Migani 3:21 - Kifuliiru

²¹ E mugala wani, ukizi langa ubwitegeereze, kiri noꞌbwitonde. Utayemeere kwo bikushaagage mu masu.

Migani 3:21 Referans Kwoze

Yoshwa 1:8

«Yikyo kitaabo kyeꞌmaaja, ngiisi íbiri biyandike mwo, ukizi bikengeera, unakizi biyitoneesa kwo, ubwakya-ubwayira. Unakizi bikulikiriza byoshi-byoshi, halinde lyo ukizi yunguka, unakizi genduukirwa.

Migani 4:21

Gatashaage mu masu gaawe! Si ukizi galanga bwija mu mutima gwawe.

Bukengeeze 4:9

«Aahago! Muloleekeze bwija. Galya magambo go mukayibonera, mutakolwe kwo mwagayibagira. Ikyanya mugaaba mukiri ho, hatagire ulusiku gagalyoka mu mitono yinyu. Si mukizi gaganuulira abaana biinyu, kiri na bijukulu biinyu.

1 Yohana 2:27

Haliko mwehe, mukoli haabirwi ibyoꞌMutima Mweru. Binakoli mùyamiri mwo. Kwokwo, mutakiri niꞌgoorwa lyoꞌkuyigirizibwa na mundu yeshi. Mukuba, ibyoꞌMutima Mweru, byo bikola mu mùyigiriza. Na ngiisi byo gugweti gugamùyigiriza, biri byoꞌkuli, bitanali bya bibeesha. Ku yukwo, mukizi gira nga ngiisi kwo keera gukamùyigiriza, munabe muyamiri mu kati ka Kirisito.

Yohana 8:31

Balya Bayahudi ábâli koli yemiiri Yesu, anababwira: «Iri mwangakizi simbaha amigirizo gaani, lyo mugaaba bigirizibwa baani nirizina.

Migani 2:7

Iri abandu bangakulikira ibyoꞌkuli, lyo bagaaba bali noꞌbwitegeereze. Mukuba, ngiisi ábatali naꞌmahube, ali mu bashuutira.

1 Yohana 2:24

Kwokwo, galya magambo go mukayuvwa ukulyokera ku ndondeko, muyamage mugakaniziizi mu mitima yinyu. Iri gangamùyama mwo, iri na niinyu mugaaba muyamiri mu kati koꞌyo Mwana, na mu kati ka Yishe.

Migani 1:4

Iyi migani igakizi tabaala ibizeeze, bakizi ba noꞌbwitegeereze. Kiri neꞌmisore bagaaba noꞌbumenyi, halinde banasobanukirwe.

Migani 5:2

Kwokwo, lyo ugaaba mwitegeereza, halinde unakizi langa akanwa kaawe, kadete bwija.

Migani 8:14

Nie nzobanukiirwi, na ndi mu hanuulana, ndi noꞌbwitegeereze, kiri noꞌbushobozi.

Migani 18:1

Umundu úli mu yihandula ku baabo, ali mu yikundirira yenyene. Ikyanya ali mu hanuulwa, ali mu yami yagalwa naaho!

Migani 4:6

Utakizi janda ubwitegeereze, si ukizi bukunda. Mukuba, bwo bugakizi kulanga, bunakizi kulaliira.

Migani 19:8

Ngiisi úli mu longa ubwitegeereze, ayikuuziri yenyene. Ngiisi úkuuziri ukukizi yiga, agakizi genduukirwa.