Luka 5:34 - Kifuliiru

³⁴ Yesu anabashuvya: «Ka mwangashalisa ábalaalikwa, banakiri kuguma na nahamwabo woꞌbuhya? Nanga!

Luka 5:34 Referans Kwoze

Yohana 3:29

«Yiba woꞌmuhya, ye mu ba mwene ye. Na kashooshole naye, ali mu ba ayimaaziragi ha butambi lyage, iri anamútega amatwiri. Neꞌkyanya ali mu yuvwa izu lyage, ali mu ba ashambiiri bweneene. Kwokwo, na naani, ngoli hiiti ubushambaale, bunakoli dimiriiri.

2 Bakorindo 11:2

Ngoli gwasirwi noꞌluugi bweneene hiꞌgulu liinyu, lunalyosiri imwa Rurema yenyene. Mukuba, mulyagagi nga shasha ndaluule yo nꞌgagondeesa imwoꞌmushosi muguma, ye Kirisito.

Mataayo 22:2

«Ubwami bwa mwiꞌgulu, twangabuyerekana ku mugani gwoꞌmwami muguma, úkategekera umugala ubuhya.

Sefaniya 3:17

Rurema Nahamwinyu, mutuliinwi. Ali kihagarusi! Aganamùhimira. Ee ma! Agakizi mùsiimira bweneene, muganakizi luhuuka mu kati koꞌrukundo lwage. Agakizi mùshambaalira ku nyimbo, mu kati koꞌmulengo.»

Hisaaya 62:5

Nga kwoꞌmusore mutabana ali mu ba mwene umuhya, kwo na kwokwo ulya úkakubumba agaaba yibalo. Na nga kwoꞌmushosi ali mu shambaalira mukaage, Kwo na kwokwo Rurema wawe agakizi kushambaalira.

Hisaaya 54:5

Si Rurema ye kakulema, ye nakolaga yibalo. Iziina lyage, ye Nahano woꞌbushobozi bwoshi! Yoyo Mutaluule waꞌBahisiraheeri, ye mu kuguluula. Ye nali mu buuzibwa Rurema waꞌMahanga gooshi.

Lwimbo Lwija 6:1

«E mukazi, si we nonosiri ngana-ngana! Aahago! Ulya mukundwa wawe, utubwire agenda hayi? Akagwata injira ya luhande luki, halinde tutabaalanwe ukumúshakula?»

Lwimbo Lwija 5:8

«E banyere beꞌYerusaleemu! Namùyinginga mwe bakongwa! Ulya mukundwa wani, iri mwangamúbonaga, mumúbwire kwo nimúkuuziri bweneene, kyo kinatumiri ndi mu lyanirwa kwoku.»

Mataayo 9:15

Yesu anabashuvya: «Kutagi kwo ábakalaalikwa bangajengeerwa, banaki ririinwi na nahamwabo woꞌbuhya? Haliko, mu siku ízigayija, nahano woꞌbuhya agalyosibwa mu kati kaabo. Mu yizo siku lyoki, bagayishalisa!»

Luka 5:33

Abandu banabwira Yesu: «Abigirizibwa ba Yohana, ikyanya bagweti bagahuuna Rurema, bali mu yishalisa. Kiri naꞌbigirizibwa baꞌBafarisaayo nabo, bayamiri bali mu gira kwokwo. Si abeꞌmwawe, boohe, bagweti bagaalya naaho, noꞌkunywa!»

Luka 5:35

Halikago, mu siku ízigayija, uyo nahano woꞌbuhya agalyosibwa mu kati kaabo. Mu yizo siku lyoki, bagayishalisa!»