Mika 2:6 - Kifuliiru

⁶ Abandi baleevi, badesiri ti: «Aahabi! Buno buleevi bwawe, ubutwikirage kwo! Mutakizi lomboojera hiꞌgulu lyabwo! Ibala mwene yiryo, bitaziziri kwo lyangatugwata!»

Mika 2:6 Referans Kwoze

Hamoosi 2:12

Kundu kwokwo, yabo Bataluule, mukabahubiisa mu kubanywesa idivaayi. Ha nyuma, ikyanya abaleevi bakayija mbu bamùkanukire, mwanakizi banaakira kwo bazibe utunwa!

Hisaaya 30:10

Kundu bali mu kizi yerekwa amabone, si bayamiri bali mu longooza beene go, ti: “Nanga! Galya mabone giinyu, mugatwikire kwo.” Banakizi naakira naꞌbaleevi kwokuno: “Mulekage ukukizi tumenyeesa íbiri ukuli. Si mukizi tubwira naaho amagambo ágatusimisiizi. Mukizi tubwira ibinyoma.

Mikolezi 5:40

Yiryo ihano lya Gamalyeri, abaabo banaliyemeera. Kwokwo, banashubi tumira yizo ndumwa. Neꞌri zikahikaga, banadeta kwo zihimbulwe. Ha nyuma, banazikaanya kwo zitashubi ki deta hiꞌgulu liꞌziina lya Yesu. Babuli zihanguula kwo zitaahe.

Mikolezi 7:51

Setefaano anagenderera noꞌkudeta: «Si muli mindagabika! Imitima yinyu, kiri naꞌmatwiri giinyu, biri nga bya kipagaani. Muyamiri muli mu gahaasa-haasa ku byoꞌMutima Mweru, nga kwo bashokuluza biinyu nabo bâli kizi gira!

Mikolezi 5:28

«Si keera tukamùkaanya kwo mutakizi ki yigiriza abandu hiꞌgulu liꞌziina lyoꞌlya mundu! Kundu kwokwo, mukiri mu genda mu kano kaaya kooshi keꞌYerusaleemu, mugweti mugakwiza amigirizo giinyu. Keera mwanahiga kwo mutubetuze umuko gwage!»

Mikolezi 4:17

Ku yukwo, tubabiike kweꞌkikando, kwo batwikirage ukukizi deta lirya iziina lya Yesu mu bandu. Yiki kitangaaza kyo bagira, kitagenderere noꞌkukizi balumbuuka mwo.»

Mika 6:16

Na íbitumiri bigaaba kwokwo, bwo mukoli gweti mugakizi yifunda mu byaha bya mwami Homuri, na mwami Ahabu. Ngiisi byo bagweti bagamùhanuula, byo mugweti mugayami yifunda mwo. Ku yukwo, ngamùleka musherezibwe. E ma! Kundu abandu baki tuuziri mu kaaya kiinyu, halikago, abagoma bagakizi mùshekeereza. Ibinyamahanga bigakizi mùhonyoleza.»

Hamoosi 7:13

Si hano i Beteeri, hali handu heꞌbwami. Hanali haꞌbandu bali mu yikumbira. Aahago! Yubwo buleevi bwawe, ugendi butangira handi-handi.»

Hezekyeri 21:2

«E mwana woꞌmundu, ulangiize uluhande lweꞌkisaka, unatange ubuleevi hiꞌgulu lyaꞌbatuulaga ba mu mbako zeꞌNegebu.

Hezekyeri 3:26

Kiri noꞌlulimi lwawe, ngalugoba, halinde utalonge ubulyo bwoꞌkubakanukira, mbu bwo bakola bahuni.

Zaburi 74:9

Tutaki bwini ibyereso, kwo Rurema agaki tukiza, ndanakiye muleevi úkiri ho. Yubwo buhanya, ndaaye úyiji ngiisi kwo bugaaheka.

Hisaaya 29:10

Aahago! Nahano ye tumiri mukubisirwi. Kiri naꞌbaleevi biinyu, keera akabahumaaza amasu. Naꞌbanamabone kwakundi, keera abakubika.

Hamoosi 7:16

Aahago! Ino ndumwa, ilyosiri imwa Nahano. Ugiyuvwirize bwija! Ugweti ugaadeta, ti: “Yubwo buleevi, utashubi butanga mu Bahisiraheeri. Hatanagirage igambo lyo ugakanukira mwaꞌbandu baani.”

Mika 3:6

Ku yukwo, mukolaga mugayirirwa, ndaakigo mabone mugalonga. Ikyanya ikihulu kigamùzinga, mutagaki longa ukulagula ku bigaaba. Mwe baleevi, izuuba ligamùsookeraga, halinde munabaagage mukola mu mamaata mu kihulu.