Mataayo 13:15 - Kifuliiru

¹⁵ Yaba bandu, keera bakayumuusa imitima yabo. Banakoli ba babitwitwi, banakoli ba bandabona. Nga bitangabiiri kwokwo, amasu gaabo gangabwini. Naꞌmatwiri gaabo, gangayuvwiti. Neꞌmitima yabo, yangasobanukiirwi, halinde bangangalukiiri, na mbakize.”

Mataayo 13:15 Referans Kwoze

Hisaaya 6:10

Yaba bandu, ukizi yumuusa imitima yabo! Naꞌmatwiri gaabo, ukizi gaziba. Naꞌmasu gaabo, ukizi gabwikira. Buzira kwokwo, hali ikyanya amasu gaabo gangalonga ukubona. Naꞌmatwiri gaabo ganalonge ukuyuvwa. Naꞌmenge gaabo ganalonge ukusobanukirwa. Kwokwo, lyo bangangalukira, mbu balongage ukukira.»

Mariko 4:12

“Ukulola, bagakizi lola. Haliko, batâye bone! Ukuyuvwa, bagakizi yuvwa. Haliko, batâye sobanukirwe! Nga bitangabiiri kwokwo, bangagalukiiri Rurema, banakogwe!”»

Zakariya 7:11

Bashokuluza biinyu, bâli kizi lahira ukunyuvwa. Bakambeereza ingoto, iri banaziba amatwiri gaabo, gira batayuvwe.

Yeremiya 17:14

E Nahano! Ungizagye, lyo ngira lwoshi-lwoshi. Unanguluule, lyo nguluulwa ngana-ngana. Si wehe, we ngweti ngayivuga!

Baheburaniya 5:11

Mu yaga magambo, hakiri agandi go twangamùbwiziri. Haliko, biryagagi bikayu ukumùsobanulira go, bweꞌmitima yinyu iki kubisirwi.

2 Timoteyo 4:4

Bagalahira ukuyuvwiriza amagambo goꞌkuli, banakizi yidulumbika mu fumo za keera.

Mikolezi 7:57

Lyeryo, yabo bakulu baꞌBayahudi banaziba amatwiri gaabo, iri banayamuluka. Booshi, banayami yadukira ku Setefaano.

Zaburi 119:70

Na kundu imitima yabo ikubisirwi, itanali mweꞌndengeerwa, haliko, niehe ndi mu ba njambaliiri imaaja zaawe naaho.

Bwigule 22:2

Lwanakizi hinga ha kati keꞌnjira ya namuhirye ya mu kaaya. Na ku ngiisi ngombe yalwo, kwâli riiri ikiti kyoꞌbulamu. Birya biti, byâli kizi tongeka ngiisi mwezi, halinde byanakizi hisa ubugira ikumi na kabiri ku mwaka. Neꞌbihunda byabyo, guli muti gwoꞌkukizi kiza abandu beꞌmilala yoshi.

Mikolezi 3:19

«Ku yukwo, mutwikirage ku byaha biinyu! Munahinduke bandu ba Rurema, gira lyeꞌbyaha biinyu bihotolwa.

Hosheya 14:4

Abahasuriya boohe, batashobwiri ukutukiza. Tutanganaki langaalira ifwarasi ziꞌzibo. Kiri neꞌyo migisi yo tukayibaajira twenyene, tutagaki shubi gitabaaza, ti: “We Rurema witu!” Si imwawe naaho, yo munda ifuuvi iri mu bonerwa indengeerwa!»

Yeremiya 33:6

«Kundu kwokwo, kalya kaaya, nâye ki kakize. Abatuulaga baamwo, ngabalunga inguma zaabo. Kwokwo, banashubi genduukirwa, banakizi tuula mu mutuula.

Hisaaya 57:18

Yago mabi go bâli kizi gira, keera nꞌgagabona. Kundu kwokwo, ngabakiza, na ngizi barongoora. Bwo bakola mu lira, ngakizi baholeeza,

Hisaaya 44:20

Aahabi! Inzaliro zaabo, ziryagagi ku munyota-kiiko naaho. Umundu mwene uyo, akoli habusiri, atanganahasha ukuyikiza. Anakoli vujuusiri mu bitali nga byo. Mu kati kaabo, ndaaye úwangatumburukwa, mbu adete: «Yoho wee! Kino nvumbiiti, gulyagagi mugisi kafwa-busha!»

Yeremiya 3:22

Yohoo, e baana bahemu! Mungalukirage ngana, halinde nimùkoge.» Abandu banashuvya, ti: «We Rurema Nahamwitu. Ku yukwo, tukolaga tugakugalukira.

Yeremiya 17:9

«Umutima gwoꞌmundu, guli mu tebana bweneene, ukuhima ibindi byoshi, gutanâye kire. Ndaaye úwangasobanukirwa ngiisi kwo guli.

Luka 19:42

anadeta: «Nga wangamenyiri zeene íbyangakuletiiri umutuula! Haliko buno, amasu gaawe gabibishirwi.

Mikolezi 28:27

Yaba bandu, keera bakayumuusa imitima yabo. Banakoli ba babitwitwi, banakoli ba bandabona. Nga bitangabiiri kwokwo, amasu gaabo gangabwini. Naꞌmatwiri gaabo, gangayuvwiti. Neꞌmitima yabo, yangasobanukiirwi, halinde bangangalukiiri, na mbakize.”»

Migani 16:30

Ngiisi úli mu lolana niꞌsu libi, ali mu ba keera ashungika igambo libi. Ngiisi úli mu kaaja imihondo, naye ali mu ba ashungisiri ukugira amabi.