Mika 2:7 - Kifuliiru

⁷ E beene Yakobo! Ka mukwaniini ukukizi deta kwokwo? Ikyanya mukoli gweti mugaagira ibitalaalwe, ka Nahano angaki mùyigenderera? Nanga, maashi! Haliko, iri mwangakizi gira íbitungiini, lyoki amagambo gaani gangamùholeeza.

Mika 2:7 Referans Kwoze

Zaburi 84:11

Iri nangahisa ulusiku luguma naaho ndi mu nyumba yawe, luhimiri isiku kihumbi zo nangamaziri ndi handi-handi. Nanganasiima ukukizi langa imiryango yeꞌnyumba ya Rurema wani, ho nangatuula mu nyumba za banangora-mabi.

Yeremiya 15:16

Ikyanya ukambwira amagambo, nanagayuvwiriza bwija. Na buno, gakiri mu njambaaza. E maashi, Nahano Rurema woꞌbushobozi bwoshi! Si ndi mu buuzibwa kwiꞌziina lyawe.

Zaburi 15:2

Uyo mundu akwiriiri akizi gira íbikwaniini, buzira kuhuba, anakizi deta ukuli ku mutima gwage gwoshi.

Zakariya 4:6

Haaho, ulya muganda anambwira: «Nahano agweti agabwira Zurubaberi kwokuno: Ukuhasha kwawe, kutagaaba ku misi yawe, kandi iri ku bushobozi bwawe. Si ugaahasha naaho ku butabaazi bwoꞌMutima gwani.

Hosheya 14:9

«E beene Hifurahimu maashi! Mutwikire lwoshi ku migisi. Ikyanya mugweti mugandabaaza, si nie mu mùshuvya, na ndi mu kizi mùkuya-kuya. Ngamùbeera nga kimbehwa kyeꞌkiti íkiyamiri neꞌbihunda. Neꞌbitumbwe biinyu byoshi, mugakizi bilongera imwani.»

Hisaaya 50:2

Ikyanya nꞌgayija, si ndaaye mundu ye nꞌgagwana! Ikyanya nꞌgayiguza, ndaaye úkayitaba. Aaho! Ka mutoniragi kwo ndashobwiri ukumùkiza? Si ndi mu yami kamya inyaaja mu kudeta naaho! Neꞌnyiiji kwakundi, ndi mu zikamya, libe ishamba, halinde ifwi zooshi zinayami fwa, zinabole.

Migani 28:18

Umundu muzira mahube agakizi langwa bwija. Si ngiisi úli mu kizi shobania ukuli, agayami yideedeka haashi.

Migani 10:29

Ngiisi ábakwaniini, bali mu kulikira Nahano, anakizi balanga. Si banangora-mabi boohe, ali mu bashereeza.

Migani 10:9

Ngiisi útuuziri mu kuli, ali mu genda mu kati koꞌmutuula. Si ngiisi úli mu nyooka-nyooka, yehe agaki bishuulwa.

2 Timoteyo 3:5

Kundu bagaboneka nga bandu ba Rurema, haliko bagakizi lahira ubushobozi bwage. Abandu mwene yabo, hatagirage ye mugakomeeranwa.

2 Bakorindo 6:12

Twehe, ukumùkunda, tumùkuuziri. Aaho! Kutagi mwehe, mwe mulahiiri ukutukunda!

Barumi 7:13

Aaho! Yibyo íbiri biija, ka byo bikayiji ndeetera ulufu? Nanga! Si íbikandeetera ulufu, biri byaha. Yibyo byaha biri mu koleesa ibiija, halinde lyeꞌbyaha biyerekanwe ku bweranyange ngiisi kwo biri bibi bweneene.

Yohana 8:39

Yabo Bayahudi, ti: «Si Daata, ye Hiburahimu!» Yesu anabashuvya, ti: «Múkibe muli baana ba Hiburahimu, mwangagiziri nga ngiisi kwo naye âli kizi gira.

Mataayo 3:8

Mukizi tuula ku njira íyerekiini kwo keera mwatwikira ku byaha biinyu.

Mika 3:9

Mwe Bahisiraheeri, munyuvwagwe! Muyamiri mushombiri íbikwaniini, iri munashobania ukuli.

Yeremiya 2:4

Mwe milala yoshi yaꞌBahisiraheeri! Mwe beene Yakobo! Muyuvwe igambo lya Nahano.

Hisaaya 58:1

Nahano adetaga kwokuno: «Ukizi banda akashiba! Utanayihangirire! Uyiberekaanie bukayu, kwiꞌzu nga lyeꞌkibuga! Umenyeese abandu baani ngiisi kwo keera bahubira Rurema, mu kukizi yifunda mu byaha.

Migani 14:2

Ngiisi ábali neꞌmikolezi miija, bali mu simbaha Nahano. Si banangora-mabi boohe, bali mu múgayiriza.

Migani 2:7

Iri abandu bangakulikira ibyoꞌkuli, lyo bagaaba bali noꞌbwitegeereze. Mukuba, ngiisi ábatali naꞌmahube, ali mu bashuutira.

Zaburi 119:65

E Nahano, si nie mukozi wawe. Aahago! Ungirire amiija, nga kwo ukandagaania.

Muharuuro 11:23

Nahano, ti: «E Musa, koꞌbushobozi bwani keera bukaniiha kwo? Buno ukola ugaabona iri igambo lyani liri lyoꞌkuli, kandi iri nanga.»

Zaburi 119:68

Uyamiri uli mwija, unali mu gira amiija naaho. Aaho! Unyigirize ngiisi kwo uloziizi.

Zaburi 18:26

E Nahano, mu bemeera, uli mu yerekana kwo uli mwemeera. Neꞌmwa ábakwaniini, uli mu yerekana íbikwaniini.