Luka 18:30 - Kifuliiru

³⁰ uyo, ku kyanya akiri hano mu kihugo, agayushuulirwa ibyeꞌngingwe bweneene, ukuhima byo akasiga. Na ha nyuma, analonge ukulama imyaka neꞌmyakuula!»

Luka 18:30 Referans Kwoze

Hayubu 42:10

Uyo Hayubu, iri akaba keera ahuunira biira baage, Nahano anamúgalulira ibindu byage byoshi, nga kwo âli bihiiti ubwa mbere. Ee! Anamúheereza ubugira kabiri kaabyo.

Bwigule 2:17

«Ngiisi úhiiti amatwiri, ayuvwe ngiisi kwoꞌMutima Mweru gugweti gugabwira amashengero! Umundu, iri angahima, ngamúheereza ku byokulya íbibishirwi, binali mu buuzibwa Mana. Ninamúheereze niꞌbuye lyeru íriyandisirwi kwiꞌziina lihyahya. Yiryo iziina, ndaaye gundi úgalimenya, átali yolya úlihaabirwi.»

Mataayo 12:32

Na kundu umundu angatuka Umwana woꞌMundu, angakogwa. Haliko, iri angatuka Umutima Mweru, lyoki atâye kogwe, kuba ku kino kyanya, kandi iri ku kyanya íkyâye yije.»

1 Timoteyo 6:6

Biri ukuli, kweꞌri abandu bangaba bakulikiiri Rurema, bali mu longa ubunguke buhamu. Halikago, bakwaniini bakizi tuugiza umutima ku byo bagweti.

1 Timoteyo 4:8

Iri umundu angakizi hatiriza amagala gaage mbu lyo gafiika, angaba naꞌkamaro kagerwa naaho. Halikago, iri angakizi fiitirwa ku bya Rurema, lyo agakizi longa akamaro mu kati ka byoshi. Agaaba alonga umuhango ku bya hano mu kihugo, kiri na ku byâye yije kwakundi.

Zaburi 119:162

Imihango yawe iri mu njambaaza bweneene. Ndi nga mundu úwalonga ikindu kyeꞌkishingo kihamu.

Zaburi 119:127

Haliko niehe, ngakuuziri ukuhima inooro, kiri neꞌnooro muguuhya.

Zaburi 119:111

Imaaja zaawe, buli buhyane bwani bweꞌmyaka neꞌmyakuula. Umutima gwani guli mu kizi zishambaalira.

Zaburi 119:103

Amagambo gaawe, gali manunu bweneene. Ganuniri mu kanwa kaani ukuhima ubuuki.

Zaburi 119:72

Amigirizo gaawe gambitiiri akamaro bweneene, ukuhima akatundu keꞌnooro, kandi iri keꞌharija.

Zaburi 37:16

Umundu úkwaniini, kundu angaba ali neꞌbindu bigerwa naaho, haliko byo bihimiri ubugale bwa banangora-mabi.

Bwigule 3:21

«Umundu, iri angahima, ngamúhanguula kwo tubwatalanwe ku kitumbi kyani kyoꞌbwami, nga kwo naani keera nꞌgahima, twanabwatalanwa na Daata ku kitumbi kyage kyoꞌbwami.

Bwigule 2:10

Mumenye bwija kwo baguma biinyu, Shetaani akola agabalasha mu nyumba zeꞌmbohe, banalonge mwaꞌmalibu geꞌsiku ikumi. Kundu mugalibuzibwa, mutayobohe. Na kundu mwangayitwa hiꞌgulu lyani, mukizi ba bemeera. Naani, ninamùheereze ulushembe lwoꞌbulamu.

Mataayo 4:24

Umwazi hiꞌgulu lya Yesu, gwanalumbuuka mu kihugo kyoshi kyeꞌSiriya, kyanatuma abandu bagakizi múleetera abalwazi booshi ba ngiisi malwazi. Mu kati kaabo, baguma bâli lyaniirwi bweneene! Abandi, bâli bambwirwi neꞌbisigo. Naꞌbandi bâli riiri noꞌbufukunyi. Naꞌbandi bâli zingamiri. Yabo booshi, Yesu anakizi bakiza.