Mataayo 27:12 - Kifuliiru

¹² Haaho, balya bakulu baꞌbagingi, naꞌbashaaja baꞌBayahudi, banatondeera ukulegeereza Yesu. Kundu kwokwo, atanabayakula.

Mataayo 27:12 Referans Kwoze

Mataayo 26:63

Haliko, Yesu, atanamúyakula. Ulya mugingi mukulu anashubi múbuuza: «Nakubwira kwiꞌziina lya Rurema úli mugumaana! Utubwire mu kushiikiza, iri wangaba we ulya Masiya, Umwana wa Rurema.»

Hisaaya 53:7

Uyo mukozi akabonerwa, anakizi libuzibwa. Kundu kwokwo, ndaabyo akadeta. Anasholerwa nga kibuzi íkigagendi tongeerwa. Kundu kwokwo, anahulika naaho nga kweꞌkyanabuzi kiri mu hulika, ku kyanya kiri mu kemwa ubwoya. Akanwa kaage kanakizi beera kabumbe.

1 Peturu 2:23

Ikyanya bakamútukiiriza, atanabashuvya ku bitusi byabo. Neꞌkyanya bakamúlibuza, atakabikirana ikikando. Si akayibiika mu maboko ga Rurema, bwo ye mu twa imaaja ku njira íkwaniini.

Mikolezi 8:32

Yago Mandiko Meeru go âli gweti agaasoma, go gaaga: «Akasholerwa nga kibuzi íkigagendi tongeerwa. Kundu kwokwo, anahulika naaho, nga kweꞌkyanabuzi kiri mu hulika ku kyanya kiri mu kemwa ubwoya.

Mataayo 27:14

Haliko Yesu, ndaalyo igambo lyo akamúyakula, kyanatuma guvuruneeri agasoomerwa bweneene!

Mataayo 27:13

Kyanatuma guvuruneeri Pilaato agamúbuuza: «Aaho! Yago gooshi go bagweti bagakulegeereza kwo, ka utagayuvwiti?»

Luka 23:9

Uyo Heroode, anabuliriza Yesu ku magambo mingi-mingi. Haliko, Yesu atanamúyakula.