Mataayo 5:6 - Kifuliiru

⁶ Bahiriirwi, ábali noꞌmwena neꞌnyoota ku bikwaniini imbere lya Rurema! Boohe, Rurema agaki bayigusa.

Mataayo 5:6 Referans Kwoze

Yohana 4:14

Halikago, iri angakizi nywa ku magoloovi go ndi mu haana, yehe atâye kinyooterwe! Galya magoloovi, igaaba ishyoko mu kati kaage, ganamúleetere ubulamu bweꞌmyaka neꞌmyakuula.»

Zaburi 107:9

Ngiisi ábanyotiirwi, agweti agabaheereza ikinywebwa. Na ábashalisiri, ali mu bayigusa neꞌbyokulya biija.

Yohana 6:27

«Mutakizi ki kola hiꞌgulu lyeꞌbyokulya íbiri mu gaga! Haliko, mukizi kola hiꞌgulu lyeꞌbyokulya íbigayama ho. Byebyo, byo bigamùleetera ubulamu bweꞌmyaka neꞌmyakuula. Binali byokulya byoꞌMwana woꞌMundu agamùheereza. Noꞌyo Mwana woꞌMundu, Rurema Yishe keera akamúbiika kweꞌkyereso, mu kuyerekana kwo amúyemiiri.»

Zaburi 145:19

Ngiisi ábali mu ba basimbahiri Nahano, ali mu bashuvya ku magoorwa gaabo. Neꞌkyanya bali mu mútabaaza mu kati kaꞌmalira, ali mu bayuvwa, anabakize.

Yohana 7:37

Ulusiku lwoꞌkuheza yizo siku ngulu, lwanahikaga. Lunali lwo lusiku lukulu mu zaabo. Kwokwo, Yesu anayimuka, anayiberekaania kwiꞌzu lihamu kwokuno: «Umundu, iri angaba anyotiirwi, ayije imwani, anywe!

Bwigule 7:16

Batâye ki shalike, batanâye ki nyoterwe. Batanâye ki hiire neꞌndugumbo yiꞌzuuba.

Luka 6:21

Muhiriirwi, mwe muli noꞌmwena buno! Mugaki yiguta. Muhiriirwi, mwe mugweti mugaalira buno! Mugaki sheka.

Hisaaya 44:3

E Bahisiraheeri, ikihugo kiinyu, kundu kikoli yumagusiri, haliko, ngakizi kinywisa, na ngishyose mweꞌnyiiji. Abandu beꞌkibusi kyawe, ngabayijuza mwoꞌmutima gwani. Na ngizi bagashaanira, halinde ku bashokuluza baabo.

Luka 1:53

Abanamwena nabo, keera akabayigusa neꞌbiija. Si abagale, boohe, akabayimula maboko mamaata.

Hisaaya 65:13

«Ku yukwo, nie Nahano Rurema, nadetaga kwokuno: Ku kyanya abakozi baani bagalonga ibyokulya neꞌbinywebwa, haliko mwehe kwo muli bandu babi, mugaaba muki shalisiri, iri munanyotiirwi. Abakozi baani bagakizi ba bashambiiri, haliko mwehe, munabe mujojobiiri.

Zaburi 65:4

Ikyanya tukoli zidohiirwi neꞌbyaha biitu, uli mu tukoga byo.

Hisaaya 25:6

Nahano woꞌbushobozi bwoshi agagirira abandu booshi ulusiku lukulu ku mugazi Sayuni. Ee! Agababaagira ibitugwa íbishishiri, binali neꞌnyama zeꞌbinyule, anabazimaane neꞌdivaayi nunu bweneene.

Zaburi 84:2

E Nahano woꞌbushobozi bwoshi, inyumba yawe ibuyahiri bweneene.

Luka 6:25

Yayewe imwinyu, mwe muyigusiri buno! Si mugaki shalika. Yayewe imwinyu, mwe mugweti mugaasheka buno! Si mugaki lira ku kimombo.

Hisaaya 41:17

«Abakeni bali mu looza amagoloovi, banagabule. Yabo bandu banyotiirwi ngana. Neꞌndimi zaabo, keera zayuma. Kwokuno, nie Nahano, nie gabatabaalaga. Bwo ndi Rurema waꞌBahisiraheeri, ndagabajanda.

Zaburi 63:5

Ikyanya ngiri noꞌmuuka, ngakizi kuyivuga, na ngizi golola amaboko hiꞌgulu, mu kuhuuna kwiꞌziina lyawe.

Zaburi 17:15

Bwo ndi mundu woꞌkuli, tugaki bonaana. Ee ma! Ikyanya ngavyuka, na ngubone masu ku gandi, umutima gwani, gugayika mu nda.

Lwimbo Lwija 5:1

«E shasha yani, uli weꞌmwani. Keera nayingira mu ndalo yani. Ngweti ngayimbula imanemane, kuguma noꞌbwasi úbuli mu huumura. Na ngweti ngamiima ibibambala byoꞌbuuki, na nywe idivaayi, kuguma naꞌmata.» «E biira baani, mugire mulye. Ee! Mukizi nywa, halinde mulaluke urukundo.»

Hisaaya 66:11

Mugakizi holeera, munayigute, ngoꞌmwana úgweti úgayonga ibeere. Mugakizi longa akanyabungaka keꞌbindu byayo biija, ubulangashane bwayo bunakizi mùshambaaza.

Migani 10:24

Nangora-mabi, ngiisi byo ali mu yikanga kwo, byo biri mu yiji múgwata. Si umundu úkwaniini yehe, ngiisi byo ali mu yifwija, ali mu bilonga.

Migani 21:21

Ngiisi úloziizi ukugira íbikwaniini, noꞌkukundana, agalonga ubugumaana, noꞌlushaagwa, anakizi genduukirwa.

Yeremiya 31:25

Ngiisi ábakoli luhiri, ngakizi bahembulula. Na ábakoli vunisiri indege, ngashubi basikamya.