Mika 4:11 - Kifuliiru

¹¹ Si buno, ibinyamahanga bingi bigweti bigayiji mùteera. Bagweti bagaadeta kwokuno: «E balya, tugendi shereeza akaaya keꞌYerusaleemu. Neꞌkyanya tugaaba keera twakasindaga, tugakizi kaloleera, iri tunashambaala.»

Mika 4:11 Referans Kwoze

Hobadiya 1:12

E maashi Bahedoomu! Ikyanya mukabona kwo beene winyu bahanyagala, si mutâli kwaniini ukubahonyoleza! Kundu kwokwo, ikyanya bakashereezibwa, mwanashambaala ngana-ngana! Neꞌkyanya bâli gweti bagalibuzibwa, mukabashekeereza.

Mika 7:10

Yago gooshi, abagoma baani bagagabona, banateerwe neꞌshoni. Si bo bâli kizi deta, mbu: «Rurema Nahamwinyu, alyagagi hayi?» Kundu bakadeta kwokwo, ngaki bona ngiisi kwo bagaagwa. Banakizi libatwa-libatwa, nga bidaka bya mu njira.

Yeremiya 52:4

kyanatuma uyo mwami agayijira akaaya keꞌYerusaleemu mu siku ikumi zoꞌmwezi gwiꞌkumi, ali naꞌbasirikaani baage booshi. Anashumbika imbere lyaꞌkaaya, anakazinga. Ku yikyo kyanya, Zedekiya âli koli hisiizi imyaka mwenda atwaziri.

Zaburi 129:5

Ngiisi ábashombiragi akaaya keꞌSayuni, bagalulirwe inyuma, banahahazibwe.

Hisaaya 10:7

Yabo Bahasuriya, kiziga batayiji kwo nie gweti ngabakoleesa! Si inzaliro zaabo, ziri kundi-kundi! Boohe, baloziizi naaho kwo bagendi shereezania lwoshi, halinde bagwanwe keera baminika abandu mu mahanga mingi-mingi.

Hisaaya 17:12

Yuvwagwi! Nayuvwa umulundumo gweꞌbinyamahanga bingi! Bagweti bagalunduma nga nyaaja, ku kyanya iri mu ba neꞌmidunda mikayu.

Hisaaya 29:7

Yibyo binyamahanga, ikyanya bigayiji teera i Yerusaleemu, booshi bagayami zimiira ngana, nga birooto. Mu kulooza ukuteera i Yerusaleemu, bagaaba bagisokaniini. Kundu kwokwo, bagazimiira ngana ngaꞌmabone ga mu bushigi.

Hezekyeri 26:3

«Ku yukwo, nie Rurema Nahamwinyu nadetaga kwokuno: E bandu beꞌTiiro! Buno, ngola mugoma winyu! Ngalungika ibinyamahanga bingi, biyiji mùyubukira, nga midunda mu nyaaja.

Zaburi 83:5

Balya bagoma bali mu naaka mbu: «E balya, muyije, tuzimiize abandu baage, halinde iziina lyaꞌBahisiraheeri, litaki shubi detwa.»

Hezekyeri 38:17

«Nie Rurema Nahamwinyu nadetaga kwokuno: Nâli mali gwanwa nadeta hiꞌgulu lyawe yaho kare, ikyanya nꞌgadeta ku njira yaꞌbakozi baani abaleevi, kwo ikyanya íkyâye yije, ngalungika abandu boꞌkuyiji teera Abahisiraheeri.

Zakariya 12:3

Ku yulwo lusiku, ngaagira akaaya keꞌYerusaleemu, gube mukungubwe muzito bweneene. Neꞌkyanya abandu ba yago mahanga bagaagira mbu bagutelule, bagayami guyikomeeresa kwo.