Malaki 3:15 - Kifuliiru

¹⁵ Ukulyokera buno, tubwinagi kwaꞌbanabwikangaate bo bahiriirwi. Si banangora-mabi, bo bajeberiiri! Ee! Bagweti bagakizi naakira Rurema, kwo abahanage iri angahasha. Kundu kwokwo, ndaabyo ali mu bagirira!”»

Malaki 3:15 Referans Kwoze

Malaki 2:17

Amagambo giinyu mazira kamaro, gagweti gagaluhya Nahano bweneene! Na niinyu, ti: «Kutagi twamúluhya?» Si mugweti mugamúluhya mu kudeta kwokuno: «Umundu, kundu angaba akoli bihuusiri, haliko imwa Nahano, akiri mwija, na Nahano aki múkuuziri.» Munashubi deta na kwokuno: «Ulya Rurema woꞌkuli, alyagagi hayi?»

1 Peturu 5:5

Na niinyu mweꞌmisore, mukizi simbaha abashaaja. Mweshi, mukizi ba batuudu mwenyene kwa mwenyene. Mukuba, «Ikyanya abandu bali mu yiheemya, Rurema ali mu batindimaza. Si abatuudu boohe, ali mu bagashaanira.»

Baheburaniya 3:9

Kundu bashokuluza biinyu bakamala imyaka makumi gana bali mu bona ibitangaaza byo nâli kizi bagirira, haliko bâli kizi ngeza-ngeza naaho, iri banambigiiriza.

Mikolezi 12:21

Banashungika ulusiku lwoꞌkuganuula. Neꞌri lukahikaga, Heroode anayambala imirondo yage yeꞌkyami, anagendi bwatala ku kitumbi kyage. Anatondeera ukudeta imbere lyaꞌbandu.

Mikolezi 5:9

Peturu anamúbwira: «Hafe! Kituma kiki mwalagaana mwe na yibalo kwo mugeze Umutima Mweru gwa Nahano? Lolaga! Ábashubi ziika yibalo, baabo kandi bakola ha mulyango. Na naawe, bakola bagakutwala!»

Danyeri 6:16

Balya balezi, banashubi gendera mwami Dariyo, banamúbwira: «E mwami, ukengeere bwija, kwo mu Bameedi na mu Baperisiya, iri mwami angaba keera abiika ulubaaja, ndaaye úwangaki luhindula!»

Danyeri 4:30

Haaho-haaho, lirya igambo lyanayami kolekaga. Ulya mwami anayimulwa mu bandu, anakizi gendi lya ubwasi nga ngaavu. Amagala gaage ganakizi loba neꞌkimi ukulyoka mwiꞌgulu. Umushaku gwage gwanalaaha nga mashala ga nyunda. Neꞌnyunu zaage zanalaaha, nga za kanyuni.

Yeremiya 7:10

«Ha nyuma, munashubi yija hano mu nyumba yani, munadete imbere lyani, ti: “Tukiri noꞌbutoge!” Haaho-haaho, munashubi gendi gira byebirya bitalaalwe!

Migani 12:12

Banangora-mabi bali mu yifwija íbyanyukulwa. Si abandu biija boohe, bali mu haana ku byo bahiiti.

Zaburi 106:14

Iyo munda mwiꞌshamba, bâli gwasirwi naꞌmifwije mabi, banakizi geza Rurema.

Zaburi 95:9

Kundu bâli kizi bona ibitangaaza byo nâli kizi bagirira, haliko bâli kizi ngeza-ngeza naaho, iri banambigiiriza.

Zaburi 78:56

Kundu Rurema ali hiꞌgulu lya byoshi, halikago banamúgeza. Batakasimbaha imaaja zaage, si bakahuna imbere lyage.

Zaburi 78:41

Kundu ye Mutaluule waꞌBahisiraheeri, banakizi múgeza ngiisi kyanya, halinde anayagalwa.

Zaburi 78:18

Banagira mbu bakizi múgeza, mu kukizi huuna kwo bahaabwe ngiisi byokulya byo bayifwijiri.

Zaburi 73:12

Balya banangora-mabi batali niꞌgoorwa lyoshi-lyoshi. Si ubugale bwabo, buli mu kizi yushuuka ngana.

Zaburi 49:18

Si ikyanya agaafwa, ndaahyo agatwala. Yubwo bugale bwage, atagabugendana.

Zaburi 10:3

Umundu mubi agweti agayifwija amabi gaage, anali mu yihaya hiꞌgulu lyago. Ngahwe! Agweti agahuuza abagugu, iri anadaaka Nahano.

Hayubu 22:23

«Iri wangagalukira Rurema woꞌbushobozi bwoshi, ugashubi gashaanirwa. Ku yukwo, uyeruuse inyumba yawe.

Hayubu 21:30

Ikyanya Rurema ali mu ba akoli rakiiri, anabe aloziizi ukuhana abandu, nangora-mabi ali mu fuushuka.

Hayubu 12:6

Kiri naꞌbanyazi, batuuziri mu mutuula. Kundu bali mu shomboroza Rurema, si bakiri noꞌbutoge. Batoniri kwo Rurema ali mukozi wabo naaho.

Hesiteeri 5:10

Kundu kwokwo, Hamaani anayihangirira, anataaha. Iri akaba akola mu mwage, anatumira biira baage, kuguma na mukaage Zereeshi, banakuumana.

1 Bakorindo 10:9

Tutanakizi ki gezagya Nahano, nga kwo baguma baabo bâli kizi gira, halinde banakomwa neꞌmijoka, banafwa.

Zaburi 58:2

E batwali, ka muli mu deta ukuli? Nanga, maashi! Si mugweti mugatwira abandu imaaja ku njira za kundi-kundi!

Zaburi 141:4

Ukizi langa noꞌmutima gwani, gutahemukire amabi. Utalekage kwo ngizi yibiika ku bali mu kizi gira ibihigo. Na kundu ibyokulya byabo byangaba biheshiri ngana, haliko, utaleke mbu ngizi birya kwo.

Mwigiriza 8:14

Hano mu kihugo, hali irindi igambo lya busha-busha. Ubugira kingi, abandu biija bagweti bagaahanwa nga bandu babi. Ababi nabo bagweti bagalonga amiija, ahandu haꞌbandu biija. Yoho wee! Nadeta kwo yibyo nabyo, biryagagi bya busha-busha.

Hisaaya 2:22

Aahago! Kituma kiki muki gweti mugabiika umulangaaliro ku bandu? Si booshi bagaafwa! Aaho! Kuti kwo bangaki mùtabaala?

Hayubu 1:22

Kundu yubwo buhanya bukahikira Hayubu kwokwo, ndaakyo kyaha kyo akagira, mbu ashumuze Rurema.

Zaburi 73:3

Ikyanya nꞌgabona ngiisi kwo banangora-mabi bali mu yikangaata, na ngiisi kwo bakoli gendukiirwi, nanayami gwatwa noꞌluugi.