Mika 6:10 - Kifuliiru

¹⁰ E banangora-mabi, si nyumba ziinyu ziyijwiri ibindu bingi byo mukalonga mu kugungana! Zinalyagagi mweꞌbigero byo mugweti mugagungana mwo!

Mika 6:10 Referans Kwoze

Hamoosi 3:10

Nahano adetaga kwokuno: «Abandu baani, bataki yiji ngiisi kwo bangagira íbikwaniini! Inyumba zaabo ngomu, si ziyijwiragi mweꞌbindu byo bakanyaga!»

Migani 20:10

Ibigero byoꞌkugungana, neꞌndambo zoꞌkushobeka, yibyo byombi, biri mu yagaza Nahano.

Migani 21:6

Ngiisi úli mu longa ibindu mu kulyalyania, yibyo bindu, biri mu sira nga luuta, binali mutego gwoꞌkumúfunda mu lufu.

Migani 20:23

Ibigero byoꞌkugungana, biri mu yagaza Nahano.

Migani 11:1

Ikyanya abandu bali mu koleesa ibigero byoꞌkugungana, bali mu yagaza Nahano. Si ibigero byoꞌkuli byohe, biri mu músimiisa.

Migani 10:2

Umundu, kundu angagungana, ndaako kamaro ka ali mu longa. Haliko, ikyanya agira íbikwaniini, lyoki ali mu kizibwa mu lufu.

Yoshwa 7:1

Ikyanya Abahisiraheeri bakateera akaaya keꞌYeriko, Nahano anababwira kwo byoshi bikoli talwirwi imwage. Halikago, mundu muguma, iziina lyage ye Hakani anabiyabiira kwo, anabibisha, kyanatuma Nahano agabarakarira. (Uyo Hakani, âli riiri mugala Karimi, mwijukulu Zabeedi. Noꞌyo Zabeedi âli riiri mugala Zeera, wa mu mulala gwaꞌBayuda.)

Sefaniya 1:9

Ku lwolwo lusiku, ngaahana ngiisi ábagweti bagayikumba imizimu. Banagweti bagayitana mu ndwaro zaabo, iri banalyalyania!»

Mika 6:9

Iri mwangaba mulyagagi bitegeereza, mugasimbaha Nahano! Ikyanya akola agaahana, mukizi múbiika kwoꞌbutwaze. Izu lyage ligweti ligaberangira mu kaaya keꞌYerusaleemu kwokuno:

Hamoosi 3:9

Ino ndumwa, ugimenyeese mu batuuziri mu butwali bweꞌHashidoodi, na mu bweꞌMiisiri: «Mukuumanage ku migazi ízungulusiri i Samariya, gira muyibonere ngiisi kwaꞌbandu bali mu kamburugu kingi, na ngiisi kwo bagweti bagalibuzania.»

Zakariya 5:6

Na wa naani, ti: «Kikagi kiriira?» Uyo muganda, ti: «Kiri kitiri íkiyijwiri amahube gaꞌbandu baꞌmahanga gooshi.»