Lwimbo Lwija 1:8 - Kifuliiru

⁸ «Yewe! We nonosiri ngana-ngana, ukuhima abakazi booshi. Neꞌri utangamenya áhali iheema lyani, ugirage ukulikire umukulubuzo gweꞌbibuzi, unagendi ragirira ibyanahene byawe hoofi naꞌmaheema gaꞌbangere.

Lwimbo Lwija 1:8 Referans Kwoze

Lwimbo Lwija 6:1

«E mukazi, si we nonosiri ngana-ngana! Aahago! Ulya mukundwa wawe, utubwire agenda hayi? Akagwata injira ya luhande luki, halinde tutabaalanwe ukumúshakula?»

Lwimbo Lwija 5:9

«Si we nonosiri ngana-ngana, ukuhima abandi banyere! Aahago! Uyo mukundwa wawe, biki byo agweti ukuhima abandi bakundwa? Ee! Biki byo abahimiri kwo, halinde wangatuyinginga mwene yuku?»

1 Peturu 3:6

Muguma wabo ye Saara. Ali gweti agakizi simbaha Hiburahimu, iri anakizi múbuuza: «E nahamwitu!» Na niinyu buno, mukola banyere boꞌyo Saara, iri mwangakizi gira amiija buzira kugwatwa neꞌkyoba.

Yakobo 5:10

E beene witu, mulolere umugani ku baleevi, ngiisi kwo bâli kizi deta kwiꞌziina lya Nahano. Kundu bakalonga amalibu, haliko bâli kizi gagooyera mwo.

Yakobo 2:21

Si shokuluza witu Hiburahimu, ikyanya akagira imikolezi miija, lyo Rurema akamúharuura kwo akoli kwaniini imbere lyage. Mukuba, akatanga umwana wage Hisake abe ituulo lyoꞌkuyitwa ku katanda.

Baheburaniya 13:7

Mukizi kengeeraga abimangizi biinyu. Mukuba, bâli kizi mùyigiriza Igambo lya Rurema. Mukizi kengeera ngiisi byo bâli kizi gira, na ngiisi kwo bikabagenduukira. Ngiisi kwo bâli biisiri Rurema kwoꞌbwemeere, kube kwo na niinyu mugakizi múbiika ku bwo.

Baheburaniya 6:12

Tutaloziizi kwo mukizi ba boolo. Halikago, muyigire umugani ku ngiisi ábayemiiri Yesu ku bwigenderezi, bakanalonge ngiisi byo Rurema akabalagaania.

Bahefeso 5:27

Kwokwo, lyo alonga ukuliyakiira likola mwoꞌbulangashane, linakola lyeru. Linabe buzira hitorotonde hyoshi, kandi iri hifunye, kandi iri tundi tushembo twoshi.

1 Bakorindo 11:1

Kwokwo, mukizi nyigira kwoꞌmugani, nga kwo naani ndi mu guyigira ku Kirisito.

Yohana 21:15

Iri bakayusagya ukuyikula, Yesu anabuuza Simooni Peturu, ti: «E Simooni mugala Yohana! Ka we nguuziri bweneene ukuhima yaba?» Naye, ti: «E Nahamwitu, uyiji kwo ngukuuziri.» Yesu, ti: «Ukizi heereza ibyanabuzi byani byo bigakizi lya.»

Yeremiya 6:16

Nahano adetaga kwokuno: «Muyimange mu mashangaaniza, muloleekeze bwija. Irya njira nyiija ya kare, mubuuze ngiisi ho iri. Ee! Irya njira nyiija, ibe yo mugakizi lenga mwo. Iri mwangagira kwokwo, lyo mugaluhuuka. Haliko, balya bandu banashuvya: “Iyo njira nyiija, twalahira, kwo tutagagikulikira.”

Lwimbo Lwija 4:10

E shasha yani, uli weꞌmwani. Urukundo lwawe luli mu ndwala kasinge-singe, lunali lwo lwija ukuhima idivaayi. Amalaasi gaawe, gali mu huumura bweneene, ukuhima umuhongolo gweꞌbilungo byoshi.

Lwimbo Lwija 4:7

E mukundwa wani, unonosiri ngana-ngana. Ndaanako kashembo ko uhiiti.

Lwimbo Lwija 4:1

«E mukundwa wani, unonosiri ngana-ngana. Amalanga gaawe gabuyahiri bweneene. Amasu gaawe, bwo gasiisirwi mu lushungi lwawe, gashushiri ngaꞌmasu geꞌngunde. Umushaku gwawe, guhononosiri bwija, nga lukuuli lweꞌmbene, íziri mu lindimuka ku migazi yeꞌGiryadi.

Lwimbo Lwija 2:10

Agweti agambwira kwokuno: “E mukundwa! We mu nzimiisa. Yimukaga, tuyigendere.

Lwimbo Lwija 1:15

«E mukundwa, unonosiri ngana-ngana. Emwe! Amasu gaawe galangashiini ngaꞌmasu geꞌngunde.»

Migani 8:34

Ahiriirwi, ngiisi úli mu ndega amatwiri. Ali mu yama abwatiiri ha mulyango gweꞌnyumba yani, mu kulindirira, halinde ikyanya ngayingira.

Zaburi 45:13

Abagale beꞌTiiro bagayiji kutengula, banakizi looza kwo ubatabaale.

Zaburi 45:11

E muluzi-nyere, uyuvwirize amagambo gaani, unagayitoneese kwo. Uyibagirage abeꞌmwinyu, kiri na beene winyu.

Zaburi 16:3

Abemeera baawe, kwo batuuziri mu kihugo, bo bali mu gingikwa. Baabo, bo banali mu nzimiisa.

Yakobo 2:25

Kiri noꞌlya mushule Rahabu naye, ikyanya akagira imikolezi miija, akaharuurwa kwo akoli kwaniini imbere lya Rurema. Mukuba, akayegereza balya bagahirizi mu mwage. Na ha nyuma, anabayongolosa, mu kubaleeza mu gindi njira.