Migani 10:1 - Kifuliiru

¹ Iyi migani iri yeꞌmwa Sulumaani. Umwana mwitegeereza ali mu shambaaza yishe. Si umuhwija yehe, ali mu jengeeza nyina.

Migani 10:1 Referans Kwoze

Migani 1:1

Iyi migani, iri yeꞌmwa Sulumaani mugala Dahudi, mwami waꞌBahisiraheeri.

Migani 29:3

Ngiisi úkuuziri ubwitegeereze, ali mu shambaaza yishe. Si ngiisi úli mu yifunda mu bushule, yehe ali mu shahuliisa ibindu byage.

Migani 17:25

Umwana muhwija ali mu jengeeza yishe. Kiri na nyina, ali mu longa ubululu.

Migani 29:15

Ikyanya umwana alonga ikihano, iri ali mu longa ubwitegeereze. Si umwana ye bali muleka kiteera, yehe ali mu bonia nyina ishoni.

Migani 15:20

Umusore mwitegeereza guli mu shambaaza yishe. Si muhwija yehe, ali mu gayiriza nyina.

Migani 17:21

Ngiisi úli mu buta umwana muhwija, ali mu kizi jengeerwa. Yishe woꞌyo mwana atali mu shambaala.

Migani 19:13

Umwana muhwija ali mu hombeesa yishe. Noꞌmukazi úli mu longoozania, ali nga nvula yoꞌmunjogi-njogi.

Mwigiriza 12:9

Mwigiriza âli riiri mwitegeereza bweneene. Na byoshi byo âli yiji, anakizi biyigirizania. Âli kizi yitegeereza imigani, anagitengeke.

Mwigiriza 2:19

Noꞌyo mundu, nyandi úyiji, iri angaba ali mwitegeereza, kandi iri muhwija? Kundu kwokwo, ye gabikoleesa byoshi. Yoyo ye gahyana ngiisi byo nꞌgashahira kweꞌkyuya mu kihugo, mu kukoleesa ubwenge bwani. Aahago! Yibyo nabyo, si biryagagi bya busha-busha!

Migani 25:1

Iyi gindi migani, iri yeꞌmwa mwami Sulumaani. Ikayandikwa naꞌbandu ba Hezekiya, mwami weꞌBuyuda.

Migani 13:1

Umwana mwitegeereza, ngiisi byo yishe ali mu múyigiriza, ali mu bisimbaha. Si umwana woꞌkuhonyolezania yehe, atali mu twaza amahano.

Migani 27:11

E mugala wani, ukizi ba mwitegeereza, lyoꞌnjambaaza mu mutima gwani. Kwokwo, kundu umundu anganjumuza, ndangaabula igambo lyoꞌkumúshuvya.

Migani 29:17

Umwana wawe, ukizi múhana, halinde lyo ulonga ukuyiyuvwa hiꞌgulu lyage. Ee! Agakizi kushambaaza mu mutima gwawe.