Mika 6:2 - Kifuliiru

² E malambo! Muyuvwagwe ngiisi kwo Nahano agalegana. Na niinyu mweꞌndaliro zeꞌkihugo, muyuvwirize kwakundi. Nahano agweti ulubaaja naꞌbandu baage. Agweti agabuulania Abahisiraheeri.

Mika 6:2 Referans Kwoze

Hosheya 12:2

Emwe! Yabo beene Hifurahimu, bali mu shiiba bagweti bagalandiriza imbuusi ukulyoka isheere. Bagweti bagakizi deteereza ibinyoma, iri banayitana. Banagweti baganywana ikihango naꞌBahasuriya. Banagweti bagalungika amavuta geꞌmizehituuni i Miisiri, lyo balonga yoꞌbutabaazi.

Hosheya 4:1

E Bahisiraheeri! Muyuvwirizagye ngiisi kwo Nahano agweti agaadeta. Si agweti agamùlega kwokuno: «Emwe! Mutali bemeera, mutanali mu kundana, ndaanaye úki kengiiri kwo nie Rurema ndi ho.

Hisaaya 1:18

Nahano adetaga kwokuno: «Muyije, tuganuulire kuguma. Ibyaha biinyu, kundu byangabiiri bidukwiri, ngabiyeruusa, bibe byeru nga lugungu. Na kundu byangadukumbusiri nga muko, ngabiyeruusa, binabe pepeepe, ngiꞌpamba.

Zaburi 104:5

We kabumba ikihugo. Na bwo ukakisikamya ku ndaliro zaakyo, kitâye shaganibwe.

2 Samweri 22:16

Ikyanya Nahano akabakanukira, ikyanya umuuka gukalyoka mu mazuulu gaage, haaho, amabenga geꞌnyaaja ganayanuuka. Indaliro zeꞌkihugo zanayami boneka ku bweranyange.

Bukengeeze 32:22

Uburaakari bwani, buli mu yaka nga muliro, bunali mu yika, halinde i nakwere. Buli mu siriiza íbiri mu mera kwiꞌdaho. Buli mu jigiivya haashi, halinde indaliro zeꞌmigazi.

Yeremiya 31:37

Nahano adetaga kwokuno: «Igulu litangagerwa. Kiri niꞌdaho, ndaaye úwangamenya byoshi íbilibishamiri mwo. Kwokwo naꞌBahisiraheeri, kundu bakahuba, si bitangaziga kwo mbajande.»

Yeremiya 25:31

Izu lyage, abandu baꞌmahanga gooshi bagaliyuvwa. Mukuba agakizi twa imaaja zaꞌbandu beꞌmilala yoshi. Agabwiririra abandu booshi ngiisi kwo bahubiri. Na banangora-mabi booshi, agabayita ku ngooti!”» Kwokwo, kwo Nahano adesiri.

Yeremiya 2:9

Nahano adetaga kwokuno: «Ngola ngamùlega. Kiri naꞌbandu beꞌbibusi biinyu, nabo ngabalega.

Hisaaya 43:26

«Mungengeeze ngiisi byo muli mu njumuza kwo, gira tubibuulane. Ee! Mundereke, gira tulole iri muganzinda.

Hisaaya 5:3

Kwokwo, uyo mukundwa wani anadeta: «Mwe batuulaga beꞌYerusaleemu, naꞌbeꞌBuyuda! Mwe bakongwa mwe! Mututwirage ulubaaja, twe neꞌyo ndalo yani yeꞌmizabibu.

Migani 8:29

Nâli kola ho, neꞌkyanya akabiikira inyaaja ulubibi, gira amiiji gatalujabuke, ku kyanya akabiika indaliro zeꞌkihugo.

2 Samweri 22:8

«Lyeryo, ikihugo kyanalenga mwoꞌmusisi, kyanajugumbana. Kiri neꞌnguliro ziꞌgulu, nazo zanahunga-hunga. Zanalenga mwoꞌmusisi, bwo Rurema âli koli rakiiri.

Bukengeeze 4:26

«Ngweti ngamùkengula. Mweshi, kundu mugagendi hyana ikihugo íkiri i kajabo koꞌlwiji Yorodaani, haliko mugashubi shaazibwa mwo. Mutagaahisa isiku nyingi, mukirambiri mwo. Si mugaminikwa mweshi. Igulu neꞌkihugo bigambeera tumasi.

Hisaaya 3:13

Nahano akola ibiringiini ukutwa imaaja. Akoli yimaaziri, gira ahane abandu baage.

Mika 6:1

Muyuvwirize! Si Nahano ambwira kwokuno: «Yimuka, uyibulanire kwiꞌzu lihamu. Ikyanya ugaadeta, utugangazi naꞌmalambo tugaaba tumasi, banakuyuvwe.»

Hosheya 12:3

Nahano agweti agalega Abayuda, beene Yakobo. Anakola agabahana hiꞌgulu lyoꞌbulyalya bwabo. Ee! Agabahaniiriza, ukukulikirana na ngiisi kwo âli kizi gira.