Mika 2:1 - Kifuliiru

¹ Yayewe imwinyu, mwe mugwejiiri ku ngingo, iri munashungika kwo mugaakola ibitalaalwe. Yibyo bitalaalwe, bwo muhiitagi ubulyo bwoꞌkubigira, muli mu zinduka ku mutwezi, gira mugendi bikoleesa.

Mika 2:1 Referans Kwoze

Zaburi 36:4

Byo bali mu deta, gali mabi naaho, gira bakizi henderezania. Keera bakajandirira ubwitegeereze, batanali mu gira amiija.

Hisaaya 32:7

Balya banangora-mabi bagweti bagateberezania. Kundu abakeni bangaba bo bakwiriiri ukulonga ukuli kwabo, yabo babi boohe, bali mu babangaaniza, lyo babanyage ibindu byabo.

Nahumu 1:11

E Ninaawi! Si mwami winyu agweti agayiji gira igambi libi hiꞌgulu lya Nahano! Ikyanya agweti agahanuulana, ali mu ba ashungisiri amabi naaho.

Barumi 1:30

noꞌkukizi yunulana. Banashombiri Rurema. Banakoli ba mbara, iri banayidundulika noꞌkuyihaya. Bagweti bagakizi yiga izindi-zindi njira zo bangakizi kola mwaꞌmabi. Batagweti bagasimbaha ababusi baabo.

Yeremiya 18:18

Iri hakatama, abandu baguma banahanuusania, ti: «Tugirage igambi libi hiꞌgulu lya Yeremiya. Si tuhiiti abagingi, kiri naꞌbitegeereza boꞌkukizi tuhanuula, naꞌbaleevi boꞌkutumenyeesa ngiisi byo Rurema adesiri! Aahago! Galya magambo gaage, tutagatwaziizi. Muyije, tugendi múbangira ibinyoma.»

Hisaaya 59:3

Amaboko giinyu, si keera gakayitana, ganakoli yulubiiri mu bindi íbitali nga byo! Utunwa twinyu tuyamiri tuli mu deta ibinyoma, tunali mu kizi ravwanga.

Migani 4:16

Yabo banangora-mabi, si batangagwejera, bátazi gira amabi! Batanali mu hunira, bátazi gwisania.

Migani 3:27

Iri umundu angayiji kubwira kwo umútabaale, unabe uli noꞌbulyo, utamúyime!

Ndondeko 31:29

«Mbiitagi ubushobozi bwoꞌkukugira buligo. Haliko, mu bushigi bwa bigingo, Rurema wa yisho Hisake ambwira: “Uloleekeze bwija, utakolwe kwo wabwira Yakobo igambo kiri neꞌliguma, liba libi, kandi iri liija.”

Mikolezi 23:12

Iri bukakya shesheezi, Abayahudi banagira igambi libi hiꞌgulu lya Pahulu. Banabiikaga indahiro kwo batagaalya, batagananywa, bátazi múyita.

Yohana 19:11

Yesu anamúshuvya: «Utangaba noꞌbushobozi hiꞌgulu lyani, útakibe wabuhaabwa na Rurema. Ku yukwo, ulya úkandanga imwawe, ye hiiti ikyaha ukukuhima.»

Bukengeeze 28:32

«Bagala biinyu, kiri na banyere biinyu, bagatwalwa mu buja i mahanga. Na kundu mugalindirira umulege-rege gwoshi, ti: “Ngeeka bagaki galuka”, shoobe! Mutagaahasha ukubagalula.

Mikolezi 23:15

Ku yukwo buno, mwe naꞌbiinyu bakulu, mugendi huuna umukulu waꞌbasirikaani amùleetere Pahulu. Munayigire nga muloziizi ukusisa bwija amagambo go alegwa kwo. Na nyiitu, tugagwanwa tumúyitegiiri mu njira, gira ikyanya agalenga mwo, tukayami múyita, átazi hika hano.»

Migani 12:2

Umundu mwija ali mu simiisa Nahano. Si ngiisi úshungisiri amabi, Nahano ali mu múhana.

Luka 20:19

Yugwo mugani, ikyanya Yesu akagutwa, abigiriza beꞌmaaja, naꞌbakulu baꞌbagingi, banayami menya kwo bo bagutwibwa. Kyanatuma bagalooza ubulyo bwoꞌkuyami múgwata. Haliko, bâli yobohiri, bwo yabo bandu bâli bingi.

Mariko 15:1

Iri hakaba shesheezi kare-kare, yabo bakulu baꞌbagingi banagira inaama, bali kuguma naꞌbigiriza beꞌmaaja, naꞌbashaaja booshi baꞌBayahudi. Neꞌri bakaba keera bafundika igambo, banashweka Yesu, banamútwala imunda Pilaato, banamúsikiiriza ye.

Hezekyeri 11:2

Nahano anambwira: «E mwana woꞌmundu, yabo bombi, bakoli shungisiri amabi, banali mu kizi hanuulana mu kano kaaya ku njira ítali nga yo.

Hesiteeri 9:25

Haliko, yiryo igambi libi, lyanamenyeekana mu bambali ba mwami. Mwami, anakuumania abandisi baage booshi, anakyula kwo lirya igambi libi lyo Hamaani atágiriiri Abayahudi, limúgwe kwo yenyene. Kiri naꞌbaana baage, bamanikwe.

Hesiteeri 5:14

Uyo mukaage Zereeshi, kuguma na yabo biira baage booshi, banamúbwira: «Aaho! Uyubakiise ikimaniko kila, íkihiiti ikimango kyeꞌmeetere makumi gabiri na zibiri. Kusheezi, wangazinduka imwa mwami, unahuune mwami kwo Moredekaayi akimanikwe kwo, ubuli genda na mwami ku lusiku lukulu, ukoli shambiiri.» Yizo shungi, zanashambaaza Hamaani, anagiriisa ikimaniko.

Hesiteeri 3:8

Kyanatuma Hamaani agayiji bwira mwami Serikisi kwokuno: «Hali abandu boꞌmulala mulebe, ábashabukiiri mu poroveesi zaawe zooshi. Yabo bandu, ingesho zaabo zitashushiini neꞌzaꞌbandi. Bitanali byebyo naaho. Kiri neꞌmaaja zaawe, batali mu zisimbaha. Aaho! Ndabwini íbitumiri tugabayigenderera.

Hayubu 24:14

Umwitani ali mu vyuka shesheezi kare-kare, gira agendi yita abakeni, na banakahuku. Na bushigi, ali mu genda luto-luto nga muzimba.

Migani 14:22

Ngiisi úli mu shungika amabi, ali mu habuka. Si ábali mu shungika ukugira amiija boohe, bali mu kundwa, banali mu yemeerwa.

Hisaaya 29:20

Si banangora-mabi boohe, bagaahera ngana. Na ábali mu honyolezania, bagaamala. Bwo bakuuziri ukugira amabi, bagaminikwa duba.

Hezekyeri 33:26

Si mulyagagi biitani, munali mu yagazania, munali mu gendi gwejera bamuka abatuulani biinyu! Yikyo kihugo, ka muki kwaniini ukukihaabwa, kibe kyeꞌmwinyu? Aahabi!”

Hezekyeri 38:10

«Nie Rurema Nahamwinyu nadetaga kwokuno: Ku yikyo kyanya, mugakizi yitoneesa buligo, iri munashungika ishungi mbi.

Hezekyeri 46:18

Mwami atahangwirwi ukukizi nyaga amatongo gaꞌbandu. Haliko, ngiisi kimaanye kyeꞌkihugo íkimúyegukiiri, kyangagabira bagala baage. Kwokwo, umundu atangagaazibwa ubuhyane bwage.»

Mika 6:12

Abagale ba mu kaaya kiinyu, bagweti bagayitana. Abandu biinyu bakoli komiiri ukukizi beesha, batanganaki hasha ukudeta íbiri ukuli.

Zakariya 7:10

Mutakizi libuza banamufwiri, kandi iri fuuvi, kandi iri binyamahanga, kandi iri abakeni. Mutanakizi shungika ukugirirana buligo.»

1 Baami 21:7

Uyo Yezebeeri, ti: «Ka keera wayibagira kwo we twaziri Abahisiraheeri? Vyuka, ulye, unashagaluke. Iyo ndalo ya Nabooti, nienyene ngakuheereza yo.»

Hayubu 15:35

Bagweti bagashungika amakuba naaho, naꞌmabi. Bali mu yitoneesa naaho, ngiisi kwo bagalyalyania abaabo.»

Zaburi 36:5

Ikyanya bali mu ba bagwejiiri, ishungi zaabo ziri mu lola naaho ku mabi. Bakoli higiiri kwo bagakizi gira ubuligo, batanali mu twikira ku mabi gaabo.

Zaburi 58:3

Mu mitima yinyu, mushungisiri íbitali nga byo. Munagweti mugakizi shereeza hooshi mu kihugo.

Hisaaya 3:14

Agweti agalega abashaaja, kuguma naꞌbandi bimangizi baꞌbandu baage kwokuno: «Si mwe mukashereeza Abahisiraheeri, banali nga ndalo yani yeꞌmizabibu. Mu nyumba ziinyu, muyijwiri ibindu byo mukanyaga abakeni.

Hisaaya 5:8

Yayewe imwinyu, mwe mugweti mugagaaza inyumba ku zaabo, munali mu kizi gaaza indalo ku zaabo. Si abiinyu booshi, keera mukabahavya mu kihugo, munakoli kisigiiri mwo mwenyene!