Malaki 3:14 - Kifuliiru

¹⁴ Naani, nie Nahano, namùshuvya kwokuno: “Si keera mukadeta: Ukukolera Rurema kutatuhitiiri akamaro. Ee ma! Kundu tusimbahiragi imaaja zaage, tunali mu múyereka kwo twatwikira ku byaha biitu, si ndaabyo tuyungusiri!

Malaki 3:14 Referans Kwoze

Hisaaya 58:3

Yabo bandu bagweti bagayidesa kwokuno: “Kundu tushuba mu yishalisa, si utatutwaziizi. Aaho! Kamaro kaki ko twalonga? Kundu tugweti tugayibiika haashi, si utatubwini.”» Kundu kwokwo, Nahano adetaga kwokuno: «Ikyanya mugweti mugayishalisa, si mugweti mugayihahalira mwenyene, munabe mugweti mugalyalyania abakozi biinyu.

Sefaniya 1:12

Yikyo kyanya, ngakoleesa itara, mu kulooza ábabishamiri mu Yerusaleemu. Neꞌkyanya ngagwana ábagweti bagayifunda mu mabi, ngabahana ngana-ngana. Si bagweti bagayitoneesa kwokuno: “Nahano yehe, ndaabyo angatugirira, kiba kiija kandi iri kibi!”

Hayubu 35:3

Wanashubi buuza, mbu: “Mu kuyiyeka ibyaha, biki byo nangayunguka? Si ndaabwo bunguke!”

Yuheeri 2:12

Nahano adetaga kwokuno: «Bwo muki hiiti ikyanya, mungalukirage ku mutima gwinyu gwoshi. Si kikola kyanya kyoꞌkuyishalisa, na kyoꞌkulira, na kyoꞌkujengeerwa.

Hayubu 34:9

Keera anadeta mbu: “Kituma kiki umundu angateera ikihe mu kugira mbu asimiise Rurema?”

Yakobo 4:9

Mujengeerwe, iri munalira ku kimombo! Amasheka giinyu, gahinduke malira. Noꞌmushambaalo gwinyu, guhinduke muhuni.

Hayubu 22:17

«Bâli kizi bwira Rurema, mbu: “Ngahwe! Utushaagire hano. Kundu we Rurema woꞌbushobozi bwoshi, haliko ndaabyo ugatugirira.”

Hisaaya 43:22

«E Bahisiraheeri, beene Yakobo! Si mutali mu ndabaaza! Yoho wee! Keera mukannenuuka!

Yeremiya 2:25

E Bahisiraheeri, muyitondage. Si mu kulooza byo mugayikumba, mugweti mugatibita buzira biraato! Kiri neꞌmimiro yinyu, ikola mu hangalala. Yoho wee! Si muli mu naaka, mbu: “Ndaakwo kundi! Iyo migisi, tugisimiiri, tunakwaniini tukizi giyikumba.”

Yeremiya 18:12

«Kundu kwokwo, yabo Bayuda baganaaka, ti: “Aahabi! Yibyo wadeta, ndaabyo! Si tulyagagi mindagabika! Tuganagenderera naaho ukukizi gira nga ngiisi kwo tuloziizi.”»

Hosheya 7:16

Ikyanya bagweti bagalooza ubutabaazi, batali mu bulooza imwani. Balyagagi ba busha, nga muheto úguhengamiri. Na bwo bagweti bagavwajagira byoꞌbusha, abimangizi baabo bagayitwa ku ngooti. Abamiisiri bagakizi bashekeereza.»

Malaki 3:13

Nahano adetaga kwokuno: «Si keera mwanduka bweneene! Na niinyu, ti: “Kutagi kwo tukakutuka?”

Yeremiya 44:18

«Halikago, ukulyokera ho tukalekera ukuhoza umugoli wa kwiꞌgulu, lyo tukagoorwa bweneene! Twanakizi yitwa mwiꞌzibo, kiri na kwiꞌshali.»