Mataayo 7:23 - Kifuliiru

²³ Kundu bagaadeta kwokwo, haliko ngabayagagaza kwokuno: “Mwehe, ndazindi mùmenya! Njagiragi yaha, mwe banakuhambwa!”

Mataayo 7:23 Referans Kwoze

Mataayo 25:41

«Haliko, ngiisi ábagaaba bali uluhande lweꞌlumosho, boohe, agababwira kwokuno: “Munjaagirage hano! Mukuba mukoli daasirwi! Mugende mu muliro gweꞌmyaka neꞌmyakuula, gulya úgukabiikirwa Shetaani naꞌbaganda baage.

Zaburi 6:8

Na íbitumiri ndi mu lira kwoku, bwaꞌbagoma baani bakola katundu. Guno mwizingeerwe, gugweti gugafwifwitiza amasu gaani, gatanakiri mu bona bwija.

Luka 13:27

Haliko, agamùbwira: “Nanga! Si keera namùbwira kwo ndamùyiji! Ndayiji na ho mukalyoka! Njagiragi yaha, mwe banakuhambwa!”

Luka 13:25

«Ikyanya mwene inyumba agaaba keera ayimuka, anahamike ulwivi, lyo mugaaba mukoli yimaaziri ha kisimba-lyango, munatondeere ukuyiguza. Mugamúyigonga, ti: “E Nahano, utuyigulire.” Haliko, agamùshuvya: “Ndamùyiji! Kiri na ho mulyosiri, ndahayiji!”

Mataayo 25:12

Haliko, anabashuvya: “Namùbwira ukuli, ndamùyiji!”»

Yohana 10:14

«Niehe, nie mungere mwija. Ibibuzi byani, mbiyiji. Nabyo binyiji.

Bwigule 22:15

Haliko, utubwa tugasigala imbuga lyako, kuguma naꞌbalozi, naꞌbashule, naꞌbiitani, na ábali mu yikumba imigisi, na ngiisi ábakuuziri ibibeesha, noꞌkukizi bideta-deta.

2 Timoteyo 2:19

Kundu kwokwo, ibya Rurema biyamiri bisikamiri. Biryagagi nga lutaliro lukomu úluyimangisirwi kwo yaga magambo: «Nahano ayijagi ábali beꞌmwage.» Lunali luyandike na kwokuno: «Umundu, iri angayideta kwo ali mundu wa Nahano, akwiriiri atwikire ku mabi gaage.»

Zaburi 5:5

E Rurema, ikyanya banangora-mabi bali mu yifunda mu mabi gaabo, utali mu siima. Yabo booshi, ubashombiri ngana, kinatume batâye fine imwawe.

Zaburi 119:115

E banangora-mabi, mundyokage ha butambi, gira ndonge ukukizi simbaha imaaja za Rurema wani.