Mika 4:13 - Kifuliiru

¹³ Nahano adetaga kwokuno: «E bandu beꞌYerusaleemu, muyimuke, gira mubakubule. Ngamùshoboleesa, mube nga muhiiti amahembe geꞌbyuma neꞌbinogosho byoꞌmulinga. Kwokwo, yibyo binyamahanga mugabitema-tema bitolo-bitolo. Noꞌbugale bwabo, munayiji bundangira nie Nahano, bwo nie ndwaziri amahanga gooshi.»

Mika 4:13 Referans Kwoze

Danyeri 2:44

«Ku kyanya kya yabo baami, Rurema úli mwiꞌgulu, agayimika ubwami úbutâye minikwe, butanâye haabwe abandi-bandi bandu. Si galya gandi maami gooshi, bugagavungula. Ubwami bwa Rurema naaho, bwo bugayama ho imyaka neꞌmyakuula!

Hisaaya 23:18

Ibindu byabo bitagaki lundwa mu bihinda. Si bigataluulwa mu bandu ba Nahano, gira bikizi baliisa, binakizi bayambika.

Hisaaya 18:7

Ku yikyo kyanya, birya bifigisi byaꞌbandu bigayijaga, binatange ituulo imwa Nahano woꞌbushobozi bwoshi! Yibyo bifigisi, umwego gwabyo gukeruusiri. Naꞌbandu baꞌmahanga gooshi, bayamiri babiyobohiri. Ee! Biryagagi bilangi ngana, binali mu minika abagoma. Ikihugo kyabyo, kiri mu golomba mweꞌnyiiji. Kundu kwokwo, balya bala bagayiji kizi tuula Nahano woꞌbushobozi bwoshi, ku mugazi Sayuni.

1 Bakorindo 16:2

Ku ngiisi ulwiꞌyinga, ngiisi muguma winyu akizi handula ku bindu byo alonga, anabisingule. Kwokwo, mango nayija iyo munda imwinyu, hataki be igoorwa lyoꞌkubikuumania.

Zakariya 6:5

Uyo muganda, ti: «Yago, iri imitima ina. Iri mu ba iyimaaziri imbere lya Nahano woꞌbushobozi bwoshi. Na buno, igweti igagendi kola.»

Zakariya 4:14

Na wa naye, ti: «Yibyo biti bibiri, biyerekiini balya bandu babiri ábatalwirwi mu kushigwa amavuta gira bakizi kolera Nahano waꞌmahanga gooshi.»

Yeremiya 51:33

Nahano woꞌbushobozi bwoshi, Rurema waꞌBahisiraheeri, adetaga kwokuno: «Abababeeri, abagoma bakola mu bahinyata-hinyata, nga kwo bali mu yeluula ingano ku kyanya kyeꞌmimbu. Ee! Ikyanya kyoꞌkuyimbula i Babeeri kikola kigaahika.»

Zaburi 68:29

E Rurema, uyerekane imisi yawe ya kahebuuza, nga kwo wâli kizi gira yaho kare.

Yoshwa 6:19

Si iharija, neꞌnooro, na ngiisi íbikatulwa mu miringa na mu byuma, byohe bikoli talwirwi imwa Nahano, binakwaniini bisingulwe mu kihinda kyage.»

Hisaaya 5:28

Imyambi yabo ishongosiri bweneene, keera banagifwora mu miheto yabo. Ibinogosho byeꞌfwarasi zaabo, biri bikomu nga mabuye. Naꞌmapine gaꞌmagaare gaabo giꞌzibo, gali mu kizi suula umulindi nga munyaga.

Zaburi 72:10

Abaami beꞌTarasisi naꞌba mu tulira, bagakizi múramburira. Abaami beꞌSheeba naꞌbeꞌSeeba, bakizi múleetera amatuulo.

Bukengeeze 33:25

Akizi yama abishirwi naꞌbagoma baage, inyuma lyeꞌnyiivi nzitire neꞌbyuma, kandi iri miringa. Ayame ali neꞌmisi mu burambe bwage.»

Hisaaya 21:10

E Bahisiraheeri, mukahuulwa nga ngano, mwanayeluulwa. Kundu kwokwo, mukiri bandu baani. Kwoku, hali indumwa yo Nahano woꞌbushobozi bwoshi andumiri. Ee! Ali Rurema waꞌBahisiraheeri.

Yeremiya 51:20

Nahano adetaga kwokuno: «E Bababeeri, muli nyundo yani, yo ndi mu koleesa mu kulwa. Ngweti ngamùkoleesa, gira nvungule ibinyamahanga, halinde na njereeze kiri naꞌmaami gaabo.

Hosheya 10:11

«Mwe beene Hifurahimu muli nga nyana íkomiiri ukukizi fina ingano, iri inashambaalira umukolwa gwayo gwoꞌkugihungumula. Halikago buno, kundu muhiiti igosi írinonosiri, ngola ngalishwekera mweꞌngata yeꞌmbahwa. Kwokwo, mwe naꞌBayuda, kiri naꞌbandi beene Yakobo, mugakizi yitubanula mu kuhinga indalo, kwiꞌdaho íyumagusiri.

Habakuki 3:12

Wâli kizi lenga-lenga mu kihugo, iri unakoli rakiiri. Wanaminika igindi milala yoshi hiꞌgulu lyoꞌbute.

Zaburi 24:1

Izaburi ya Dahudi. Ikihugo, na byoshi íbikiri mwo, biri bya Nahano. Amahanga gali geꞌmwage, kuguma na booshi ábagatuuziri mwo.

Mika 5:7

Yabo Bahisiraheeri ábasigiiri, bagayiji gingikwa mu mahanga. Bagagingikwa nga ndare mu nyamiishwa za mu lubako, na nga mwana weꞌndare úwayilala mu kiso kyeꞌbibuzi. Iyo ndare, iri mu yami bisimbira kwo, inakizi bijanganula-janganula, ndaanaye úwangabifuusa.

Zakariya 12:3

Ku yulwo lusiku, ngaagira akaaya keꞌYerusaleemu, gube mukungubwe muzito bweneene. Neꞌkyanya abandu ba yago mahanga bagaagira mbu bagutelule, bagayami guyikomeeresa kwo.

Zakariya 12:6

«Ku yikyo kyanya, ngaaba nga nayasa yabo batwali baꞌBayuda, babe nga kivumbo mu lubako, kandi iri nga ngoke nvunde mu biiro byeꞌngano. Kwokwo, kundu abandu bagaaba babazungulusiri, haliko, bagayami basivya, fye! Si abatuulaga beꞌYerusaleemu boohe, bagagenderera ukutuula mu kati koꞌbutoge.»