Mika 4:6 - Kifuliiru

⁶ Nahano adetaga kwokuno: «Ku yikyo kyanya, nâye kuumanie ibirema. Na ngiisi ábakayimulwa, kundu nienyene nꞌgabayingiza mu makuba, haliko ngashubi bakuumania.

Mika 4:6 Referans Kwoze

Sefaniya 3:19

Abandu booshi ábâli gweti bagakizi mùvindagaza, ku yikyo kyanya, ngabahana ngana! Ee! Ngiisi ábalemahiri, ngabakiza. Na ábakayimulwa, ngashubi bakuumania. Na ngiisi ábâli teziibwi ishoni, ngabagingika, halinde ubwivuge bwabo bunalumbuuke mu bihugo byoshi.

Yohana 10:16

«Ngi hiiti neꞌbindi bibuzi íbitali bya mu kino kiso. Bingwiriiri nabyo, ngendi bileeta. Nabyo kwakundi, bigakizi yuvwiriza izu lyani, halinde byoshi binakumaanibwe mu kiso kiguma. Binabe noꞌmungere muguma.

Hisaaya 56:8

Balya Bahisiraheeri ábâli koli huuziri, Nahano Rurema akoli gweti agabakuumania, iri anadetaga kwokuno: «Ngaki kuumania abandi, gira bayiji yibiika ku bandu bo keera nakuumania.»

Zaburi 147:2

Ikyanya Abahisiraheeri bakaba keera bashaabuka mu mahanga, Nahano anabakuumania, gira bahunguuke. Kiri naꞌkaaya kaabo keꞌYerusaleemu, anakashakuulula.

Luka 19:10

Na íbitumiri Umwana woꞌMundu akayija, gira ayiji looza ábateeresiri, halinde abakize.»

Mika 2:12

«E bandu ba Yakobo, mwe musigiiri, ngamùkuumania kuguma. Ee! Ngamùkuumania, munabeere mu lugo nga bibuzi, munabe nga bitugwa íbiragiiri mu ndagiriro. Ikihugo kiinyu kigashubi yijula mwaꞌbandu bingi.

Hezekyeri 36:24

«Ngamùlyosa mu mahanga gooshi, ninamùkuumanie kuguma, halinde ninamùgalulire mu kihugo kiinyu.

Yeremiya 31:8

Lolagi! Ngabalyosa mu kihugo kyeꞌmbembe, na mbakuumanie ho batuuziri ku mbeka zeꞌkihugo. Mu kati kaabo, baguma balyagagi mbumi neꞌbirema. Abakazi baguma, bakola neꞌnda, naꞌbandi bakola bu buta. Yabo booshi, kwo bakoli luguusiri bweneene, bagagaluka.

Yeremiya 3:18

Mu yizo siku, Abayuda baganywana naꞌBahisiraheeri. Booshi banalyokage mu kihugo íkiri imbembe, banagalukire mu kihugo kyo nꞌgaheereza bashokuluza baabo.»

Zaburi 38:17

Nꞌgakuhuuna kwokuno: «E Rurema, ikyanya natyerera, utaleke kwo bakizi mbonyoleza, mbu honyo! Batanalonge ukuyidundulika hiꞌgulu lyani.»