Luka 22:63 - Kifuliiru

⁶³ Abashosi ábâli kizi langa Yesu, banakizi múshekeereza, iri banamúhimbula.

Luka 22:63 Referans Kwoze

Yohana 18:22

Yesu mbu adetage kwokwo, umulaazi muguma úwâli yimaaziri ha butambi lyage, anamúhatuula uluhi, twa! Anamúbuuza: «Ka kwoku kwo ukwiriiri ukushuvya umukulu waꞌbagingi?»

1 Peturu 2:23

Ikyanya bakamútukiiriza, atanabashuvya ku bitusi byabo. Neꞌkyanya bakamúlibuza, atakabikirana ikikando. Si akayibiika mu maboko ga Rurema, bwo ye mu twa imaaja ku njira íkwaniini.

Baheburaniya 12:2

Tukizi lola ku Yesu. Mukuba, ubwemeere bwitu, buli mu múyegamira kwo, ukulyokera indondeko, halinde ukuyusa. Yenyene akagooyera, mu kuyitirwa ku kibambo. Na kundu akakilongeraga kweꞌshoni, atanazitwaza. Mukuba, âli bikiirwi ubushambaale. Na buno, akoli bwatiiri uluhande lweꞌlulyo lweꞌkitumbi kya Rurema.

Mika 5:1

Nahano adeta kwokuno: «E kaaya keꞌBetereheemu yeꞌHefurata! Mu bandu beꞌBuyuda, wehe, we kaaya kaniini. Kundu kwokwo, mu mwawe mwo mugalyokaga umutwali waꞌBahisiraheeri.» Invuuko yage iri ya mu bandu ba keera bweneene.

Hisaaya 53:3

Si abandu bâli kizi múshomba, iri banamúnegura. Âli kizi jengeerwa, noꞌkukizi libuuka, anaba kyagaza imbere lyabo, halinde banamúbona kwo atali kindu.

Hisaaya 52:14

Kundu kwokwo, ikyanya abandu bakamúbonaga, banakanguka. Amalanga gaage gâli kola kundi-kundi, atanâli ki shushiri nga mundu.

Hisaaya 49:7

Wehe, abandu bakiri mu kugayiriza, banaki kushombiri. Ulyagagi muja naaho woꞌkukizi kolera abatwali. Kundu kwokwo, Nahano ali Lukiza, Umutaluule waꞌBahisiraheeri, anakola mu deta kwokuno hiꞌgulu lyawe: «Ikyanya abaami bagakizi kubona, bagakugingika. Kiri naꞌbakulu banakufukamire.» Kwokwo, ukizi mbiika kwoꞌmulangaaliro! Mukuba, nie Nahamwinyu, Umutaluule waꞌBahisiraheeri. Keera nanakutoola.

Zaburi 35:25

Utanabaleke kwo bakizi yihaya kwokuno: «E balya, leero twamúmira lwoshi, nga kwo twâli loziizi.»

Zaburi 22:13

Abagoma bingi bakoli nzokaniini nga shuuli. Balyagagi nga shuuli ndangi zeꞌBashaani.

Luka 22:62

Haaho, Peturu anayami hulukira imbuga, anatondeera ukubululuka.

Yohana 18:19

Uyo mukulu waꞌbagingi, anatondeera ukubuliriza Yesu hiꞌgulu lyaꞌbigirizibwa baage, na hiꞌgulu lya ngiisi kwo âli kizi yigiriza.