Mariko 1:10 - Kifuliiru

¹⁰ Ikyanya Yesu akaba akiri mu lyoka mu lwiji, anabona kwiꞌgulu lyayami yanuuka. Umutima Mweru gwanamújookera kwo ngiꞌhumba.

Mariko 1:10 Referans Kwoze

Luka 3:22

Umutima Mweru, gwanamújookera kwo ngiꞌhumba. Mwomwo mwiꞌgulu, mwanalyoka izu, lyanadeta kwokuno: «Wehe, we mwana wani mukundwa! We gweti uganzimiisa!»

Mataayo 3:16

Iri Yesu akabatiizibwa, analyoka mu lwiji. Lyeryo, igulu lyanayami yanuulwa, anabona Umutima gwa Rurema gugweti gugamújookera kwo ngiꞌhumba.

Hisaaya 64:1

Nga wangabiiri nga kulya umuliro guli mu singoola ikishungu-shungu, na nga kwo guli mu duusa amiiji ganashere. Kwokwo, naawe bwangabiiri bwija ushonookage, unayimenyeese mu bagoma baawe. Ibinyamahanga bigakubona, binajugume.

Hisaaya 42:1

Lolagi! Uyu, keera nꞌgamútoola, anali ye mukozi wani. Keera nꞌgamúkania umutima, ananzimisiizi bweneene. Ngamúbiika mwoꞌmutima gwani, gira amenyeese ibinyamahanga ngiisi íbikwaniini imbere lyani.

Hezekyeri 1:1

Mu mwaka gwo nꞌgahisa kweꞌmyaka makumi gashatu mbusirwi, lyo mwami Yoyakini âli mali hisa imyaka itaanu atwazirwi imbohe. Ku yugwo mwaka, mu siku zitaanu zoꞌmwezi gwa kana, nie Hezekyeri mugala woꞌmugingi Buuzi, nâli ku ngombe yoꞌlwiji Kebaari kuguma naꞌBayuda ábakahunga. Haaho, igulu lyanayanuulwa, Rurema ananyereka amabone. Ikyanya Nahano akanyereka igambo lyage, nanayuvwa kwoꞌbushobozi bwage bungola mwo.

Mariko 1:9

Mu yizo siku, Yesu akalyokaga i Nazareeti, mu poroveesi yeꞌGalilaaya, anayijira Yohana ha lwiji Yorodaani. Neꞌri akahika ho, Yohana anamúbatiiza.

Mariko 1:11

Mwomwo mwiꞌgulu, mwanalyoka izu, lyanadeta kwokuno: «Wehe, we Mwana wani mukundwa! We gweti uganzimiisa.»