Luka 6:48 - Kifuliiru

⁴⁸ Ali mu ba nga mundu úkalooza ukuyubaka inyumba. Uyo mundu anatee humba haashi bweneene, halinde anahike ku lwala, abuli luyubakira kwoꞌlutaliro. Neꞌkyanya ulwiji lukayijula, amiiji ganayipukula kwiꞌyo nyumba, puku! Kundu kwokwo, itanashagana, bwo yâli dediiri.

Luka 6:48 Referans Kwoze

Zaburi 62:2

Ndi mu kizibwa mu kati ka Rurema naaho. Munali mwoꞌmutima gwani gugweti gugaluhuukira.

Hisaaya 28:16

Si Nahano Rurema adetaga kwokuno: «Lolagi! Mu kaaya keꞌSayuni, keera nabiika mwiꞌbuye. Yiryo ibuye, keera likagezibwa, linali liꞌbuye lyoꞌkusikamya akagongo koꞌlutaliro. Umundu, iri angalibiika kwoꞌmulangaaliro, atagaki shenguka.

Yuda 1:24

Rurema ye shobwiri ukukizi mùlanga, gira mutagwe. Anamùyimangike imbere lyage mu kati koꞌbulangashane. Munashambaale ngana-ngana! Munabe buzira kashembo kooshi.

Hisaaya 26:4

Mukizi langaalira Nahano isiku zooshi. Mukuba ye Lwala lwitu lweꞌmyaka neꞌmyakuula.

Bahefeso 2:20

Munakoli ba nga luubako úluyubasirwi ku lutaliro lweꞌndumwa naꞌbaleevi. Na Yesu Kirisito yenyene, yiꞌbuye lyoꞌkukania akagongo kaalwo.

1 Yohana 2:28

E baana baani! Mugenderere ukukizi yama mu kati ka Kirisito, gira ikyanya agayerekanwa, mutayuvwe ikyoba, kandi iri ishoni.

2 Timoteyo 2:19

Kundu kwokwo, ibya Rurema biyamiri bisikamiri. Biryagagi nga lutaliro lukomu úluyimangisirwi kwo yaga magambo: «Nahano ayijagi ábali beꞌmwage.» Lunali luyandike na kwokuno: «Umundu, iri angayideta kwo ali mundu wa Nahano, akwiriiri atwikire ku mabi gaage.»

Zaburi 32:6

Kwokwo, ngiisi úkuyemiiri, akwaniini akizi kuhuuna, ku kyanya wangaki boneka. Iri angagira kwokwo, kundu agaaba abindikiirwi naꞌmakuba nga mwijulire, haliko gatagaki múdukiira.

2 Samweri 22:32

Ndaaye gundi Rurema, átali Nahamwitu naaho. Ee ma! Rurema yenyene, ye lwala lwitu.

Migani 10:25

Ikyanya ikihuhuuta kiri mu huusa, nangora-mabi ali mu minikwa. Si ngiisi úkwaniini yehe, agasikama imyaka neꞌmyakuula.

2 Samweri 22:47

«Nahano ayamiri ho. Na bwo ye lwala lwani, akizi yivugwa. Rurema wani, akizi huuzibwa! Ye Lwala lwani, ye na Lukiza wani.

Hisaaya 59:19

Ku yikyo kyanya, Nahano agayija ali nga lwiji úlukundwiri. Umuuka gwage gunabe guli mu luvwarusa. Kwokwo, lyaꞌbandu bagakizi simbaha Nahano, banahuuze ubulangashane bwage, ukulyokera isheere, halinde imuga.

2 Peturu 1:10

Ku yukwo, e beene witu, bwo Rurema keera akamùtoola, anamùhamagala, mukizi kaviiriza ukuyama mu kati kaage. Iri mwangakizi gira kwokwo, mutâye gwe.

Mikolezi 14:22

Neꞌyo munda hooshi, banakizi genda bagaakania Abakirisito imitima. Banababwira kwo bakizi yihangaana mu kuyemeera Yesu. Banababwira na kwokuno: «E balya, iri twangayingira mu bwami bwa Rurema, bitukwiriiri tukizi longa amalibu mingi.»

Yohana 16:33

«Keera nagwanwa namùbwira kwoku, gira lyo mulonga umutuula mu kati kaani. Mu kihugo, mugakizi longa mwaꞌmalibu. Halikago, mukizi kania imitima! Mukuba, kino kihugo, keera nakihima.»

Nahumu 1:8

Haliko abagoma boohe, agweti agabalandiriza, halinde anabaminike. Ali mu yami bakumbulula nga mwijulire, halinde banaherere mu kihulu, lwoshi-lwoshi.

Zaburi 95:1

Muyije, tukizi yimbira Nahano ku bushambaale. Tukizi múbandira akabuuli, awi yiyi yiyi! Mukuba, Nahano ye Lwala lwo tuli mu kizibwa mwo.

2 Samweri 22:5

Imidunda yoꞌlufu, yâli koli nzokaniini. Neꞌmigezi ya Narufu, yâli kola iganyihonga kwo.

Bukengeeze 32:15

«Kwokwo, kundu Abahisiraheeri bakajega, haliko banahuna imbere lyage. Emwe! Bakalya, banajega, banafiika. Ha nyuma, banajanda Rurema wabo, kundu ye kababumba. Bakagayiriza lukiza wabo, kundu ali lwala lukomu.

2 Samweri 23:3

Rurema waꞌBahisiraheeri akyula. Ulwala lwaꞌBahisiraheeri akambwira: “Umundu, ikyanya ali mu rongoora abandu ku njira íkwaniini, anabe ali mu simbaha Rurema mu kutwala,

2 Samweri 22:2

«Nahano, ye lwala lwani. Ye butibitiro bwani. Ye na Lukiza wani.

1 Samweri 2:2

Ndaaye gundi úli mweru nga Nahano, ndaanaye gundi Rurema. Ndaaye úli lwala nga Rurema witu.

Bukengeeze 32:31

«“Abagoma baabo, bayiji-yiji kwo ye bali mu yikumba, atali nga Rurema waꞌBahisiraheeri.

Bukengeeze 32:18

«E Bahisiraheeri, si keera mukagayiriza Lwala, anali ye kamùbuta. Mukayibagira Rurema, anali ye tumiri muli bagumaana.

Luka 6:47

Yaga magambo gaani, iri umundu anganyijira, anagayuvwe, anabe agasimbahiri, ngamùyereka ngiisi kwo ali.

Luka 6:49

«Halikago, iri umundu angaba ali mu yuvwa amagambo gaani, atanakizi gasimbaha, ali nga úkayubakira inyumba ku luvu lumaata, buzira lutaliro. Neꞌkyanya imigezi ikagiyifuka kwo, yanayami yihongoleka haashi. Yanashereera lwoshi.»