyanya bagakizi lwa, bagakizi hima kiri naꞌbagoma ábali mu gendera ku fwarasi.

Zaburi 42:10

Bwo Rurema ye lwala lwani, ngweti ngamúbwira: Aahago! Kituma kiki wanyibagira? Kituma kikagi wandekeerera ngizi jeba-jeba, iri ninalira? Si abagoma bagweti bagandibuza bweneene!

Bwigule 18:20

We igulu, ushambaalage! Mukuba, keera kashereera! Na niinyu mwe ndumwa, kuguma naꞌbaleevi, naꞌbandi bandu ba Rurema booshi, niinyu mushambaale kwakundi! Mukuba, kundu yako kaaya kâli kizi mùgirira amabi, haliko, keera Rurema akatwira ulubaaja hiꞌgulu lyago.

Yuheeri 2:17

Kiri naꞌbagingi, kwo bali mu kolera Nahano, nabo bayingire ha kati keꞌkisiika kyoꞌkuyingira mu nyumba ya Rurema, naꞌkatanda kaage. Ee! Balirage, iri banakizi huuna Rurema, ti: «E Nahano, si tulyagagi bandu baawe! Aaho! Utukejeerere, we kongwa. Utanaki tubonie ishoni! Utanaleke kweꞌbinyamahanga bikizi tuhonyoleza, mbu: “Aaho! Rurema winyu, ali hayagi?”»

Zaburi 35:26

Ngiisi ábali mu shambaalira amakuba gaani, ubabonie ishoni, halinde bateteerwe. Na ábagweti baganyikangaatira, nabo balonge ishoni, kibe nga kyambalwa, halinde banatibaalirwe.

Zaburi 18:42

Balya bagoma baani, ikyanya bâli koli loziizi woꞌkubatabaala, atanaboneka. Na kundu bâli kizi takiraga Nahano, si atanabayakula.

2 Samweri 22:43

Nanabafutiiriza, halinde banaba nga luvu. Nanakizi genda ngabalibata mu njira, nga bidaka.

Mika 4:11

Si buno, ibinyamahanga bingi bigweti bigayiji mùteera. Bagweti bagaadeta kwokuno: «E balya, tugendi shereeza akaaya keꞌYerusaleemu. Neꞌkyanya tugaaba keera twakasindaga, tugakizi kaloleera, iri tunashambaala.»

Yeremiya 51:51

«Mugweti mugaadeta, ti: “Twe Bayuda, ibinyamahanga keera bikayifunda ahandu hataluule mu nyumba ya Nahano, binali mu kizi tuhonyoleza. Tukoli teziibwi ishoni, tunakoli tetiirwi bweneene.”»

Zaburi 79:10

E Rurema, ibinyamahanga keera byayona umuko gwaꞌbakozi baawe. Aahago! Kituma kiki wangaki leka kwo bikizi tuhonyoleza ti: «Rurema winyu alyagagi hayi?» E Rurema, utuyereke ngiisi kwo ugayihoola ibinyamahanga.

Mataayo 27:43

Si agweti agayihega ku Rurema, anashuba mu deta kwo ali Mwana wage! Leka uyo Rurema wage amúkize buno, iri angaba amúsiimiri!»

Malaki 1:5

«E Bahisiraheeri, ikyanya mugaabona kwokwo, lyo mugayidesa, ti: Ku kasiisa Nahano ali Mukulu. Ubushobozi bwage, butalusiri kiri neꞌmbibi zeꞌkihugo kiitu!»

Hobadiya 1:10

«Íbitumiri mugateteerwa neꞌshoni, munaminikwe halinde imyaka neꞌmyakuula, bwo mukateera beene winyu ba mu mbaga ya Yakobo.

Danyeri 3:15

Lolagi! Mango leero mwayuvwa izu lyeꞌkibuga, na lyoꞌmuteera-teera, na lyeꞌkinubi, na lyeꞌnzeeze, na lyaꞌkashamba, kuguma na geꞌbindi bikolanwa byeꞌnyimbo, haaho-haaho, mukayami gwa buubi mu kuguyikumba. Neꞌri mwangalahira, mugayami lashwa mu kiberekaana kyoꞌmuliro. Aahago! Ka hakiri ugundi úli mu yikumbwa, úgamùkiza mu maboko gaani?»

Yeremiya 51:24

Nahano ashubi detaga kwokuno: «Mwe Bababeeri, ngamùhana, kuguma naꞌbandu biinyu booshi, bwo mwâli kizi girira i Sayuni amabi.»

Zaburi 115:2

Kituma kiki ibinyamahanga bigweti bigabuuza kwokuno: «Aahago! Rurema winyu ali hayi?»

Zaburi 109:29

Yabo bagoma baani, ubateezagye ishoni imbere lya booshi. Na yizo shoni, zikizi babwikira nga mulondo.

Zaburi 58:10

Rurema agayami baminika duba-duba, ukuhima kweꞌnyungu ziri mu longa ukuduuta ku muliro gweꞌshaali.

Zaburi 42:3

Umutima gwani guli neꞌnyoota hiꞌgulu lya Rurema, úli mugumaana. Aaho! Tugagendi bonaana twe naye mangoki?

Hezekyeri 7:18

banayambale amasuuzu. Kiri naꞌmatwe gaabo, kwo bali booshi, ganakunguulwe, mu kuyerekana ngiisi kwo bakoli jengiirwi. Amalanga gaabo gagazizibala hiꞌgulu lyeꞌshoni, banakizi teteerwa lwoshi-lwoshi.

Hisaaya 41:25

«Keera nꞌgaleeta umundu muguma ukulyoka uluhande lweꞌmbembe, na lweꞌsheere. Uyo mundu ali mu kizi deta iziina lyani, anagweti agalibata abatwali booshi nga bidaka. Ali mu bakanda-kanda, nga kwoꞌmubuuvi ali mu kaata ibumba.

Hobadiya 1:12

E maashi Bahedoomu! Ikyanya mukabona kwo beene winyu bahanyagala, si mutâli kwaniini ukubahonyoleza! Kundu kwokwo, ikyanya bakashereezibwa, mwanashambaala ngana-ngana! Neꞌkyanya bâli gweti bagalibuzibwa, mukabashekeereza.

Mika 7:8

E bagoma baani! Mutagaki mbonyoleza. Mukuba, kundu nangaagwa, haliko ngaki vyuka. Na kundu nangaba mbwatiiri mu kihulu, haliko Nahano agaaba akiri mulengeerwe gwani.

Yoshwa 7:9

Abakaanani, kuguma naꞌbatuulaga booshi ba mu kino kihugo, mango bayuvwa kwokwo, bagayami tusokanana, banatuminike tweshi. Aaho! Kutagi kwo ugaki yerekana kwiꞌziina lyawe liri noꞌbushobozi?»

Zaburi 92:12

Nꞌgayibonera nienyene ngiisi kwaꞌbagoma baani bakahimwa. Ikyanya bakaliruuka, nanayiyuvwirwa.

Hisaaya 26:11

E Nahano, yabo babi, kundu ukolaga ugabahana, haliko, batakutwaziizi. Aaho! Ubayerekage ngiisi kwo ukuuziri abandu baawe, halinde banateezibwe ishoni. Na bwo ubikiiri abagoma baawe umuliro, ugire ubajigiivye mwo.

Yeremiya 49:15

«E Bahedoomu, ngamùniihya kwo, mube bagerwa ukuhima abandu beꞌbihugo byoshi. Yabo bandi, banakizi mùnegura.

Sefaniya 3:15

Kundu Nahano âli kizi kuhana, haliko keera akaleka, anashaabula abagoma baawe. Nahano yenyene, ye mwami waꞌBahisiraheeri, aganayama amùtuuziri mwo. Mutanaki shubi yoboha, mbu mugalonga inguuke.